Галерея

Жаңалықтар
Жаңалықтар
Ұлттар бірлігі-елдіктің нышаны Баспаға басу

Image1 мамыр-Қазақстан халықтарының бірлігі күні мерекесі ауданымызда айтарлықтай айшықты, мерекелік сипатта өтті. Орталық стадион аумағы қызылды, жасылды күйге бөленген. Қолдарына шарлар мен гүл дестелерін ұстаған балғын сәбилер, ұлттық салтымызды әспеттейтін ұлттық киімдер киінген аудан тұрғындарының бұл мерекені көптен асыға күткені байқалады. Мәңгілік елдің шаңырағында шаншылған уықтар Қазақстанды мекен еткен ұлттар мен ұлыстар іспетті.  Иықтаса алдыңғы қатарлы дамуға бет алған мемлекеттер деңгейіне жету жолында еркін елдің шаңырағын шалқар кеңістікке бірлесе көтеруде.
Аудан орталығындағы мектептер мен мекемелердің қызметкерлері, жалпы аудан жұртшылығы, күлкісі сыңғыр қаққан бүлдіршіндер мәз-мейрам, күннің де салқын ызғары қайтып осы күні ерекше жадырады. Аспанда шөкімдей бұлт жоқ. Ынтымақшыл елдің пейіліндей күн шуағын төге түсті.
Қазақы ұлттық киімдерден бастап елімізді мекендеген ұлттардың ұлттық киімін киген барша жұрт айтулы мерекенің ажарын аша түсті. Мектептердің ұстаздары мен оқушылары арнайы ұлттық киімдерге тапсырыс беріп мерекеге ыждағаттылықпен дайындалыпты. Олардың ішінде Ыбырай Алтынсарин атындағы жалпы орта мектебінің ұжымын ерекше атап айтып кеткен жөн.

Жалғасы...
 
Күй құдіретіне бас иген күн болды Баспаға басу

ImageҚай ұлтқа, қай халыққа болса да сол ұлтпен, халықпен біте қайнасып, бірге жасасып келе жатқан киелі мұралары қымбат. Қазақ халқы үшін сондай құнды, бағалы мұралардың бірі–күй. Қазақ күйінің тарихы әрі де жатыр. Күйді ел тарихынан бөліп қарау мүмкін емес. Кешегі замандарда, күйлерде халықтың қайғы-қасіреті, азат өмірге ұмтылысы, әділетсіздікпен күресі өрнек тапты. Негізі, күй жайдан-жай шығарыла салмайды. Ол адам жанының ішкі толқынысынан, сезімінен пайда болады. Күйді жай ғана музыкалық жанр десек қателесеміз. Ол сан қырлы күрделі шығарма. Оның мазмұнына, сипатына қарай тарихи, лирикалық, аңыз, қаралы, арнау секілді тақырыптарға да бөлінетіні содан. Идеялық-көркемдік жағынан да сан алуан. Күйлерде тек көңіл-күй ғана емес, жер-су аттары, жануарлар, құстар, табиғат құбылыстары және басқалар суреттеледі. Күйдің әуендік-түрлік құрылысы мен ырғағының, орындалуының өзгешелігі де назар аударарлық. Құрманғазының күйлері жігерлі, екпінді келсе,

Жалғасы...
 
Жонның бойындағы қарқынды қимыл Баспаға басу

ImageКөктем биыл шаруаға қолайсыздау болып тұр. Әйтсе де қамданған қапы қалмайды деген мақсатты алға қойған шаруа қожалықтары қолда бар мүмкіндікті пайдаланып Елбасы алға қойып отырған тапсырмасын орындау үшін белсене еңбек етуде. Мал азығының құнарлылығын арттырып, төрт түліктің санын көбейтіп Президент Н.Ә.Назарбаевтың 2016 жылы 60 мың тонна ет экспорттауымыз керек деген межесін орындауға аудан шаруалары жұмылуда. Әрине етті экспортқа шығарудың өзіндік талаптары болады. Басты мәселе еттің сапасында. Ет сапалы болуы үшін малдар құнарлы азықпен қоректену керек.
Аудан әкімі А.Аймұрзаевтың бастамасымен тәлімі жерлерді игеріп, мал азығын өзімізде дайындау мәселесі қолға алынған болатын. Ол игі іс өткен жылы өз жемісін берді де. Аудан басшысы ауыл-ауылдардағы кездесулерде егін егіп, мал азығын дайындау жұмыстарымен айналысуға тілек білдіруші азаматтарға аудан әкімдігі тарапынан қолдау болатындығын жеткізген-тін. Шаруалар игі бастаманы қолдап, әр ауыл әкімшілігінен тәлімі жерлерге егіс егуге ниет еткен азаматтар қатары былтырғыдан көбейіп отыр.

Жалғасы...
 
