Халықтар бірлігі күні мерекеленді

ImageБүгін аудандық «Мыңжылқы» мәдениет үйінде, 1 мамыр – Қазақстан халқының бірлігі күні мерекесіне орай салтанатты жиын өтті.

Салтанатты жиында аудан әкімі Салыхан Сабырұлы сөз  сөйлеп, барша жиналған көпшілікті мерекемен құттықтады. -Алғашқы күнінен бірлік пен берекеге бастайтын бұл айдың барша адамзат үшін ерекше күн. Себебі әлем халқы, «Дүниежүзілік Ынтымақ, Еңбек, Бейбітшілік күнін» біздің елімізде «Қазақстан Халықтарының бірлігі» күні деп атап өтіледі. Ел тыныштығының тұнығы бұзылмай, бейбіт елдің берекесі арта берсін»,- деді. Бірнеше азаматқа, аудан әкімінің алғыс хаты тапсырылды. Аудандық мәслихаттың төрағасы Бегімбет Байғараев еңбегі сіңіп, ауданның дамуы жолында еңбек етіп жүрген адамдарды марапаттады.
Жиын соңында жиналған көпшілік аудандық мәдениет үйі өнерпаздарының мерекелік концертін тамашалады. 

Аудан әкімінің баспасөз қызметі.