Галерея

Жаңалықтар
Жаңалықтар
Мен банктен кредит алған едім. Қазір төлеу мерзімін өткізіп алдым. Банк сотқа арызданбақшы. Менің білгім келетіні, жеке зейнетақы шотымдағы қалдық ақша мен оның қозғалысы туралы анықтама кімдерге беріледі? Баспаға басу

БЖЗҚ «Қазақстан Республикасында зейнетақымен қамсыздандыру туралы» ҚР Заңының 57-бабына сәйкес зейнетақы жинақтарының құпия сақталуына кепілдік береді. Бұл ретте зейнетақы жинақтарының құпиясы салымшының өзіне және оның заң бойынша рәсімдеген жазбаша келісімі бойынша кез келген үшінші адамға ашылуы мүмкін.

Сонымен жеке зейнетақы шоттарындағы ақша сомасы және оның қозғалысы туралы анықтамалар:   

1) анықтау және алдын ала тергеу органдарына - олардың жүргiзуіндегі қылмыстық iстер бойынша;

2) соттарға - сот ұйғарымының негiзiнде олардың жүргізуіндегі iстер бойынша;

3) сот орындаушыларына - сот орындаушысының прокурор санкциялаған  

қаулысы негізінде олардың жүргізуіндегі атқарушылық құжаттар бойынша;

Жалғасы...
 
Осыдан екі апта бұрын Талдықорған қаласынан Алматы қаласына көшу барысында БЖЗҚ-дан берілген зейнетақы туралы шартты жоғалтып алдым. Оны қалай қалпына келтіруге болады? Оған енді жаңа мекенжайымды енгізуім керек пе? Баспаға басу

Қазіргі уақытта Бірыңғай жинақтаушы зейнетақы қорында зейнетақымен қамсыздандыру туралы шарттың орнына жеке зейнетақы шотын (ЖЗШ) ашу туралы  өтініштің көшірмесі (телнұсқасы) беріледі. Оны алудың екі жолы қарастырылған:

1) Қордың жергілікті бөлімшесіне жеке басыңызды куәландыратын құжатпен өзіңіз келіп ЖЗШ ашу жөніндегі өтініштің көшірмесін алуға өтініш білдіресіз. Қор бөлімшелерінің мекенжайлары оның ресми сайтында көрсетілген.

2) Қордың enpf.kz ресми сайтының «Жеке кабинет» бөлімі арқылы «ЖЗШ шоттар жөнінде анықтама алу/ЖЗШ шотын ашу туралы өтініш/жаңа редакциядағы зейнетақымен қамсыздандыру туралы шарт» нысанынан  электрондық цифрлық қолтаңбаның (ЭЦҚ) өзекті кілті арқылы алуға болады. Сонымен қатар өтініштің көшірмесін Қор сайтының «Жеке кабинет» бөлімі арқылы логин және құпия сөздің (пароль) көмегімен де алуға болады. Қазір логиннің орнына жеке сәйкестендіру нөмірі (ЖСН) пайдаланылады.

Жалғасы...
 
Менің зейнетке шыққаныма екі жыл болды. Таяуда жұмыс берушімнің зейнетақы қорындағы шотыма міндетті зейнетақы жарналарын аударғаны туралы құжат тауып алдым. Енді Қордағы бұл жинақ ақшаны қалай алуға болады? Баспаға басу

2018 жылдың қазанында зейнетақы қызметтерінің сапасы мен қолжетімділігін арттыру мақсатында зейнетақы төлемдерін «Бір терезе» қағидасы бойынша жүзеге асыру үшін Композиттік қызмет іске қосылды. Соған сәйкес зейнет жасына толған азаматтар мемлекеттік зейнетақылар (ортақ және базалық зейнетақы) мен зейнетақы қорындағы жинақтары есебінен берілетін төлемдерді «Азаматтарға арналған үкімет» Мемлекеттік корпорациясының Халыққа қызмет көрсету орталығында рәсімдейді. Бұған дейін жинақ ақшасы есебінен төлемдерді алу үшін Қорға жүгінетін.