Діни экстремизмнің алдын алу Баспаға басу

ImageАқыл-ойлары жетіліп, мінез-құлықтарыенді қалыптасып келе жатқан жасөспірімдеріміздің саналы болып өсулеріне зияндарын тигізетін кереғар діни ағымдардан сақтау іс-шараларын үнемі назарда ұстау ауданымыздың көлемінде ретімен жүзеге асырылып келеді. Ал, бұл мәселеге жалпы білім беретін орта мектептерде ерекше көңіл бөлініп жүргендігін айтқанымыз жөн.
Жақында, аудан орталығындағы А.Сүлейменов атындағы жалпы орта мектепте аудан әкімдігі ішкі саясат бөлімінің және аталған мектеп педагогикалық ұжымының бірлесе ұйымдастыруымен «Діни экстремизмнің алдын алу» тақырыбында «Дөңгелек үстел» байқауы өткізілді. Іс-шараға мектептің VIII-ХІ сыныптарында оқитын оқушылар қатысып отырды.

Жалғасы...
 
Облыс әкімінің наурыз мерекесін өткізу жөніндегі бекіткен іс шарасына орай аудан көлемінде өткен шаралар Баспаға басу

14 наурыз  «Тағзым күні»
Қасиетті жұма күніне тұспа тұс келген бұл күні мұсылманның ең қасиетті ісі тазалық болғандықтан бұл күні аудан жұртшылығы жаппай ауыл ішін, қорымдарды, арық-атыздарды қыс бойы жиналған күл-қоқыстан аршып, тазалауға шықты.Ұлыстың Ұлы күні Наурыз мейрамына арналған мерекелік шаралар бағдарламасына  орай аудан орталығындағы мешітте жұма намазында құран оқылып, жеті нан пісірілді. Жетім-жесірлерге садақа үлестірілді. Бір қатар ауыл тұрғындары ауыл шетіндегі қорымдарға барып ата-бабаларының зираттарына тізе бүгін, құран бағыштап, айналасын тазалап қайтты. Бұл шара ауданның ауылдары мен елді мекендерінде жалғасын тапты.
15 наурыз «Алас күні»
Аудан орталығындағы көшелерге мекеме, кәсіпорын ұжымдары шығарылып, бектілген аумақтар бойынша сенбңлңк шарасын өткізді. Сенбілік шарасына аудан әкімі Аманғали Аймұрзаев қатысып,  аудан орталығындағы мектептер мен мекемелерден жиналған тазалық шарасына қатысушыларға сәттілік тіледі.

Жалғасы...
 
Армысың ақ пейілді Арғымақ жыл Баспаға басу

Әзіреті Қаратаудың бауырында көлбей, сайын дала Сарыарқаға бетін түзеп жатқан шежірелі өлке, сырлы қарт Созақ  Ұлыстың ұлы күні саналатын ұлық мереке -Наурызды ұлттық сипатта, салт дәстүріміз бен әдеп ғұрпымызды насихаттай, дәріптей, бағалай отырып  кең көлемде өткізбек ниетте. Біріккен Ұлттар Ұйымының шешімімен әлемдік деңгейде аталып өтетін және ЮНЕСКО-ның Мәдени мұра санатына қосылған Наурыз мейрамы салт-дәстүріміздің, тіліміз бен дініміздің, бірлігіміз бен татулығымыздың, жаңаруымыз бен  жарасымды ынтымағымыздың дамуына себепші ұлық мерекеге айналды.
Бұл мәдени шара Елбасымыздың Жарлығымен 1991 жылы 15 наурызда Наурыз мерекесін өткізу жөнінде заңды түрде бекітілген болатын.
Қазіргі  күнде бұл мерекені Еуропа мен Азия елдері жаппай тойлауды қолға ала бастады.
Мәңгілік елдің өзімен бірге мәңгі жасайтын, мәңгі жасап келе жатқан мерекесі болады. Ол мұсылман халқында, оның ішінде қазақ халқында осы Наурыз мейрамы. Сонау жылдары қапасқа қамалып, қарашасынан қалыс қалған ұлық мейрам, тәуелсіздік таңы арайлап атар тұста халқымен қайта қауышты.

Жалғасы...
 
Жылы лебіздер айтылып, алғыс хаттар тапсырылды Баспаға басу

ImageНаурыз айының 6 жұлдызы күні аудан әкімдігінің үлкен мәжіліс залында 8 наурыз -Халықаралық әйелдер күні мерекесіне орай ауданның түрлі салаларында еңбек етіп зейнеткерлікке шыққан,  бүгінгі таңда жұмыс жасап жүрген әйел аналар мен қыз-келіншектердің басын қосқан салтанатты жиын өтті.
Ару көктемнің алғашқы күндері аспан ашылып, күннің көзі көрініп, барша адам баласының жанына жылылық сыйлағандай жайма шуағын төге түсті.
Салтанат жиын өткізілетін зал мерекеге сай безендіріліп, төрінен киелі домбыраның сазды үні төгіле ойнап тұрды. Әсем әуен жиналған ақ кимешекті аналар мен қыз-келіншектердің көңіл күйін көтеріп, ажарлы келбеттерінің нұрлы жүздерін аша түсіп, жандарына жадырата түсер әсер береді.
Мемлекетіміздің әнұраны орындалғаннан кейін мерекелік жиынды аудан әкімі Аймұрзаев Аманғали Түктібайұлы ашып, аудан көлеміндегі аналарды айтулы мейрамдарымен құттықтады.

Жалғасы...
 
Ардақты әжелер, абзал аналар, аяулы қарындастар! Баспаға басу

Көктемнің алғашқы шуақты күндерінде жақсы тілек пен жылы сөздер арнап, бір-біріне шынайы жылулық сыйлауды қазақ халқы өмірлік қағида етіп алған. Сол қалыптасқан үрдіске сай келетін сіздердің мерекелеріңіз өміршең әрі ең қастерлісі саналады. Баршамыз үшін қымбатты осынау қуанышты күннің қарсаңында ауданымыздың қыз-келіншектерін, аналарымызды 8 наурыз халықаралық әйелдер күні мересімен құттықтаймыз.
Бұл мереке жалпы адамзатқа әйел затының отбасындағы рөлін айғақтатып қана қоймай, олардың қоғамдық өмірдегі белсенді орынын көрсетеді. Бүгінгі күні қоғамымыздағы Сіздердің қажырлы еңбектеріңізбен жасалып жатқан бар игілік пен жақсылықтар еліміздің баянды болашағының кепілі деуге толық негіз бар.
Сондықтан да, еліміздегі аналарға деген қамқорлық пен қолдау үнемі күн тәртібіндегі негізгі мәселе болып қала береді. Мемлекеттік деңгейдегі қабылданып жатқан бағдарламалар мен заңнамаларда, Елбасының жыл сайынғы халыққа арнаған Жолдауларында қамтылғандай әлеуметтік тұрғыда аналарға деген шынайы құрмет пен қамқорлық басты назарда болуда.

Жалғасы...
 
Ауданның әлеуметтік, экономикалық көрсеткіштеріне талдау жасалды Баспаға басу

Image28 қаңтар күні аудан әкімшілігінің үлкен мәжіліс залында аудан активтерінің кеңейтілген мәжілісі болып өтті. Акимят мүшелері президиумға жайғасқаннан кейін аудан әкімі Аманғали Түктібайұлы кеңейтілген мәжілісті ашық деп жариялап, күн тәртібіндегі бірінші мәселе бойынша, яғни 2013 жылғы ауданның әлеуметтік экономикалық даму көрсеткіштері бойынша баяндама жасау үшін сөз кезегін аудан әкімінің орынбасары Қ.Еспенбетовке берді.
Қабылбек Аманбекұлы слайд көрсетілімі негізінде  2013 жылдың қорытындысы бойынша аудан экономикасы мен әлеуметтік саласын дамытуда бірқатар нәтижелі жұмыстар атқарылғанын, соның ішінде бірінші кезекте  бюджет көрсеткішінің артып,   2013   жылы  жалпы   бюджет кірістері 57  млрд 997 теңгені құрап, жылдық жоспар 105 пайызға орындалғанын назарға қойып, бюджет қаражатының контингент бойынша кірісі мен шығысына талдау жасады.

Жалғасы...
 
Жолдауды қуаттап, қолдауға арналды Баспаға басу

ImageҚаңтар айының сейсенбісі күні Созақ ауданының орталығы Шолаққорған кентіндегі аудан әкімшілігінің үлкен мәжіліс залында Қазақстан Республикасы Президенті-Ұлт Көшбасшысы Н.Ә.Назарбаевтың  Қазақстан халқына арнаған «Қазақстан жолы: бір мақсат, бір мүдде, бір болашақ» атты Жолдауын қолдап, насихаттаған жиналыс өтті. Жиналысқа  аудан әкімінен бастап, аудан әкімінің орынбасарлары, аудандық мәслихаттың депутаттары, ауылдық ардагерлер кеңесінің төрағалары, мекеме, бөлім, кәсіпорын басшылары, мектеп директорлары, балабақша меңгерушілері, ауылдық ауруханалардың бас дәрігерлері мен шаруа қожалықтарының төрағалары, аудан тұрғындары қатысып отырды. Жолдауды қуаттап, қолдауға арналған жиналысты аудан әкімінің орынбасары С.Еденбаева жүргізіп отырды.

Жалғасы...
 
<< [Бірінші] < [Алдыңғы] 41 42 43 44 45 46 47 48 49 50 [Келесі] > [Соңғы] >>

Нәтижелер 646 - 660 ішінен 779

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 13 Қараша 19 »
ДсСсСрБсЖмСнЖк
    123
45678910
11121314151617
18192021222324
252627282930 

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы