Галерея

Жаңалықтар
Жаңалықтар
Азаматтарға арналған үкімет халыққа алаяқтықтың жаңа түрлері жөнінде ескертеді Баспаға басу

ImageАқпараттық хабарлама

 Азаматтарға арналған үкімет халыққа алаяқтықтың жаңа түрлері жөнінде ескертеді

 Бүгінде әлеуметтік желілерде көптеген хабарландыру пайда болды, онда қазақстандықтарға жеке мәліметтерді сұрату арқылы электронды цифрлық қолтаңбаны алуға көмектесу ұсынылады. Сондай-ақ кейбір «пысық» азаматтар бұл жағдайды пайдаланып, төтенше жағдай кезінде табысынан айырылғандардан ЖСН, ЭЦҚ, банк картасының нөмірін, тіпті оның пин-кодын сұрай отырып, әлеуметтік жәрдемақыны рәсімдеп беру қызметін көрсетуді ұсынады.

Азаматтарға арналған үкімет қазақстандықтарды мұндай қызметтерге жүгінбей, олардан бас тартуын сұрайды.

Жеке мәліметтерін, соның ішінде ЭЦҚ-ны бөтен адамдарға беру арқылы азаматтар өздері жеке деректері мен мүліктеріне қауіп төндіретінін түсінуі керек. Оның үстіне, аталған төлем азаматтардың шотынан өздерінің «қолғабыс етуімен» ұрлануы мүмкін.

Электрондық цифрлық қолтаңба мен оның құпиясөзін алған алаяқтар азаматтың egov.kz-тегі барлық жеке мәліметіне қол жеткізе алады. Оған қоса, олар жалған келісімдер жасасу үшін  оның атына кәсіпкерлік ашып, баспанасына бейтаныс тұлғаларды тіркеп, тіптен көлігін өзге адамның атына шығара алады. Банк картасынынң ПИН-кодын  алғаннан кейін алаяқтар ондағы барлық қаражатты шешіп алуы мүмкін.

Азаматтарға арналған үкімет қазақстандықтардың онлайн түрдегі мемлекеттік қызметтердің барлық мәселесі бойынша,  соның ішінде ЭЦҚ мен жаңа әлеуметтік төлем түрі бойынша ақысыз түрде және еш қауіпсіз 1414 бірыңғай байланыс орталығынан көмек ала алатындығын хабарлайды. Қоңырау шалу тегін. Қазіргі уақытта оның жұмысына халыққа қызмет көрсету орталықтарының 1800-ден астам қызметкері тартылған.

Сонымен қатар Facebook әлеуметтік желісінде «eGov помощь» тобы құрылды, онда қарапайым желі қолданушылары, IT-мамандар және халыққа қызмет көрсету орталықтарының қызметкерлерінен тұратын бірқатар ерікті жиналды. Олардың барлығы  egov.kz порталының белсенді қолданушылары, олар мемлекеттік қызметтерді үйден шықпай-ақ алады және елімізде орын алған қиын сәтте өзге азаматтарға электрондық үкімет порталын пайдалануды үйретуге дайын. Сондай-ақ еріктілер азаматтардан еш жеке деректерін талап етпейді, тек сұрақтарына жауап беріп, пайдалы кеңестер беру арқылы мемлекеттік қызметті алуға көмектеседі.

Егер азамат ескертуімізге қарамастан, ақылы түрде күмәнді «көмекшілердің» қызметтерін пайдаланып үлгерсе және жеке мәліметтерін берсе, Азаматтарға арналған үкімет оларға ЭЦҚ-ның құпиясөзін pki.gov.kz-тегі жеке кабинеті арқылы өзгертуді немесе кілттердің күшін жоюды ұсынады.

 «Азаматтарға арналған үкімет» мемлекеттік корпорациясы» Түркістан облысы филиалының баспасөз қызметі.

 

 
Дайын құжаттарды беру терезесі Түркістан облысының әр қаласында тек бір ХҚО-да жұмыс істейді Баспаға басу

 ImageАқпараттық хабарлама

27 наурыз 2020                                   Түркістан қ.

Дайын құжаттарды беру терезесі Түркістан облысының әр қаласында тек бір ХҚО-да жұмыс істейді

ҚР Президенті Қасым-Жомарт Тоқаевтың тапсырмасы бойынша Қазақстанда коронавирус инфекциясының таралуын болдырмау мақсатында барлық халыққа қызмет көрсету орталықтарының жұмысы тоқтатылды. Азаматтар қызметтерді тек электронды форматта алады.

30 наурыздан бастап әр қалада бір-бір ХҚО дайын құжаттарды беру үшін бірыңғай терезе ретінде жұмыс істейді. Мұнда қазақстандықтар онлайн түрде көрсетілетін мемлекеттік қызметтердің дайын нәтижесін ала алады. eGov порталында қызмет нәтижесі қағаз түрінде берілетін 23 түрлі мемлекеттік қызмет бар.

Мамандандырылған ХҚО-да да дайын құжаттарды беру терезелері ғана жұмыс істейді, онда автокөлігін қайта тіркеуге қойған немесе жүргізуші куәлігін онлайн ауыстырғандар  дайын құжаттары мен мемлекеттік тіркеу нөмірін ала алады. Бірнеше мамандандырылған ХҚО-сы бар қалаларда (Алматы, Шымкент) құжаттарды беру бойынша бір мамандандырылған ХҚО белгіленген.

Қызмет алушылардың дайын құжаттарын беру жұмысына «Азаматтарға арналған үкімет» мемлекеттік корпорациясының 400-ге жуық қызметкері тартылған. Олардың барлығы қорғаныс және дезинфекция құралдарымен жабдықталған.

Дайын құжаттарды беру терезелерінің жұмыс кестесі: дүйсенбі-жұма 9.00-ден 17.00-ге дейін. Сенбі – сағат 9.00-14.00 аралығы.

Дайын құжаттарды беруге арналған қалалық және аудандық бөлімдердің тізімін мына жерден көруге болады:gov4c.kz

Айта кетейік, 21 наурызға дейін халыққа қызмет көрсету орталықтарына өтініш тапсырған азаматтар дайын нәтижелерін 29 наурызға дейін алғаш жүгінген ХҚО-дан ала алады.

 

Жалғасы...
 
Нұр-Сұлтан және Алматы қалаларындағы ХҚКО-лар жаңа жұмыс тәртібіне көшті Баспаға басу
Image19.03.2020 Карантин жариялануына байланысты Нұр-Сұлтан және Алматы қалаларындағы Халыққа қызмет көрсету орталықтарының жұмыс режимін өзгерту туралы шешім қабылданды. ХҚКО көрсететін қызметтер саны қысқартылады. Азаматтар онлайн ұсынылмайтын қызметтерді ғана ала алады. Осымен бірге, еліміздегі барлық ХҚКО сағат 17:00-ге дейін жұмыс істейтін болады.  Халыққа қызмет көрсету орталықтарынан алуға болатын қызметтердің қатарында төлқұжат пен жеке куәлік алу, зейнетақы мен әр түрлі жәрдемақы тағайындау және т.б. бар. ХҚКО көрсететін қызметтердің толық тізімі қоса беріліп отыр.  Бүгінгі таңда мемлекеттік қызметтердің 80%-ы автоматтандырылған және электрондық үкімет порталы арқылы қолжетімді, сондай-ақ қажетті анықтамаларды eGov Mobile мобильді қосымшасы және телеграмдағы бот арқылы алуға болады. Мемлекеттік қызметтерді алу барысында қандай да бір  қиындықтар мен сұрақтар туындаған жағдайда азаматтар 1414 Бірыңғай байланыс орталығына ұялы және стационарлы телефоннан хабарласа алады. Қоңырау соғу тегін. Бұрын хабарлағанымыздай, ҚР Цифрлық даму, инновациялар және аэроғарыш өнеркәсібі министрлігі «ҰАТ» АҚ, «Азаматтарға арналған үкімет» КЕАҚ және «Қазақтелеком» АҚ бірлесіп, ҚР 1414 Бірыңғай байланыс орталығының жұмысын күшейтті. Сонымен қатар, Министрлік Халыққа қызмет көрсету орталықтарына адам көп шоғырланатындықтан, азаматтарға ХҚКО-ға аса қажет болмаса бармауға кеңес береді .
 
Азаматтың әскери қызметке қатынасы туралы анықтаманы Egov.kz электронды үкімет порталында онлайн немесе ХҚО-да алуға болады Баспаға басу
Image1.Қызметті онлайн алу:
✅Порталда авторизациядан өткеннен кейін "Әскери есеп және қауіпсіздік" бөлімінен қажетті қызметті тауып, «Онлайн сұратым» батырмасын басыңыз. ✅Өтінімді толтырып оған ЭЦҚ немесе смс-паролінің көмегімен қол қойыңыз. Ол үшін сіз міндетті түрде мобильдік азаматтар базасына тіркелуіңіз керек. ✅Жеке кабинетіңіздегі «Қызметтерді алу тарихы» бөлімінде 5 минут ішінде өтінішіңіздің нәтижесімен таныса аласыз. 2.Қызметті «Азаматтарға арналған үкімет» арқылы алу:
✅ХҚО-ға жеке куәлігіңізбен барып өтініш жазасыз. ❗️❗️❗️Бұл ретте қабылдау қызмет алушының тіркелген жері бойынша жүзеге асырылады.
 
«Азаматтарға арналған үкімет» мемлекеттік корпорациясы» КЕ АҚ Түркістан облысы бойынша филиалының директоры Жеңісбеков Ержан Жеңісбекұлымен жер кадастры саласында атқарылатын жұмыстар туралы сұхбат Баспаға басу

    Image Жер кадастр басқармасы қандай жұмыстармен айналысады және қандай қызмет түрлерін орындайды?

   Ел басының 100 нақты қадам ұлттық бағдарламасы аясында құрылған  «Азаматтарға арналған үкімет» мемлекеттік корпорациясы» коммерциялық емес акционерлік қоғамы, Түркістан облысы бойынша филиалының жер кадастры саласында атқарылатын жұмыстар: мемлекеттік жер кадастры ҚР жерінің табиғи және шаруашылық жағдайы, жер учаскесінің орналасқан жері, нысаналы пайдаланылуы, мөлшері мен шекарасы, олардың сапалық сипаттамасы туралы мәліметтердің жүйесі болып табылады. Қазіргі таңда Түркістан облысы бойынша 534770 жеке тұлғалардын, 50859 заңды тұлғалардың жер учаскелері Мемлекеттік жер кадастрының автоматтандырылған ақпараттық жүйелер базасына тіркелген (МЖК ААЖ). Кадастрлық жұмыстар:   мемлекеттік қызмет түрлерін көрсету және коммерциялық қызметтер көрсету болып бөлінеді. Мемлекеттік қызмет көрсету түрлеріне: жер учаскесіне сәйкестендіру құжатын жасау; жер-кадастрлық жоспарын жасау; жер учаскесінің кадастрлық бағалау құнын анықтау; Жобаланатын жер учаскесінің мемлекеттік жер кадастрының автоматтандырылған ақпараттық жүйесінің графикалық базасымен сәйкестігін тексеріп келісу; және Мемлекеттік жер кадастрының мәліметтерін беру.

      Коммерциялық қызмет түрлеріне: Жер учаскесіне жерге орналастыру жобасын әзірлеу; жерге орналастыру жобасын жерге көшіру, жер учаскесінің басына барып нақты шекараларын белгілеу, жерді түгендеуді жүргізу т.б. жерге орналастыру жұмыстары.

 

Жалғасы...
 
Бала асырап алуға ниетті тұлғалардың есебіне онлайн тұру Баспаға басу
ImageЕгер Сіз бала асырап алуға тілек білдіруші Қазақстан Республикасының азаматы болсаңыз, жолдама алу үшін өтінішпен бірге тиісті құжаттарды онлайн ұсынуыңыз қажет. Бұл қызмет тек электронды үкімет порталында көрсетіледі. Ол үшін:
✅Порталда авторизациядан өтіп "Онлайн сұрау" батырмасын басыңыз.
✅Өтінімді толтырып, ЭЦҚ-мен қол қойған соң өтінімге құжаттарды бекітесіз.
????Құжаттар тізімі: •жақын туыстарының бала асырап алуға арналған жазбаша келісімі; •жиынтық табыс мөлшері туралы анықтама (жұмыс орнынан жалақысы туралы, кәсіптік қызметтегі табысы және бірге тұратын барлық отбасы мүшелерінің өзге де табыстары туралы анықтама); •отбасы жағдайы туралы анықтама (некеге тұру/бұзу туралы куәліктің көшірмесі, балалары болса, туу туралы куәліктерінің көшірмесі); •азаматтардың денсаулық жағдайы туралы анықтама және наркологиялық және психиатриялық диспансерлерде тіркеуде тұрмауы туралы анықтама; •тұрғын үй пайдалану құқығын дәлелдейтін құжаттардың көшірмесі (тұрғын үй мүлікке құқығы жоқ жағдайда);
✅Жеке кабинеттегі "Қызметтерді алу тарихы" бөліміне 10 жұмыс күні ішінде үміткер болу мүмкін/мүмкін емес деп қорытынды хабарлама келеді.
 
Бірыңғай жиынтық төлем дегеніміз не? Баспаға басу

Image2019 жылдан бастап өзін өзі жұмыспен қамтыған азаматтар ай сайын біріңғай жиынтық төлемін (БЖТ) төлеуі тиіс. БЖТ төлемінің ай сайынғы мөлшері қала тұрғындары үшін – 1 АЕК, ауыл тұрғындары үшін – 0,5 АЕК. БЖТ кім төлейді? Өзін өзі жұмыспен қамтушы азаматтар БЖТ төлеушілері болып танылады және олар келесі шарттарға сәйкес келу қажет:

бірыңғай жиынтық төлемді төлеген;

жалдамалы қызметкерлердің еңбегін пайдаланбайды;

 акцизделетін өнімдерді қоспағанда, салық агенттері болып табылмайтын жеке тұлғаларға ғана қызмет көрсетеді және (немесе) салық агенттері болып табылмайтын жеке тұлғаларға ғана акцизделетін өнімді қоспағанда, өз өндірісінің жеке қосалқы шаруашылығының ауыл шаруашылығы өнімдерін өткізеді. Бұл ретте, БЖТ төлеушілері табысының мөлшері жылына 1175 АЕК-тен аспауы тиіс. БЖТ қашан және қалай төлеу қажет? БЖТ-ні табыс алынған әр ай үшін жеке-жеке төлеу қажет. Сондай-ақ келесі айларға аванс төлеу мүмкіндігі бар. БЖТ-ні Қазақстанның кез келген банкі кассаларында, олардың мобильді қосымшаларында, сондай-ақ "Қазпошта" бөлімшелерінде төлеуге болады. Ол үшін өзінің жеке куәлігін көрсетіп, "183" ТТК бойынша "Азаматтарға арналған үкімет" МК КЕАҚ банктік шотына төлем жүргізу қажет. БЖТ сомасы салықтар бойынша қалай бөлінеді? Бірыңғай жиынтық төлем сомасын "Азаматтарға арналған үкімет" МК КЕАҚ келесі пропорцияда бөледі:

 10% – жеке табыс салығы (ЖТС);

20% – әлеуметтік аударымдар (ӘА);

30% – міндетті зейнетақы жарналары (МЗЖ);

40% – міндетті медициналық сақтандыруға аударымдар (МӘМС). Дербес жұмыспен қамтылған жеке тұлғаларға БЖТ төлеу:

міндетті әлеуметтік медициналық сақтандыру жүйесінің қатысушысы болуға;

зейнетақы жинақтарын жүргізуге мүмкіндік және зейнетақы жүйесіне қатысу өтіліне байланысты базалық зейнетақы төлемін алуға құқық береді;

еңбек ету қабілетінен айырылған, жұмысынан айырылған, асыраушысынан айырылған, жүктілік пен босану, бала асырап алған, 1 жасқа дейінгі бала күтімі жағдайларында әлеуметтік төлемдер алуға мүмкіндік береді.

 
БЖЗҚ-дағы Ашық есік күні Баспаға басу

Бірыңғай жинақтаушы зейнетақы қоры тұрғындар арасында ақпарат беру-түсіндіру жұмыстарын жүргізу аясында үстіміздегі жылдың 18 наурызында Қазақстан бойынша өзінің барлық филиалдарында «Ашық есік күні» шарасын өткізеді.

Күн тәртібіндегі басты тақырып – «Алғашқы жарнаңызбен – БЖЗҚ-ға қош келдіңіз!» деп аталады.

2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға тиісті өтінішті рәсімдеу үшін БЖЗҚ кеңсесіне келудің қажеті жоқ. Жеке тұлғаның БЖЗҚ-да МЗЖ бойынша ашылған зейнетақы шоты жоқ болса, алғашқы жарна келіп түскен сәтте зейнетақы шоты автоматты түрде ашылады. Бір жыл ішінде Қорда автоматты түрде 400 мыңдай жаңа зейнетақы шоты ашылды. Сәйкесінше сол шоттардың иелері «Ашық есік күні» шарасының ерекше қонақтары болмақ.

Филиал мамандары оларға Қазақстанның жинақтаушы зейнетақы жүйесі, Қор қызметі туралы әңгімелеп, зейнетақы калькуляторы арқылы болашақ зейнетақыны есептеу жолдарын үйретіп, зейнетақы шотынан ақпарат алудың заманауи тәсілдерін ұсынады.

Аталмыш шараны өткізудегі басты мақсат – салымшыларға толыққанды ақпарат беру және зейнетақы жүйесі мен Қор қызметтері бойынша сұрақтарға жан-жақты жауап беру.

Біз сіздерді Шымкент қаласы, Байдибек би даңғылы 45 мекенжайында орналасқан БЖЗҚ АҚ Түркістан облыстық филиалының кеңсесінде күтеміз. 

 
«БЖЗҚ» АҚ «Ашық есік күні» шарасына шақырады Баспаға басу

Тақырыбы: «Алғашқы жарнаңызбен – БЖЗҚ-ға қош келдіңіз!»

 

Бірыңғай жинақтаушы зейнетақы қоры 2020 жылдың 18 наурызында таңғы сағат 10.00-да Шымкент қаласы, Байдибек би даңғылы 45 «Ашық есік күні» шарасын өткізеді.

Басты мақсат – жаңа салымшыларды жинақтаушы зейнетақы жүйесі және Қор қызметтерімен таныстыру.

2019 жылдың 8 қаңтарынан бастап БЖЗҚ-да «Қазақстан Республикасының зейнетақымен қамсыздандыру туралы» ҚР Заңына сәйкес міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға тиісті өтінішті рәсімдеу үшін БЖЗҚ кеңсесіне келудің қажеті жоқ. Қорға алғашқы жарна келіп түскен сәтте зейнетақы шоты автоматты түрде ашылады. Бір жыл ішінде Қорда автоматты түрде 400 мыңдай жаңа зейнетақы шоты ашылды. Бұл шоттар иелерінің көпшілігі Қор филиалына алғаш рет келеді.

Қор мамандары Қазақстанның жинақтаушы зейнетақы жүйесі мен Қор қызметі туралы әңгімелейді. Зейнетақы калькуляторының көмегімен болашақ зейнетақыны есептейді және Қордың салымшылармен өзара әрекеттесу арналары және басқа да сұрақтар бойынша туралы жауап береді.    

Шараға қатысушылар тек күн тәртібіндегі тақырып бойынша ғана емес, жинақтаушы зейнетақы жүйесі мен Қор қызметі, сондай-ақ өздерінің жинақтары туралы да сұрақтарға тиянақты жауаптар алады.

Шара соңында барлық қатысушыларға бағалау сауалнамасы арқылы өздерінің ұсыныстары мен тілектерін білдіруге мүмкіндік беріледі.

«БЖЗҚ» АҚ салымшылар мен алушыларды және қатысуға ниет білдірген барлық азаматтарды «Ашық есік күні» шарасына шақырады.

 

 
2020 жылдың 1 ақпанына қарасты Бірыңғай жинақтаушы зейнетақы қорының негізгі көрсеткіштері Баспаға басу

2020 жылдың 1 ақпанындағы жағдай бойынша барлық негізгі көрсеткіштер былтырғы жылдың сәйкес кезеңімен салыстырғанда оң сипатқа ие. Зейнетақы жинақтарының жалпы сомасы 10,9 триллион теңгені құрап, бір жыл ішінде 16 пайызға өсті.

Зейнетақы жинақтарының басым бөлігі міндетті зейнетақы жарналары (МЗЖ) есебінен  қалыптасқан. Ал МЗЖ есебінен жиналған жинақ ақша 10,6 трлн теңгені құрады. Бір жыл ішіндегі өсім – 15 пайыз. 

Міндетті кәсіптік зейнетақы жарналары (МКЗЖ) бойынша зейнетақы  жинақтарының сомасы 251,2 млрд теңгеге (өсім – 25%), ерікті зейнетақы жарналары (ЕЗЖ) бойынша 1,9 млрд теңгеге (өсім – 4%) жетті.

2020 жылдың қаңтарында зейнетақы жинақтары шамамен 97 млрд теңгеге ұлғайды. Бұл сан мынадай кіріс және шығыс ағындарынан қалыптасты:

Жалғасы...
 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 91 - 105 ішінен 953

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 08 Шілде 20 »
ДсСсСрБсЖмСнЖк
  12345
6789101112
13141516171819
20212223242526
2728293031   

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы