Дүниеге сәби әкелген аналарды құттықтады

ImageАудан орталығы Шолаққорған ауылының орталығындағы перзентханада  Ұлыстың ұлы күні Наурыз мейрамында  дүниеге сәби әкелген аналарды аудан әкімінің атынан аудан әкімінің орынбасары С.Еденбаева арнайы барып құттықтады. Төрткүл дүние мұсылмандары мерекелеген Наурыз күні  ауданда дүниеге төрт қыз бала келіпті.
-Дүниеге қыз келсе бейбітшілік пен татулық мол болады. Ұл бала келсе халық ынтымақшыл, егін мол, мал басы көбейеді деп жатамыз. Расында бейбітшілік құсындай әсем, әдемілік жаршысындай ару қыздарымыз көп бола берсін. Дендері сау, аман есен отбасын қуанта берсін. Өздерің аман болыңдар. Халқымыздың санын көбейте беріңдер,-деп Сәуле Дөненбекқызы ару аналардың басына жібек шәлі тарту етті.  Сонымен қатар естелік сыйлық пен қаржылай сый-сияпаттар жсады.
Босанған аналар атынан сөз алған созақтық ана Құдайбергенова Тамара сәбиіне өмір сыйлаған, өзіне шипа дарытқан ақ желеңді абзал жандарға алғысын жеткізді. Мен перзентханаға қиын жағдайд түстім, алдымен Құдайдың арқасында , екінші дәрігер апайлардың арқасында аман қалдым. Сол себепті брашаңызға рахмет. Наурыз мерекесі құтты болсын,-деп ағынан жарылды.Image