Сіз бюджеттен алатын зейнетақыларыңызды рәсімдеп, Қор төлемдері бойынша өтініш жасамағансыз. Енді БЖЗҚ төлемдерін алу үшін Халыққа қызмет көрсету орталығына жүгініп, өтініш беруіңіз керек. Оған қоса жеке басыңызды куәландыратын құжаттың көшірмесі мен салыстыру үшін түпнұсқасын және банк шотыңыз туралы мәлімет ұсынасыз. Сонда зейнетақы жинақтарыңыз есебінен төлемдерді мемлекеттен алатын зейнетақымен бір мезгілде алып отыратын боласыз.    

 

 
Менің ұлым он жылдан астам уақыттан бері Ресейдің Челябинск қаласында тұрады. Қазір мен де Ресейге қоныс аударуды ойластырып жүрмін. Ендеше Бірыңғай жинақтаушы зейнетақы қорындағы жинақ ақшамды қалай алсам болады? Баспаға басу

        Егер Бірыңғай жинақтаушы зейнетақы қорында (БЖЗҚ, Қор) міндетті зейнетақы жарналары, міндетті кәсіптік зейнетақы жарналары және ерікті зейнетақы жарналары есебінен жинақтарыңыз болса, Қазақстан Республикасынан тысқары жерге қоныс аударуыңызға байланысты оларды толық мөлшерде алуыңызға құқыңыз бар. Бұл ретте Қорға құжаттарды тапсырудың мынадай тәсілдері ұсынылады: 

- Қор бөлімшесіне тікелей келіп өтініш жасау;

- пошта байланысы;

- үшінші тұлға (сенім білдірілген тұлға) арқылы. Бұл ретте құжаттар сенім білдірілген тұлға Қор кеңсесіне келген жағдайда ғана қабылданады.

Есіңізде болсын, Сіз Қорға өтініш жасамай тұрып, шетелге тұрақты тұруға кетуіңізді ресми түрде рәсімдеп алуыңыз керек. Бұл зейнетақы заңнамасының талабы.

Жалғасы...
 
Мүмкіндігі шектеулі азаматтарға сый-сияпаттар табысталды Баспаға басу

            ImageАудан әкімдігінің ұйымдастыруымен «10 – қазан мүгедектер күні» мерекесіне орай аудан әкімдігінің жұмыспен қамту және әлеуметтік бағдарламалар бөлімінің мекемесінде аталған мерекеге орай демеушілік жасаған азаматтардың сыйлықтарын мүмкіндігі шектеулі азаматтарға табыстау шарасы өтті. Шараға аудан әкімінің орынбасары Сатыбалды Ақәділ Болатұлы қатысып, мүмкіндігі шектеулі азаматтарды мерекелерімен құттықтап, сый-сияпаттарды табыстады.

            Демеушілердің жасаған сыйлықтарын атап өтер болсақ, аудандық ішкі істер бөлімінің ұйымдастыруымен «Күндізгі қатынау және әлеуметтік психологиялық сүйемелдеу бөлімшесінің» қарамағындағы 44 мүмкіндігі шектеулі балаларға аяққа массаж жасауға арналған 4 дана аппарат, аудан орталығындағы «КМФ» шағын несие беру ұйымы балалардың тілін, ойын дамытатын ойыншықтар, 1 мүгедек балаға 1 дана қоларба алып берді. Сонымен қатар, ЖШС «Hi-Teck Qazaqstan» бас директоры Аханов Төлеген Еркенұлының демеушілігімен 1 мүгедек балаға 1 дана қоларба және ІІІ-топ мүгедегіне тігін машинасын алып, өзінің жеке кәсібін ашуға қолдау көрсетті. Сондай-ақ, «1 қазан – қарттар күні» мерекесіне орай аудан әкімдігінің дене шынықтыру және спорт бөлімі қарттар үйіндегі қарияларға демеушілік танытып, сый-сияпат жасады.

            -Бүгінгі шарада демеушілік танытып, балама қоларба сыйлаған жандарға шексіз алғысымды білдіремін. Мүмкіндігі шектеулі азаматтарды қоғамнан оқшауламай, жанашырлық танытып, әрдайым қолдау білдіріп отыратын азаматтарымыз қатары көбейе берсін, дендері сау болсын деген тілегімді айтамын, - деді, шараға қатысқан Масалы Үсен есімді мүмкіндігі шектеулі баланың анасы Толқын Сұрынбаева.

Аудан әкімінің баспасөз қызметі

 
Ауыл шаруашалығы еңбеккерлерінің «Алтын күз» мерекесі өтті Баспаға басу

ImageБүгін аудан орталығы «Даңқ» саяжолында «Алтын күз» ауыл шаруашылығы саласын қорытындылаған жиыны өтті. Оның аясында арзан бағада азық түлік өнімдерінің жәрмеңкесі, асыл тұқымды мал басының көрмесі, қол өнер шеберлері мен, ауылшаруашылық техникаларының көрмесі, ұлттық спорт түрлерінен жарыстар ұйымдастырылды. Үздік өнім алған шаруа қожалықтарымен ауыл окуг әкімдіктері, үздік ауыл шаруашылық мамандары марапатталды. Аудан тұрғындарына шаруалар арзандатылған бағадағы өз өнімдерін ұсынды.

            Мерекелік шарада сөз алған аудан әкімі Салыхан Полатов: «ҚР Президенті Қасым Жомарт Тоқаев халыққа арнаған Жолдауында «Ауыл шаруашылығы – біздің негізгі ресурсымыз, бірақ оның әлеуеті толық пайдаланылмай отыр. Ел ішінде ғана емес, шетелде де сұ­ранысқа ие органикалық және эколо­гиялық таза өнім өндіру үшін зор мүмкіндіктер бар»- деп атап өткендей, алдағы уақытта да  ауыл шаруашылығы қызметкерлерінің алдында өнім көлемін арттыру, табиғи өнімді ұлғайты секілді үлкен міндет тұр. Оған елдің бірлігі, халықтың ынтымағы және көпшіліктің қажырлы қызметнің арқасында жетеміз деп сенемін»,- деп барша аудан тұрғындарын берекелі де, мерекелі «Алтын күз» мерекесімен құттықтап, үздік ауыл округтерімен, шаруа қожалықтарын марапаттады.

            Ауыл шаруашылығы бойынша табысты көрсеткішке қол жеткізген Қарақұр ауыл округ әкімдігімен (ауыл әкімі Жәмиев Ордабек)   Шолаққорған ауыл округ әкімдігі  (ауыл әкімі  Елібаев Әділ)   3 орын,  Созақ ауыл округ әкімдігі (ауыл әкімі Аяпов Батыр) 2 орынмен марапатталады.  1-ші орын алған    Сызған ауыл округ әкімдігі (ауыл  әкімі Маманов Серік) аудан әкімінің алғыс хатын алды.  Жоғары көрсеткіштерге қол  жеткізген озат шаруалар да аудан әкімінің алғыс хатының иегері болып, сый сияпат табысталды. Сондай-ақ, аудандық мәслихаттың хатшысы Б. Байғараев, аудандық ардагерлер кеңесінің төрағасының орынбасары А. Мұсабеков құттықтау сөз сөйлеп, бірқатар азаматтарға алғыс хат табыс етті.

Жалпы теріскейлік шаруалар жиын терім маусымын жоғары аяқтады. Көршілес Ресей мемлекетіне қауын қарбыз экспорттады. Мемлекеттік бағдарламалар жоспарға сай орындалуда. 300 га суармалы жерді айналымға қосу межесі белгіленіп, ол толықтай орындалды.  9 айында ауыл шаруашылығы саласындағы жалпы өнім көлемі 7 666,4 млн  теңге болып, яғни өткен жылдың осы мерзімімен салыстырғанда  288,6  млн теңгеге артып, 103,9 %  артық орындалды. Нақты көлем индексі 101,8 % құрады. 

Ауыл шарушылығы саласының негізгі капиталына тартылған инвестиция  23 млн.теңгені құрады. Бұл өткен жылмен салыстырғанда 114 %  артық.

Жиын соңы аудандық мәдениет үйі өнерпаздарының қойған концерттік бағдарламасына ұласты.

Ауданы әкімінің баспасөз қызметі.

 
Мекенжай анықтамасын алып тастау бойынша Баспаға басу

Қазақстанда 1 қарашадан бастап мекенжай анықтамасы талап етілмейді және мемлекеттік қызметтер реестрінен алынып тасталатын болады. Яғни,еш мемлекеттік орган, мектеп не медициналық мекеме азаматтардан мекенжай анықтамасын 1- қарашадан бастап сұрата алмайды. Оны «Азаматтарға арналған үкіметтің» филиалдарынан да, электронды үкімет порталынан да алу мүмкіндігі болмайды. 

Қажет болған жағдайда қазақстандықтар тіркеуге тұрған мекенжайларын egov.kz электронды үкімет порталы мен eGov mobile  қосымшасындағы жеке кабинеті арқылы тексере алады.

Мемлекеттік органдарға келетін болсақ, олар бұл мәліметті ішкі істер министрлігінің деректер базасымен интеграцияланған ақпараттық жүйелері арқылы алатын болады.

Сонымен бірге, азаматтардың мекенжай тіркеуі туралы ақпаратты сұратуы мүмкін басқа ұйымдар, соның ішінде жеке компаниялар egov.kz электрондық үкімет порталындағы үшінші тұлғаларға анықтама беруге мүмкіндік беретін сервисті пайдалана алады. Бұл тек азамат  бір рет ақпарат алуға рұқсат беретін SMS-ке келісім бергенде ғана жүзеге асатын операция.

Естеріңізге сала кетейік, бұған дейін «Азаматтарға арналған үкімет» мемлекеттік корпорациясы сараптама жүргізіп, қазақстандықтардың жыл сайын әртүрлі ұйымдарға ұсыну үшін 20 миллионнан астам анықтаманы басып шығаратынын анықтады, олардың жартысына жуығы – мекенжай анықтамалары. Мекенжай анықтамалары негізінен жұмысқа орналасу, балаларды мектеп пен балабақшаға тіркеу, банк қызметтерін алу кезінде, сондай-ақ әртүрлі мемлекеттік бағдарламаларға қатысу үшін сұратылған. Осылайша, мекенжай анықтамаларының күші жойылған кезде азаматтардың ХҚО-ға келу саны 10 миллион есе азаяды.

                                                                                                        «Азаматтарға арналған үкімет»       

                                                                                               мемлекеттік корпорациясы»

                                                                                              Түркістан облысы филиалының        

                                                                                             Созақ аудандық «Халыққа қызмет             

                                                                                             көрсету бойынша» бөлім маманы 

                               Умирбеков Мурат Муханович    

 
БЖЗҚ өзінің географиясын кеңейтіп жатыр Баспаға басу

Тағы 126 елдімекеннің тұрғындары БЖЗҚ қызметтерін «Қазпошта» АҚ бөлімшелері арқылы алуға қол жеткізді

                  Ағымдағы жылдың сәуірінде Бірыңғай жинақтаушы зейнетақы қоры мен Қазпошта еліміздің шалғай орналасқан елдімекендерінің тұрғындарын зейнетақы қызметтерімен қамту үшін бірлескен жобаны іске қосты. Ол БЖЗҚ салымшылары мен алушыларына Қазпошта бөлімшелері арқылы қызмет көрсетуге бағытталған.       

                 «Қазпошта» АҚ операторлары арнайы оқыту курсынан өткен соң, «БЖЗҚ» АҚ-тың қызмет көрсету орталықтары жоқ елдімекендерде зейнетақы қызметтері көрсетіле бастады.

                 Еске саламыз, бұған дейін «БЖЗҚ» АҚ көрсететін қызметтері Қазпоштаның 94 елдімекендегі бөлімшелерінде қолжетімді болатын. Енді олардың қатарына тағы 126 қызмет көрсету бөлімшесі қосылды. Осылайша бөлімшелердің жалпы саны 220-ға жетті.

      Атап айтар болсақ, бұл ауылдар мен кенттердің тұрғындары Қазпошта бөлімшелерінде мынадай қызметтерді ала алады:

  • салымшының (алушының) қосымша деректемелерін (жеке куәлігінің нөмірі, телефон нөмірі, электрондық және пошталық мекенжайы) өзгерту/толықтыру туралы өтініш беру;
  • хабарлау тәсілін өзгерту (белгілеу) (оның ішінде «БЖЗҚ» АҚ электрондық форматтағы қызметтеріне қол жеткізу) туралы келісімге қол қою.

                 Атап өту керек, 2019 жылы республика өңірлерін Бірыңғай жинақтаушы зейнетақы қорының көретілетін қызметтерімен қамту деңгейі 102 пайызға дейін өсті.

                 Зейнетақы қызметтері ұлттық пошта желісі арқылы Ақтөбе, Ақмола, Алматы, Атырау, Батыс Қазақстан, Жамбыл, Қарағанды, Қызылорда, Қостанай, Маңғыстау, Павлодар, Солтүстік Қазақстан, Түркістан және Шығыс Қазақстан облыстарының шалғай елдімекендерінде көрсетіліп жатыр. Елдімекендердің толық тізімін Қордың enpf.kz сайтынан көруге болады.    

 БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

 
2019 жылы 130 астам журналист зейнетақы жүйесі туралы білімдерін жетілдіріп, сертификаттар алды Баспаға басу

«БЖЗҚ» АҚ стратегиялық міндеттерінің бірі – халық арасында ақпарат беру-түсіндіру жұмыстарын белсенді түрде жүргізу. Аталмыш шара қаржылық сауаттылықты, БЖЗҚ-ның көрсететін қызметтері, зейнетақы жүйесі, зейнетақы заңнамасындағы өзгерістер, зейнетақы активтерін басқару бойынша инвестициялық қызметтің нәтижелері, дербес зейнетақы жинағын қалыптастыру туралы хабардарлықты арттыруға бағытталған. Бұл міндеттерді жүзеге асыруда бұқаралық ақпарат құралдарының атқаратын рөлі өте зор. Осыған байланысты Қор мамандары БАҚ өкілдері, журналистика факультеттерінің студенттері және блогерлер үшін Қаржы журналистикасы мектебі үлгісінде дәрістер жүргізіп жатыр. Басты тақырып: «Қазақстан Республикасының жинақтаушы зейнетақы жүйесі туралы қажетті мағлұматтар». 

Мектепті өткізудегі мақсат – Қазақстан Республикасының жинақтаушы зейнетақы жүйесі бойынша журналистердің, блогерлердің және журналистика факультеті студенттерінің біліктілігін арттыру, сонымен қатар БЖЗҚ өкілдерінің  олармен кәсіби тұрғыда бірлесе әрекет жасауына мүмкіндік беру.

Курс бағдарламасында мына тақырыптар бойынша оқыту модульдері ұсынылады: зейнетақы жүйесінің модельдері, отандық жинақтаушы зейнетақы жүйесінің ерекшеліктері, зейнетақы заңнамасындағы өзгерістер, жинақтаушы зейнетақыны жоспарлау және есептеу, қолданыстағы электрондық сервистер, зейнетақы активтерін басқару бойынша инвестициялық қызмет және «БЖЗҚ» АҚ ақпараттық жұмыстары.

Жалғасы...
 
Түркістан: Сұлтанбек Қожановтың 125 жылдығы аталып өтілді Баспаға басу

           Image Түркістан облысында мемлекет және қоғам қайраткері Сұлтанбек Қожановтың 125 жылдығына арналған «Ұлтын сүйген ұлы тұлға» салтанатты іс-шарасы басталды.

             Мемлекет және қоғам қайраткерлері Сұлтанбек Қожанов пен Тұрар Рысқұловтың еңбектерін ел арасында насихаттау мақсатында, «Nur Otan» партиясының бастамасымен ««Ақсүмбе мен Ақсу-Жабағылы арасы» атты автосапар ұйымдастырылды. Автосапар ертең Түлкібас ауданында жалғасады. Созақ ауданынан бастау алған мерекеге Түркістан облысы әкімінің орынбасары Сәкен Қалқаманов, аудан әкімі Салыхан Полатов, жазушы, халықаралық "Алаш" сыйлығының иегері Мархабат Байғұт, қоғам қайраткері, Созақ ауданының Құрметі азаматы Қуаныш Айтаханов, «Nur Otan» партиясы облыстық филиалы Төрағасының бірінші орынбасары Бейсен Тәжібаев пен өзге де зиялы қауым өкілдері, аудан тұрғындары қатысты.

            Мәдени көпшілік шараның мақсаты – мемлекет және қоғам қайраткері, ұстаз, ғалым, публицист С. Қожановтың өнегелі өмірін насихаттау болатын. Тарихымызда күні бүгінге дейін лайықты бағасын ала алмай келе жатқан тұлғалар аз емес. Солардың бірі - Сұлтанбек Қожанов. Оның тұлғасын тану мен танытуға қатысты бірқатар арнаулы зерттеу еңбектер жарыққа шықты. Дегенмен өскелең ұрпаққа Алаш қозғалысы қайраткерінің ерен еңбегін кеңінен таныту қажет.

            «Ұлтын ұлықтаған қайраткер» салтанатты іс-шарасы аясында        мемлекет қайраткерінің 125 жылдығына орай, Созақ ауданы, Ақсүмбе елді мекенінде С. Қожанов атындағы 100 орындық мектептің алғашқы қышы қаланып, құран оқылып, ескерткішіне гүл шоқтары қойылды.

             Аудандық Сұлтанбек Қожанов атындағы мұражайындағы шараға Түркістан облысы әкімінің орынбасары Сәкен Қалқаманов, қоғам қайраткері Қуаныш Айтаханов қатысып, ескерткішке гүл шоқтарын қойды. Қонақтар мұражайдағы тарихи жәдігерлермен танысты. Мәдениет үйіндегі «Ұлтын сүйген ұлы тұлға» атты аймақтық ғылыми тәжірбиелік конференцияны Созақ ауданының Құрметті азаматы, ғалым Нариман Нұрпейісов жүргізіп отырды. Ғылыми-тәжірибелік конференцияны Түркістан облысы әкімінің орынбасары Сәкен Қалқаманов ашып, құттықтау сөз сөйледі. Созақ ауданының Құрметті азаматы Қуаныш Айтаханов, ғалым, сұлтанбектанушы Бейбіт Қойшыбай, ғалымдар Әлібек Сейдехан, Тұрсын Хазіретәлі, Медеубек Тәңірберген, Мамыт Амангелді, Қайрат Анарбаев баяндама жасап, ұлт тұлғасаның  өмірі, тарих тұлғасына тоқталды. Конференцияда Сұлтанбек Қожановтың еңбектері насихатталып, тарихи тұлғасы ашылды. Ақын Рахым Балаби ұлт қайраткеріне арнау өлең оқыды.

            Елбасының «Болашаққа бағдар: рухани жаңғыру» мақаласын   насихаттай отырып, Сұлтанбек Қожановтың  125 жылдығын орай ақындардың    шығармашылығына қолдау көрсету мақсатында ұйымдастырылған  облыстық «Тұғыры биік тұлға» атты  жыр мүшәйрасы ұйымдастырылды.

            Сұлтанбек Қожановтың қоғамдық-саяси қызметі ұлтқа қызмет етудің жарқын үлігісі болды. Ол ұлтжандылығы мемлекетшілікпен ұласқан, мемлекетшілігі ұлтының рухына қызмет етуге жұмылдырылған қайраткер халықтың жадынан да, ғылыми танымнан да мәртебелі орын алуға әбден лайық.                                                                        

            Айта кетейік, Сұлтанбек Қожановтың 125 жылдығына орай, ертең Ақсүмбе ауылында жалғасып, онда ас беріліп, ұлттық ойындардан жарыстар өтеді.

            Созақ аудан әкімінің баспасөз қызметі.

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 91 - 105 ішінен 863

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 02 Сәуір 20 »
ДсСсСрБсЖмСнЖк
  12345
6789101112
13141516171819
20212223242526
27282930     

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы