Галерея

Жаңалықтар
Жаңалықтар
Бірыңғай жиынтық төлем- Жартыжылдық қорытындысы Баспаға басу

2019 жылдың басынан бастап Қазақстан заңнамасында жаңа жаңалық - Бірыңғай жиынтық төлем (БЖТ) енгізілді. Оны енгізудің басты себебі – бейресми жұмыспен қамтылған тұлғалардың қызметін тіркеуді жеңілдету.

Бүгінгі күні бұл төлем 4 міндетті төлемді бір реттік төлеммен алмастырады. Олар:

 -  жеке табыс салығы;

 -  БЖЗҚ-ға міндетті зейнетақы жарнасы;

 -  мемлекеттік әлеуметтік сақтандыру қорына міндетті әлеуметтік аударым (МӘСҚ);

 -  әлеуметтік медициналық сақтандыру Қорына әлеуметтік жарна (ӘМСҚ).

 БЖТ төлеушілер - кәсіпкерлік қызметті жеке кәсіпкер ретінде тіркеусіз жүзеге асыратын, бір уақытта келесі шарттарға жауап беретін тұлғалар: бірыңғай жиынтық төлемді төлеген; жалданған қызметкердің еңбегін пайдаланбайтын, салық агенттері болып табылмайтын жеке тұлғаларға қызмет көрсететін және акцизделетін тауарларды қоспағанда, өздері өндіретін жеке қосалқы шаруашылықтардың ауылшаруашылық өнімдерін сатумен айналысатын тұлғалар болып табылады.

Сауда және ойын-сауық орталықтарының (СОО) аумағында қызмет атқаратын (белгілі жұмыстарды орындайтын) жеке тұлғалар; жеке практикамен айналысатын адамдар, тұрғын емес үй-жайларды жалға берушілер, жеке кәсіпкер ретінде мемлекеттік тіркеуден өткен азаматтар, сондай-ақ, оралмандарды қоспағанда, шетелдіктер мен азаматтығы жоқ адамдар БЖТ төлеушілер ретінде есептелмейді.

Қазақстан Республикасының «Салық және бюджетке төленетін басқа да міндетті төлемдер туралы» Кодексінің (Салық кодексі) 774-бабына сәйкес БЖТ төлеушілері болып табылатын жеке тұлғалар үшін БЖЗҚ-ға өз пайдасына төлеуге жататын, міндетті зейнетақы жарналары 2019 жылы төмендегідей:

-          республикалық және облыстық маңызға ие қалаларда, астанада – 2525 теңге

-          өзге елді-мекендерде – 1262 теңге.

Төлем жасаушыларға бұл соманы өз бетімен 4 төлемге бөлудің қажеті жоқ, ол бюджетке түскеннен кейін  тағайындалуы бойынша автоматты түрде бөлінеді.

Бірыңғай жиынтық төлем сомасы «Азаматтарға арналған үкімет» МК КЕ АҚ-мен келесі шамаларға бөлінеді:

    10% - жеке табыс салығы (ЖТС);

    20% – әлеуметтік аударымдар (ӘА);

    30% – міндетті зейнетақы жарналары (МЗЖ);

    40% – міндетті медициналық сақтандыруға аударымдар (ММСА).

Бірыңғай жиынтық төлемнің мөлшері алынған табыстың мөлшеріне тәуелді емес және қосымша есептеулерді (кірістер, шығыстар, шегерімдер, пайда) талап етпейді.

Табыс алынған әр ай үшін бірыңғай жиынтық төлемді төлеу қажет.

Бірыңғай жиынтық төлем режиміне түсетін азаматтардың барлық төлемдерді жеңілдетілген шарттарда төлеуге және әлеуметтік қамсыздандыру жүйесіне қатысуға мүмкіндіктері бар. Сондай-ақ, БЖТ артықшылықтарына міндетті әлеуметтік медициналық сақтандыру жүйесіне қатысу және сомасы мен түрлері бойынша шектеусіз медициналық қызметтерге қол жеткізу, ММСА енгізілгеннен кейін медициналық мекемені таңдау құқығына ие болу жатады. Жүйеге қатысушының сондай-ақ, еңбек ету қабілетінен, жұмысынан, асыраушысынан айырылған, жүктілік пен босану, бала асырап алған, бала күтімі жағдайында да әлеуметтік төлемдерді алуға құқығы бар.

 
Созақтықтар экологиялық акцияға белсене қатысты Баспаға басу

ImageҚР Премьер-министрі Асқар Маминнің "Бірге - Таза Қазақстан" жалпыхалықтық экологиялық акциясына созақтықтар белсене қатысты. Аудан орталығы Шолаққорған ауылындағы «Тәуелсіздік» саябағынан бастау алған игі шараға аудан әкімдігі қызметкерлері, мәслихат депутаттары, мекеме ұжымдары, білім саласы қызметкерлері,  үкіметтік емес қоғамдық ұйымдар, жастар мен еріктілер қатысты. Тазалық жұмысына аудан әкімі Салыхан Сабырұлы бас болып, «Жастар саябағы» демалыс орнында тазалық жұмыстарын жүргізді. 
            -Бүгінгі экологиялық акция еліміздің барлық өңірінде болып жатыр. Ауыл аймақтың таза болуына, қызметкерлермен қатар еріктілерде ат салысуда. Үкімет басшысы бастаған игі іске біздің ауылдың азаматтары да белсене қатысты. Бұл үлкен акцияны қолдаған барша азаматтарға алғыс айтамын. Жалпы, аудан көлемінде көркейту көгалдандыру жұмыстарына мән беріп келеміз. Аудан орталығында халық демалатын, көңіл көтеретін 3 саябақ бар. Алдағы уақытта тағы 2 саябақ салыну жоспары бар. Ауылды көркейтетін тазалық жұмыстары алдағы уақытта жалғасын табады.- деді аудан әкімі Салыхан Сабырұлы.

            Созақ ауданының барлық ауыл кент округтеріндегі тазалық жұмыстарына 7000 тарта адам қатысты. 84 тонна қоқыс шығарылып, оған 26 техника жұмылдырылды. Сондай-ақ, көше бойлары, көпірлермен арық, бұлақтар тазаланды. 12,2 гектар саябақ ретке келтірілді.

 

Аудан әкімінің баспасөз қызметі.
 
«БЖЗҚ туралы маңызды сұрақтар» айдары Баспаға басу

Менің жалақы мөлшерім аса көп емес, демек БЖЗҚ-ға зейнетақы жарналарын төлемеуіме болады ма?

 Жоқ. ҚР барлық азаматтары ай сайынғы зейнетақы жарналарын төлеп, жинақтаушы зейнетақы жүйесіне қатысуға міндетті. Зейнетақы жарналарының жиілігі жинақ көлеміне ғана байланысты емес, сонымен қатар жинақтаушы зейнетақы жүйесіндегі өтілге де байланысты. Жүйедегі өтіл базалық зейнетақыға тікелей әсер етеді. Зейнетке шығуға әлі уақыт бар болса да, банктерден несие алған кезде ай сайынғы зейнетақы жарналары маңызды көрсеткіш болып табылады. Бұл сіз үшін жүйеге белсенді қатысудың тағы бір ынталандырушы көрінісі.

 Қазақстан Республикасның «Қазақстан Республикасында зейнетақымен қамсыздандыру туралы» Занының 24 бабында тек белгілі санаттағы тұлғалардың бірыңғай жинақтаушы зейнетақы қорына міндетті зейнетақы жарналарын төлеуден босатылатыны туралы жазылған:

 1) Заңның 11-бабының 1-тармағына сәйкес зейнеткерлік жасқа толған жеке тұлғалар (еркектер 63 жасқа толғанда, әйелдер 58 жасқа толған кезде. 2018 жылдың 1 қаңтарынан бастап – әйелдер 58,5 жасқа толғанда, одан әрі жыл сайын жарты жылға ұлғайып, 2027 жылдың 1 қаңтарынан бастап - 63 жасқа толғанда);

 2)  егер мүгедектігі мерзімсіз болып белгіленсе, бірінші және екінші топтардағы мүгедектігі бар жеке тұлғалар босатылады. Бірыңғай жинақтаушы зейнетақы қорына міндетті зейнетақы жарналарын төлеу осы тармақшада көрсетілген адамдардың өтініші бойынша жүзеге асырылады;

  3) әскери қызметшiлер (мерзiмдi қызметтегі әскери қызметшiлерден басқа), арнаулы мемлекеттік және құқық қорғау органдарының, мемлекеттік фельдъегерлік қызметтің қызметкерлері, сондай-ақ, арнаулы атақтарға, сыныптық шендерге ие болу және нысанды киiм киiп жүру құқықтары 2012 жылдың 1 қаңтарынан бастап жойылған адамдар;

 4)  еңбек сіңірген жылдары үшін зейнетақы төлемдерін алушылар;

Жалғасы...
 
«БЖЗҚ» АҚ қызмет көрсетуді одан әрі жетілдіруде. Енді Қор сайтында негізгі төлем түрлері бойынша ұсынылатын құжаттарды алдын ала тексеруге болады Баспаға басу

enpf.kz сайтында «Электрондық қызметтер» бөлімінде салымшылар мен төлем алушыларға ыңғайлы болу үшін қажетті құжаттарды пошта байланысы арқылы Қорға ұсынылуы мүмкін төлем түрлеріне сәйкестігін тексеру мүмкіндігі бар.

Сайтта құжаттарды тексеру қызметін келесі тұлғалар ала алады:

- ерікті зейнетақы жарналары есебінен БЖЗҚ зейнетақы төлемдеріне құқығы барлар;

- мерзімсіз уақытқа тағайындалған 1,2 топтардағы мүгедектігі барлар;

- Қазақстан Республикасынан тыс жерлерге тұрақты тұруға қоңыс аударғандар;

- қайтыс болған салымшы / алушының зейнетақы жинақтарының мұрагерлері.

Құжаттарды алдын ала онлайн-тексеру «Азаматтарға арналған үкімет» мемлекеттік корпорациясына ХҚО арқылы жасына байланысты төлемдерді алуға құжаттарды ұсынған кезде және жерлеуге төлемдер алу кезінде жүзеге асырылмайды, себебі мұндай құжаттар Қорға жеке жүгінген кезде беріледі.

Құжаттарды алдын-ала тексеру үшін бірнеше қарапайым қадамды орындау керек:

- сканерді баптау;

- форматы - A4 қағазын пайдалану;

- құжаттарды jpg/tif форматында сканерлеу және сақтау;

- көп парақты құжаттар бір файлда сақталуы тиіс;

- түсі бойынша сканерлеген кезде, суреттің сапасы 300 dpi форматында қолданылуы тиіс, себебі бұл формат құжаттардың анықтығы мен оқылуын қамтамасыз етеді.

Ұсынылатын құжаттар келесі шарттарға сәйкес келуі керек:

- зейнетақы төлемдерінің түрі бойынша, сканерленген құжаттардың толық пакеті зейнетақы төлемдерінің түріне және оларды БЖЗҚ-ға ұсыну әдісіне байланысты құжаттардың тізбесіне сәйкес ұсынылуы тиіс;

- зейнетақы төлемдерінің түрлері бойынша барлық құжаттарды  түрлі түсті сканерлеу қажет (құжаттың түпнұсқасы талап етілген жағдайда құжаттың түпнұсқасын сканерлеу қажет, бұл ретте-шетелдік паспорттың/азаматтығы жоқ адамның куәлігінің/Қазақстан Республикасы азаматының паспортының түпнұсқасынан белгілері бар сканерленген беттерді ұсынуға жол беріледі);

 - түрлі түсті сканерленген әрбір көшірменің өлшемі 2 МБ-тан аспауы тиіс.

Зейнетақылық төлем түріне және БЖЗҚ-ға өтініш беру әдісіне байланысты құжаттар тізімі «Алушыларға қызметтер» бөлімінде қолжетімді.

Бұл қызметті алу үшін сіз https://www.enpf.kz/ru/elektronnye-servisy/checkdoc.php сілтемесіне өтуіңіз керек.

Аталған қызмет түрі уақытты үнемдейді және барлық қажетті құжаттарды түзетуге/толықтыруға мүмкіндік беріп, қойылған талаптарға сай болуға септігін тигізеді.

 

 

 
Арысқа көмектескен 5 сынып оқушысына аудан әкімі велосипед сыйлады Баспаға басу

ImageСерікболсын Созақ ауданы, Таукент кентіндегі Сүгір Әліұлы атындағы мектептің 5 сынып оқушысы. Ол жыл сайын арнайы қобдишаға ұсақ теңгелер жинап, жазғы каникулда Шымкент қаласына қыдыратын және өзіне қажетті заттарын сатып алатын. Бұл Серікболсынның жылдағы әдеті.

            Арыс қаласында болған төтенше оқиға Серіколсынды бей- жай қалдырмады. Ол жыл бойы арнайы қобдишаға жинаған 54 360 тегені арыстық балаларға жіберу үшін Таукен кенті әкімдігіне өткізді.

            Бүгін Созақ ауданының әкімі Салыхан Сабырұлы Полатов Серікболсын мен оның әкесі Аманбайды қабылдады. Өзі кішкене болса да, жүрегі кең баланың азаматтығына ризащылығын білдірген аудан басшысы,  велосипед тарту етті. «Серікболсындай жас өркеннің көпшілікке үлгі болар ісі көкейге қуаныш ұялатты. Егеменді еліміздің болашағы болар жас толқынға деген сенім осы игі іс арқылы бұрынғысынан нығая түсті деп санаймын» деп Серікболсын мен оның ата-анасына алғысын білдірді.

 

Аудан әкімінің баспасөз қызметі.

 
Партиялық бақылау комиссиясының кезекті отырысы өтті Баспаға басу

ImageБүгін "Nur Otan" партиясы Созақ аудандық филиалы Партиялық бақылау комиссиясының кезекті отырысы өтті. Бекітілген жұмыс жоспарына сәйкес, тиісті бөлімдер бойынша атқарылып жатқан жұмыстар туралы Созақ ауданы әкімдігінің жұмыспен қамту және әлеуметтік бағдарламалар бөлімінің басшысы Б.Айтбаев, аудан әкімдігінің білім бөлімінің басшысы Н.Айдаров, аудан әкімдігінің ауылшаруашылығы бөлімі басшысының орынбасары Қ.Сұлтанғазиев есеп берді. Комиссия төрағасы Б.Тұрғанбаев аудандағы колледждердің потенциалын кеңінен пайдалану, ҰБТ қорытындысы туралы, комиссия мүшесі Г.Әлімбекова атаулы әлеуметтік көмекті тиімді пайдалану бойынша халық арасында түсіндіру жұмыстарына басымдық беру, мектептердің материалдық-техникалық жабдықталуын талаптарға сәйкестендіру, Ә.Сөлтеков бірқатар саладағы мамандардың тапшылығы, І.Омарбеков білім беру ұйымдарын робототехникалармен қамту, бөлім тарапынан зерделеу, бақылау, тексеру жұмыстарының объективтілігі, Т.Әбуов педагогтарды іссапараларға жіберу, Ж.Төлепбергенұлы жас мамандарды ауылшаруашылығы саласында тұрақты жұмыспен қамту, т.б. мәселелерді көтеріп, тиісті жауаптар алды.

            Аудан әкімінің аспасөз қызметі.

 
Арыстағы жағдай тұрақталып, құрылыс жұмыстары қарқын алды Баспаға басу

ImageАрыста болған төтенше оқиғаның салдарын жою, қаланы қалпына келтурі сынды жұмыстар бүгінде жанданған. Қаланың қираған, зақым келген үйлерін қалпына келту бойынша 17 секторға бөлініп, оған жауапты ретінде еліміздің өзге облыстарымен Түркістан облысының  аудан, қалалары бекітілген. Барлық секторда жауапты облыс, аудан қалалардың штабы құрылып, тұрғындармен тығыз байланыс орнатылған. Әрбір секторды жұмыс жіті ұйымдастырлған. Жиналған қоқыстарды шығару, үйдің құжаттарын түгелдеу, әрбір тұрғынға берілетін 100 мың теңгеге жиналған құжаттарды талдау,  анықтау жұмыстары жүргізіліп келеді.

            Қызылорда облысымен, Созақ ауданында бекітілген 6 секторда бүгінгі күні жұмыс қызу жүріп жатыр. Қираған қалдықтарды шығару жұмыстарына аудан еріктілерімен, азаматтары белсене жұмыс істеп, қазіргі дейін 15 көшеден 171 тонна қоқыс шығарылды. Тазалау жұмыстарына 1 амкодор, 1 Howo камазы теxникасы мен 21 адам жұмылдырылды. Қоқыс шығарып, тазалау жұмыстары әлі де жалғасын табатын болады. Тұрғындардың және үй құжатын қабылдау жұмыстарына ауданнан 15 адам білек сыбана жұмыс істеуде. Қазіргі таңда 270 отбасы, 1504 отбасы мүшелерінің құжаттары қабылданды. Штаб мүшелері - тұрғындардың құжаттарын талдау, толықтыру жұмыстарын жүргізуде. 6 секторға қарасты 124 үйдің жөндеу жұмыстары басталып, оның ішінде 22 үйдің құрылысы аяқталды. Үйі тұруға жарамсыз отбасыға жаңа үй сатып алынып, жарамсыз үйі толық бұзылып тазаланды.  

            Жалпы, ҚР Президенті Қасым-Жомарт Тоқаевтың тапсырмасымен  Арыс қаласының тұрғындарына 100 мың теңге көлемінде бір реттік өтемақы беру мәселесі қатаң  бақылауда. Осы тапсырмаға сәйкес бірінші кезекте 55 602 тұрғынға (Арыс қаласы – 44 994 адам, Ақдала ауыл округі – 4 324 адам, Қожатоғай ауыл округі – 4 232 адам, Дермене ауыл округі – 2 052 адам) 100 мың теңгеден жалпы 5,6 млрд.теңге көлемінде өтемақы төлеу жоспарланып отыр. Сонымен қатар, жаз айларында  Арыстық 4010 баланы еліміздің өзге облыстарындағы жазғы лагерьге жіберу жоспарланған. Олардың алды Нұр- Сұлтан, Алматы, Тараз қаласымен Ақмола, Павлодар, Батыс Қазақстан  сынды облыстарда тынығуда. Сонымен қатар, Арыстық 800 ардагер «Мейір» және «Ардагерлер» үйінде демалады. Төтенше оқиғадан соң, ауруханаға түскен 65 азамат емделіп, үйіне оралды. 3 азамат ем дом қабылдап жатыр, олардың жағдайы қалыпты дәрежеде.

             Күнделікті атқарылған жұмыстардың ашықтығын қамтамасыз ету үшін, жауапты тұлғалармен брифинг ұйымдастырылаған. Онда, Арыс қаласындағы атқарылған жұмыстар, алдағы жоспарлар БАҚ айтылып,  халыққа таратылады.

Аудан әкімінің баспасөз қызметі.

 
Арыс қаласындағы төтенше оқиға салдарын жоюға аудан кәсіпкерлері ауызбіршілік танытты Баспаға басу

ImageАпат айтып келмейді. Арыста болған төтенше оқиғаға байланысты, ауданнан арнайы көмек қолын созу штаб құрылған болатын. Оқиғадан соң штаб төрағасы Бағдат Айдарбеков, ішкі «Атамекен» кәсіпкерлер палатасы Созақ аудандық филиалының төрағасы Ғ. Жүсіп, аудан әкімдігі ішкі саясат бөлімінің басшысы Е. Сағындық, қоғамдық ұйым өкілдері «Жастар ресурстық орталығы» КММ қызметкерлерімен   шұғыл жиналыс өткізіп, Арыс халқына көмек беру мақсатында ауыл кенттерде пункттер ашу, акция өткізуді ұйымдастырды тапсырған болатын. «Біз Арыспен біргеміз» тақырыбында Арыс қаласынан келген азаматтарға көмек көрсету мақсатында өткен шараға, аудан азаматтары белсенді қатысты.  Арыс қаласындағы төтенше жағдайға байланысты Созақ ауданынан құрылған штаб төрағасы, аудан әкімінің орынбасары Бағдат Айдарбеков: -Елбасына күн түскен сын сағатында ауданда шаруасын жүргізіп отырған кәсіпкерлерде аянып қалмады. 30-ға тарта кәсіпкер, бірауыздан қомақты  қаржы жинап,  азық-түлік, киім-кешекпен гигеналық заттар алып, Арысқа жіберді. Атап айтсақ, Тастыбаев Қайрат, Бакенов Нұрлан, Жүсіпов Әбен, Әлметжанов Байкен, Оспанбек Қайрат, Тоқабаев Бектұрсын тағы басқа кәсіпкер азаматтарға айтар алғысымыз шексіз,- дейді.

            Айта кету керек Арыс қаласында болған оқиғадан соң, аудан 29 отбасымен оның 125 мүшесі келіп, оларға да ауыл округ әкімдіктері, кәсіпкерлер, жекелеген азаматтар көмек көрсетті.

            Аудан әкімінің баспасөз қызметі.

 
Созақтықтар Арыс қаласындағы төтенше оқиғаның салдарын жою жұмыстарын бастап кетті Баспаға басу

ImageБүгінде Арыс қаласындағы төтенше оқиғаның салдарын жою,  тұрғындарға қолайлы жағдай жасау бағытындағы жұмысқа созақтықтар да белсене кірісіп кетті.  Бекітілген 6- сектор бойынша 254 үйге акті жасалынып, жөндеу жұмыстары  басталды. Бүгінде 22 үйдің жөндеу жұмыстары жүргізілуде. Жалпы, 253 үй жөндеуді, 1 үй қайта салуды қажет етеді. Сондай-ақ 5 дүкен, 1 мейрамхана, 2 жеке меншік балабақша, 1 жанар – жағар май құю бекеті сынды кәсіпкерлік нысандармен 1 өнер мектебі, төтенше жағдайлар бөлімі, табиғатты қорғау мекемесінің ғимаратына қайта қалпына келтіру жұмыстары жүргізіледі.

            Созақ ауданы бойынша 6 секторға жауапты, аудан әкімінің орынбасары Бекзат Әлмағанбет: -Бүгінде 6- секторға жауапты Қызылорда облысымен Созақ ауданынан 141 адам келіп жөндеу жұмыстарына кірісіп кетті. Созақ ауданында 71 адам қызмет көрсетіп жүр. Олардың құрамында «Nur Otan» партиясының қызметкерлері, мекеме, бөлім қызметкерлері, еріктілер бар. Жұмыс жіті ұйымдастырылған. Белгіленген мерзімде жұмысты бітіруді жоспарлап отырмыз,- дейді.

            Аудан әкімінің баспасөз қызметі.

 
Құрметті аудан тұрғындары мен қонақтары! Баспаға басу

ImageҚұрметті ауден тұрғындары мен қонақтары!

 НАЗАРЛАРЫҢЫЗҒА!!!

 Қазақстан Республикасының Мемлекеттік қызмет істері агенттігінің Түркістан облысы бойынша департаменті Агенттіктің интернет ресурсындағы ресми сайты www.qyzmet.gov.kz болып өзгертілгенін хабарлайды.

 Осыған орай, мемлекеттік органдардың бос лауазымдарға конкурс хабарландырулары Агенттіктің жаңа ресми сайтына жарияланатынын назарларыңызға жеткіземіз.

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 76 - 90 ішінен 797

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 15 Желтоқсан 19 »
ДсСсСрБсЖмСнЖк
      1
2345678
9101112131415
16171819202122
23242526272829
3031         

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы