Галерея

Жаңалықтар
Жаңалықтар
Мобильді ХҚО-лар Мақтааралдағы су тасқынынан зардап шеккендерге көмек көрсетуін жалғастыруда Баспаға басу

Image«Азаматтарға арналған үкімет» мемлекеттік корпорациясы су тасқынынан зардап шеккен түркістандықтардың құжаттарын қалпына келтіру бойынша жұмысын жалғастыруда.
Бұған дейін апат аймағына Басқарма төрайымы Әсемгүл Балташеваның тапсырмасымен тұрғындардың құжаттарын қалпына келтіріп, көмек көрсету үшін жасақталған 5 мобильді топ жіберілген болатын . Мемлекеттік корпорацияның барлық қажетті құралдармен жабдықталған мобильді ХҚО-лары аудан бойынша орналасқан барлық эвакуациялау пунктерін кезекпен аралап, жоғалған құжаттарды қайта қалпына келтіруге көмек көрсетуде.
Айта кетсек, төтенше жағдай орын алған мамыр айының басынан бастап мақтааралдықтарға корпорация өз есебінен ақысыз түрде 210 техникалық төлқұжат, 245 меншік иесі туралы мәлімет, 872 жылжымайтын мүліктің техникалық төлқұжаттарын және құқық белгілейтін құжаттың мұрағаттық көшірмесін беріп, 210 өлшеп-сызу жұмыстарын жүргізді. 492 тұрғын жылжымайтын мүлік дерекқорындағы қателіктерді түзетіп, 1 300 адам қажетті құжаттарын рәсімдеп, басқа да мемлекеттік қызметтер алды.
«Аяқ астынан болған апатта құжаттарымыз су астында қалған. Халыққа қызмет көрсету мобильді тобы ең алғашқылардың қатарында көмекке келіп, эвакуациялау пунктерінде халыққа түсіндірме жұмыстарын жүргізді. Мен де мамандардың көмегімен аз уақытта үйімнің құжаттарының телнұсқасын алдым, бәрін тегін рәсімдеп берді. Көмектеріңізге алғыс айтамын», - дейді Жеңіс ауылының тұрғыны Қобылан Өміров.
Қазіргі мемлекеттік корпорацияның 25 қызметкері эвакуациялау пунктерінде жер кадастры және жылжымайтын мүлік құжаттарын қалпына келтіру үшін өтініш қабылдап, мемлекеттік қызметтер бойынша кеңес беруді жалғастыруда.


 
Электрондық мемлекеттік қызметтерді жақсарту үшін азаматтардың ұсыныстары жинақталуда Баспаға басу

ҚР Мемлекеттік қызмет істері агенттігінің төрағасы Анар Жаилғанова Фейсбуктегі парақшасында «электрондық үкімет» порталында жұмыс процестерін жақсарту бойынша алғашқы ұсыныстар туралы ақпарат берді

 

https://www.facebook.com/2640550569365430/posts/3404234836330329/?d=n

 

            Мемлекеттік қызмет істері агенттігі әрбір азаматқа мемлекеттік қызметтерді жетілдіруге және қолжетімді цифрлық мемлекетті құруға өз үлесін қосуға мүмкіндік беретін «Тыңдау» бірегей жобасын іске қосты.

            Мемлекет басшысы өзінің «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа Жолдауында «Халық үніне құлақ асатын мемлекет» тұжырымдамасы барлық азаматтардың өтініштеріне жедел және тиімді әрекет етуге бағытталуы тиіс екенін атап өтті. Бұл ретте, Президент мемлекеттік аппарат қызметіндегі проблемалар көбінесе азаматтар мен жергілікті жерлердегі мемлекеттік қызметкерлер арасындағы кері байланыстың болмауына байланысты екендігіне назар аударды.

            «Халық үніне құлақ асатын мемлекет» – бұл барынша ашық және есепті мемлекетті қалыптастыру. Сондықтан мемлекеттік аппарат әр сала бойынша бірінші кезекте халықтың пікірін барынша ескеруі тиіс.

 «Тыңдау» жобасы ерікті-қолданушылар пікірі аясында құрылған. Жобаға қатысу үшін электронды қызметті алу талап етіледі және барлығын tyndau.kz сілтемесі бойынша онлайн-анкетада белгілей отырып оның әрбір қадамын бағалау қажет.

Бұдан бөлек, Агенттік тек мемлекеттік қызметтерге шағым жинамайтынын, біздің негізгі мақсатымыз – проблемалы жерлерді анықтап, тиімді кері байланыс орнату болып табылады. Жинақталған мәселелер базасына біз талдау жасап және мемлекеттік органдарға қажетсіз қадамдарды жою, халықтың мемлекеттік қызметтерді алу процестерін жеңілдету бойынша нақты ұсыныстар беретін боламыз.

Өткен аптада біз «Тыңдау» жобасын іске қосып және пробациялау мақсатында екі қызметті таңдап алдық. Олар паспорт пен жеке куәлікті алу қызметі.

Қазіргі уақытта осы бағыт бойынша азаматтардан ұсыныстар жинау жалғасуда.

Бүгін осы жоба аясында еріктілердің ішінен алғашқы фокус-топ құрылды және ұсыныстар жинау жүргізілуде.

Мысалы, «электрондық үкімет» порталында жұмыс процестерін жақсарту бойынша автоматты түрде теру және тек ЖСН-ді терген кезде азаматтың деректерін (аты-жөні, туған жылы мен жері) тартуға қолжеткізетін жасанды интеллект негізінде арнайы қосымшалар, жүктелетін сканерленген құжаттар мен фотосуреттерді (3х4) жүйеге қажетті форматтарға автоматты түрде келтіру үшін түрлендіруге арналған көмекші қосымшалар бойынша ұсыныстар әзірленді.

Сондай-ақ автоматтандырылған қызметтердің жұмысқа қабілеттілігін тестілеу, ЭЦҚ немесе бір рет қолданылатын пароль көмегімен авторизациялау немесе қол қою кезінде туындайтын ақауларды анықтау жүргізіледі.

Фокус-топтың қатысушылары ұсыныстарын «электрондық үкімет»  порталындағы, мобильдік нұсқасы мен телеграмм боттағы жұмыстың бейне жазбалары мен жұмыс беттерінің скриндері түрінде енгізіледі.

Алдағы уақытта электрондық қызметтер бойынша тиісті материалдардың жиналуына қарай азаматтардың ұсыныстары мүдделі органдармен бірлесіп, көрсетілетін қызметті алушыларды хабардар ете отырып, пысықталатын болады.

Біз жақын уақытта «Тыңдау» халықтың пікірін ескеретін тиімді жоба болады деп үміттенеміз.

 

           

 
Телеграм-ботта ХҚО-ға кезек брондау мүмкіндігі пайда болды Баспаға басу

ImageҚазақстандықтарға қолайлы болу үшін ХҚО-ға кезекті брондау әдістерінің түрі көбейтілді. Енді қызмет алушылар ХҚО-ға кезекті тек egov.kz порталында немесе 1414 байланыс орталығы арқылы ғана емес, сондай-ақ eGovKzBot2.0 телеграм-ботының көмегімен де брондай алады.

Ол үшін қызмет алушы мобильді азаматтар базасында тіркелуі керек және оның ұялы телефонына телеграм қосымшасы жүктелген болса болғаны. Мобильді азаматтар базасына egov.kz электронды үкімет порталындағы виртуалды ассистенттің көмегімен тіркелуге болады.

Сонымен, ХҚО-ға кезекті брондау үшін пайдаланушы мәзірден «ХҚО-ға кезекті брондау» қызметін таңдайды. Ары қарай жүйе мемлекеттік қызметтерді алуға ыңғайлы аймақты, ХҚО мекенжайын, бару мақсатын, ыңғайлы күні мен уақытты таңдауды ұсынады.

Барлық қадамдар жасалған соң қызмет алушының ұялы телефонына оның ЖСН, таңдалған ХҚО мекенжайы, күні мен уақыты көрсетілген sms келеді. ХҚО-ға келген кезде осы sms-хабарламаны көрсету арқылы кезекті алдын ала брондағаныңызды растайсыз.

Айта кетейік, қазіргі таңда eGovKzBot2.0 телеграм-боты арқылы 28 мемлекеттік қызмет пен сервис қолжетімді. Олардың ішінде кең қолданысқа ие болғандары дәрігерді үйге шақыру, айыппұлдарды тексеру, медициналық мекемелерден алынған анықтамалар, зейнетақы аударымдары туралы анықтамалар және т. б.

Естеріңізге сала кетейік, коронавирус пандемиясы жағдайында және азаматтардың бір жерге шоғырлануын болдырмау мақсатында ХҚО-лар  egov.kz порталында қолжетімсіз қағаз түріндегі мемлекеттік қызметтерді тек алдын ала брондау бойынша көрсетеді.

Egov.kz порталында онлайн брондау қызметі ХҚО-лар өз қызметін қайта бастаған өңірлер үшін ғана жарамды.

 

«Азаматтарға арналған үкімет»

мемлекеттік корпорациясы» КЕАҚ Түркістан облысы бойынша филиалының

баспасөз қызметі

 
Түркістан облысының ХҚО-лары жұмысын қайта бастады Баспаға басу
ImageТүркістан облысы бас санитарының шешімімен 18 мамырдан бастап аймақтағы барлық халыққа қызмет көрсету орталықтары жұмысын қайта жалғастыра бастады.
Елдегі вирустың таралу қауіпі әлі де сақталуына байланысты халыққа қызмет көрсету орталықтарының жұмыс тәртібін өзгерту туралы шешім қабылданды. Өзгерістер ХҚО-да көрсетілетін мемлекеттік қызмет түрлерін және оларды ұсыну форматын да қамтиды.
Енді азаматтар ХҚО-дан тек «қағаз жүзіндегі», электронды форматта қолжетімсіз қызметтер мен egov.kz порталында онлайн түрде рәсімделген қызметтердің нәтижелерін ғана алады. ХҚО-ға бару үшін 1414 байланыс орталығы немесе  немесе egov.kz порталындағы арнайы сервис арқылы кезек уақытын алдына ала брондау қажет.
Алдын ала жазылусыз ХҚО-ларда ешқандай қызмет көрсетілмейді.
Дегенмен 3 санаттағы азаматтар, яғни зейнеткерлер, көп балалы отбасылар және мүгедектігі бар азаматтар электрондық қызметтерді ХҚО-дан ала алады. Әр фронт-офисте олар үшін жеңілдік терезесі ұйымдастырылған. Сондай-ақ олар да ХҚО-ға баратын уақытын алдын ала брондауы керек.
Азаматтар электронды форматқа аударылған және egov.kz порталында қолжетімді барлық мемлекеттік қызметтің 80%-дан астамын тек өздігінен немесе бұрынғыдай ХҚО ғимараттарында емес, әкімдіктер жанындағы кеңселерде, оқу орындарында, медициналық ұйымдарда және т.б. жерде орналастырылатын өзіне-өзі қызмет көрсету секторларында ала алады.
Айта кетейік, айтылған жаңашылдықтар тек қалалық халыққа қызмет көрсету орталықтарының жұмысына ғана қатысты екенін айтты. Ал аудандық маңызы бар қалаларда, сондай-ақ аудан орталықтарында орналасқан бөлімдер қалаға қарағанда келушілер санының айтарлықтай аз болуына байланысты өзгеріссіз, бұрынғы режимже жұмыс істейтін болады.
«Мемлекеттік қызметтер және оларды өз бетінше қалай алуға болатыны туралы толық ақпаратты азаматтар 1414 нөміріне хабарласып ала алады, онда оларға ХҚО операторы кеңес береді. Бүгінде байланыс орталығының жұмысына мемлекеттік корпорацияның 2000 - нан астам тәжірибелі қызметкерлері тартылған. Сонымен қатар, қызмет алушылар электронды қызметтерді egov.kz порталында, eGov mobile, EgovKzBot мобильді қосымшаларының, Facebook және Вконтакте әлеуметтік желілері чат-боттар арқылы ала  алады. Өңір тұрғындарына ыңғайлы болу үшін өз-өзіне қызмет көрсету бұрыштарының санын көбейтеміз»,- деді «Азаматтарға арналған үкімет» мемлекеттік корпорациясы» КЕ АҚ Түркістан облысы бойынша филиал директоры Ержан Жеңісбеков.
Өзіне өзі қызмет көрсету бұрыштары келесі мекенжайларда орналасқан:
• Түркістан қалалық жұмыспен қамту орталығы, О.Мұсабеков көшесі №2;
• Қожа Ахмет Яссауи атындағы ХҚТУ бас ғимараты, Б.Саттарханов даңғылы 1-ші қабат;
• Қуаныш сауда орталығы, Әмір сауда үйі, базар әкімшілігі Тауке хан көшесі №188;
• Түркістан қаласының әкімшілігі – Ғ.Мусрепов №17;
• Түркістан индустриалдық колледжі, Қызылорда тас жолы №14Б;
• Атамекен кәсіпкерлік мектебі, Қожанов көшесі №42
• Жастар орталығы, Б.Саттарханов №122
• Түркістан жоғары көпсалалы колледжі, 1 Мөлтек ауданы №24В
• Мега сауда үйі , Қызылорда тас жолы
«Азаматтарға арналған үкімет»
мемлекеттік корпорациясы»
Түркістан облысы филиалының
баспасөз қызметі.
 
Мемлекеттік қызметке орналасу ережелеріне өзгерістер енгізілді Баспаға басу

ImageҚР Мемлекеттік қызмет істері агенттігінің төрағасы Анар Жаилғанова Фейсбуктегі парақшасында мемлекеттік қызметке орналасу ережелеріне енгізілген өзгерістер туралы ақпарат берді

https://www.facebook.com/2640550569365430/posts/3380243158729497/?d=n

Азаматтардың мемлекеттік қызметке орналасу үдерісін жеңілдету үшін және конкурстарды барынша ашық өткізу үшін Агенттіктің бастамасымен «Мемлекеттік қызметке орналасу ережелеріне» бір қатар өзгерістер енгізілді.

Біріншіден, қолданыстағы ережелер бойынша үміткерлер байқауларға қажеттілік бойынша үйден шықпай-ақ қатыса алады. Ол үшін құжаттарды электрондық пошта арқылы тапсыруға мүмкіндік берілді, яғни бұрын талап етілгендей, мемлекеттік органға құжаттардың қағаз нұсқаларын әкелу қажеттілігі жойылды.

Сонымен қатар, әңгімелесуден өту үшін кандидаттың мемлекеттік органға келуі қажет емес. Осылайша, түзетулерге сәйкес әңгімелесу қашықтықтан бейне байланыс құралдары арқылы жүргізілуі мүмкін.

Екіншіден, бұрын мемлекеттік қызметке орналасу бойынша конкурсқа қатысу үшін үміткерлер конкурс қорытындысына қарамастан толық құжаттар тізімін дайындау қажет болатын.

Енді конкурсқа қатысу үшін үміткерлер өз өтінішіне тек екі құжатты: дипломның көшірмесін және қызметтік тізімнің көшірмесін қоса ұсынады.

Қалған талап етілетін құжаттарды конкурстық комиссияның оң шешімін алған кандидат ғана тапсырады.

Үшіншіден, Агенттік конкурстық рәсімдердің ашықтығын одан әрі арттыруға бағытталған түзетулер қабылдады.

Осылайша, соңғы түзетулерге сәйкес, конкурсқа қатыса алатын әлеуетті бақылаушылар қатары барынша кеңейтілді. Бұған дейін бақылаушылар тобына депутаттар, БАҚ, қоғамдық бірлестіктердің, саяси партиялардың өкілдері, Агенттік және өзге де мемлекеттік органдардың қызметкерлері кірді.

Енді әрбір кәмелет жасқа толған әрекетке қабілетті азамат бақылаушы бола алады. Бұл үміткерлерге конкурстық комиссияның хатшысын алдын ала хабардар ете отырып, өзінің байқаушысын әңгімелесуге шақыруға мүмкіндік береді.

Төртіншіден, бұрын Комиссия шешімі дауыс беру жолымен қабылданатын. Мәселен, комиссияның кейбір мүшелері конкурстық комиссия мүшелерінің бағалауы бойынша басқа кандидаттардан аз балл жинаған кандидатқа дауыс бере алатын.

Соңғы түзетулерге сәйкес, комиссия мүшелері дауыс беру арқылы лауазымға кандидатты таңдамайды. Конкурстық комиссияның шешімі бойынша бос лауазымға ең көп балл жинаған кандидат ие бола алады. Бұл ретте, ұпайлар үміткердің жауаптарының дұрыстығы мен толықтығын, оның эссесінің бағасын, оның тәжірибесін, білімі мен коммуникативтік дағдыларын, лауазымның ерекшелігіне байланысты қойылатын критерийлерді ескере отырып қойылады.

Бесіншіден, әңгімелесу конкурс жеңімпазын таңдау кезінде жалғыз өлшем болып табылмайды.

Сонымен, конкурсқа дейін үміткерлер мемлекеттік тілді және заңнаманы білуге тестілеуден, сондай-ақ жеке қасиеттерін бағалаудан өтеді. Ал «Б» корпусының басшы лауазымына кандидаттар (басқарма басшысы лауазымынан және одан жоғары) бұдан бөлек эссе тапсырады.

Сондай-ақ конкурстық комиссияның мүшелеріне лауазымның ерекшелігіне байланысты тиісті жұмыс дағдылары мен құзыреттілігі бар ең үздік кандидатты таңдау үшін қосымша іріктеу құралдарын қолдану құқығы берілген. Мысалы, конкурстық комиссия үміткерлерден тиісті саладағы проблемалар мен оларды шешу мүмкіндіктері бойынша презентация жасауды, кейстік немесе практикалық тапсырмаларды шешуді және т.б. сұрай алады.

«Б» корпусының бос мемлекеттік әкімшілік лауазымдарына орналасуға барлық конкурстар қатаң түрде көрсетілген талаптарға сәйкес өтуі тиіс. Аталған өзгертулер біздің азаматтарымыз үшін мемлекеттік қызметке орналасу рәсімін жеңілдететінін, сондай-ақ іріктеу тетіктерінің транспаренттілігін арттыратынын атап өтемін

https://www.facebook.com/memkyzmet/posts/572893143419707

 

 
Egov.kz порталында кеңестерді видео арқылы алу мүмкіндігі жасалды Баспаға басу
ImageЕнді «Азаматтарға арналған үкімет» мемлекеттік корпорациясының операторлары бейнеқоңырау шалған қазақстандықтарға электрондық үкімет порталында видео арқылы кеңес бере алады. Egov.kz порталы экранындағы әрекетті бөлісу сервисін  «Ұлттық ақпараттық технологиялар» АҚ мамандары жасап шығарды.
Видео арқылы кеңес беруші маманның көмегін алу үшін пайдаланушы басты беттің оң жақ төменгі бұрышындағы «Виртуалды ассистент» түймесін басуы керек. Ашылған терезеде бейнекамера белгісін таңдау қажет. Жүйе пайдаланушыдан бейнекамера мен микрофонның қосылуына рұқсат сұрайды. Бірнеше секунд ішінде ХҚО операторы клиентпен байланысқа шығады. Экрандағы әрекетті көрсету үшін қызмет алушы «Экран демонстрациясы» түймесін, содан кейін «Бөлісу» батырмасын басуы керек.
Осылайша, ХҚО операторы абоненттің мониторын көре алады және оған egov.kz порталында кез келген қызметті, оның ішінде ЭЦҚ-ны қашықтан рәсімдеуге көмектесіп, мобильді азаматтар базасына тіркей алады.
«Азаматтарға арналған үкімет» мемлекеттік корпорациясының басқарма төрайымы Әсемгүл Балташеваның айтуынша, экранды «бөлісу» сервисі оператор мен клиенттің арасындағы байланысты айтарлықтай жеңілдетті, өйткені қызметтерді ұсыну процесінде 1414 телефоны арқылы кеңес беру тиімді болғанымен, қашанда ыңғайлы бола бермейді. «Бұрын біздің операторлар клиенттен қай сілтемені, қай бөлім мен қызметті ашқанын үнемі сұрап отыратын. Енді біз экранда болып жатқан барлық әрекетті көре аламыз және клиентті қандайда бір қызметті алу жолдары бойынша бірден бағыттай аламыз. Бұл сервис азаматтарымыздың цифрлық сауатын қашықтан арттыруға да мүмкіндік береді», – деді ол.
Естеріңізге сала кетейік, коронавирус инфекциясының таралу қауіпінің сақталуына байланысты, ХҚО арқылы тек «қағаз» жүзінде көрсетілетін қызметтерді алуға болады. Egov.kz порталы арқылы қолжетімді қызметтерді үйден немесе әкімдіктерде, білім беру және медицина ұйымдарында т.с.с. жерлерде орналасатын өзіне-өзі қызмет көрсету секторларында алу керек. Мемлекеттік қызметтерді электронды түрде алу бойынша egov.kz порталындағы виртуалды ассистент кеңесшілері және 1414 бірыңғай байланыс орталығының мамандары көмектесе алады.
Айта кетейік, қазіргі уақытта Қазақстанда мемлекеттік қызметтердің 80% -дан астамы электронды форматта қолжетімді.
 
18,3 мыңға жуық мүгедек жанға мүгедектік мерзімі бірден 3 айға созылды Баспаға басу

ImageҚР Еңбек және халықты әлеуметтік қорғау министрлігі мүгедектерді қолдау бойынша қосымша шаралар қабылдады. Қайта қарау мерзімі төтенше жағдайдан (бұдан әрі - ТЖ) бір ай бұрын және оның барысында (16 ақпаннан 10 мамырға дейін) орын алған және қайта тексеруден өтпеген мүгедектер үшін мүгедектік мерзімі автоматты түрде бұған дейін белгіленген қайта тексеру күнінен бастап 3 айға ұзартылады. Сонымен бірге қайта тексеру мерзімі ақпан айына келген мүгедектерге ай толық есептеледі.

Бұл шаралар мүгедектерге әлеуметтік қолдау көрсету, сондай-ақ Төтенше жағдай режимі аяқталғаннан кейін карантиндік шараларды сақтау мақсатында қабылданды. Мүгедектікті автоматты түрде ұзарту медициналық-әлеуметтік сараптамаға құжаттарды рәсімдеу кезінде бір жерде топталуын болдырмайды және азаматтардың ауру жұқтыру қаупін азайтады.

Мүгедектерді оңалтудың жеке бағдарламаларын жүзеге асыру мерзімі 3 айға ұзартылды. Бұрын ұсынылған оңалту шаралары, соның ішінде техникалық оңалту құралдарымен қамтамасыз ету күшінде қалады.

Мүгедектерді әлеуметтік қолдаудың барлық әлеуметтік қолдау шаралары мен жеңілдіктері 3 айға ұзартылды. Жәрдемақы бұрын айқындалған мүгедектік тобына, еңбекке жарамсыздық дәрежесіне сәйкес төленеді.

Айта кету керек, денсаулығының жағдайы өзгерген жағдайда, мүмкіндігі шектеулі жандар қайта тексеруден бұған дейін белгіленген мерзімнен бұрын өтуге құқылы.

Естеріңізге сала кетейік, қайта сараптама тағайындалған уақытынан бастап бір ай ішінде жасалуы керек.

Мысалы, егер қайта тексеру мерзімі ағымдағы жылдың 20 наурызында келген болса, онда мерзім автоматты түрде 20 маусымға дейін ұзартылады, ал 20 шілдеге дейін қайта тексеруден өтуі керек.

 

https://inva.gov.kz/kk/news/393

 
Қазақстандықтар халыққа қызмет көрсету орталықтарына кезек уақытын алдын ала брондап бара бастады Баспаға басу
ImageКеше Қарағанды, Ақтау және Орал қалаларындағы бірнеше халыққа қызмет көрсету орталықтары жұмысын қайта жандандырып, жаңа форматта қызмет көрсете бастады.
Алғашқы жұмыс күні осы ХҚО-ларда 2038 мемлекеттік қызмет көрсетілді. Олардың 70%-дан астамы алдын ала брондау арқылы қамтамасыз етілген. Қалғандары сол жерде бронь жасаған немесе операторлардың босауын күткен.  
Естеріңізге сала кетейік, өткен аптада «Азаматтарға арналған үкімет» мемлекеттік корпорациясы коронавирус пандемиясы қауіпінің сақталуына байланысты мемлекеттік қызметтерді көрсетудің жаңа форматын ұсынды, оған сәйкес азаматтар ХҚО-дан тек «қағаз жүзіндегі» қызметтер мен онлайн түрде рәсімделген қызметтердің нәтижелерін ала алады.
Бұл ретте қызметтерді тек алдын ала жасалған брондау арқылы алуға болады. Халыққа қызмет көрсету орталығына кезек уақытын egov.kz порталы  немесе 1414 нөміріне қоңырау шалу арқылы белгілеуге болады.
«Азаматтарға арналған үкімет» мемлекеттік корпорациясының басқарма төрайымы Әсемгүл Балташеваның айтуынша, кезекке тапсырыс беру – ең алдымен қызмет алушы үшін өте ыңғайлы. Ол ХҚО-ға бірден қызмет алу үшін немесе құжатын алып кету үшін ғана барады.  «Бірінші күні біз кезекке тапсырыс бермеген клиенттердің өзінен жағымды пікір естідік. Олар қызметтерді тез алуға болатындығын көріп, келесі жолы тек брондау арқылы келуге уәде берді», – деп толықтырды Балташева.
Ол, сондай-ақ кезекке тапсырыс берген клиенттердің қатаң түрде  белгіленген уақыт аралығында келу керектігін айтты, себебі бронь уақыты өтіп кетсе, қайта брондау рәсімін жасау керек. Сонымен қатар бронь барысында тіркелген ЖСН иесі ғана электронды кезекті пайдалана алады.
Естеріңізге сала кетейік, 4 мамырдан бастап төтенше жағдай тәртібін қамтамасыз ету жөніндегі штабтардың шешімімен бірқатар аймақта халыққа қызмет көрсету орталықтары ашылды.
Атап айтқанда, Қарағанды, Ақтау және Орал қалаларында жеке тұлғаларға қызмет көрсету үшін алдын ала брондау арқылы ХҚО-лар ашылды, ал Нұр-Сұлтан қаласы мен Ақмола, Ақтөбе, Атырау, Солтүстік Қазақстан және Түркістан облыстарында ХҚО-лар  шағын және орта бизнеске қызмет көрсету үшін ашылды.
 
Мақтаарал: Мырзакент елдімекенінен жаңадан 500 үй бой көтереді Баспаға басу

ImageТүркістан облысы өңірлік коммуникациялар қызметінің алаңында Түркістан облысы әкімінің орынбасары Сәкен Қалқаманов пен Өзбекстан Республикасының Төтенше жағдай Министрінің бірінші орынбасары Абдулла Құлдашев және Түркістан облысы Төтенше жағдай департаментінің бастығы Нұрғали Жүнісов Мақтааралдағы су тасқынының салдарын жою бойынша атқарылған жұмыстар жөнінде  баспасөз брифингін өткізді.

Брифингке қатысқан Өзбекстан Республикасының ТЖМ бірінші орынбасары Абдулла Құлдашев техногендік апат аймағында жергілікті әкімшілік пен ТЖД қызметкерлері жүйелі жұмыс атқарып жатқанын атап өтті. 

«Өзбекстан Республикасының Президенті Ш.Мирзиеевтің тапсырмасы бойынша Мақтаарал ауданына келдік. Су басқан аймаққа 300-ден астам қызметкер, 186 техникамыз жұмылдырылған. Оның ішінде құтқаруға арналған, инженерлік, су тасу, жүк көліктері бар. Жергілікті әріптестерімізбен тығыз қарым-қатынаста тәулік бойы осымен 3 күн жұмыс істеудеміз. Қазіргі міндетіміз - коллекторларды тазарту, су тасыған жерлерді қалпына келтіру. 50-ден астам су тарту насосы күндіз-түні жұмыс істеп тұрғандықтан, кеше 34 мың куб су сыртқа шығарылды. Нәтижесінде Фирдоуси ауылында су деңгейі айтарлықтай төмендеді. Біз аймақтағы төтенше жағдай аяқталғанша осында боламыз», - деді Абдулла Хамидоллаұлы.

Сондай-ақ, брифинг барысында Мемлекеттік комиссия шешімімен жүзеге асып жатқан жұмыстарды атап өткен облыс әкімінің орынбасары Сәкен Амангелдіұлы Жеңіс, Жаңатұрмыс, Достық ауылдары толықтай көшірілетінін, ол үшін Мырзакент ауылынан 500 тұрғын үй салуға 50 гектар жер белгіленгенін атап өтті.

«Ресей кәсіпкері Әлішер Усманов су тасқынынан зардап шеккен Мақтаарал ауданының эвакуацияланған 30420 тұрғыны үшін «Түркістан» Әлеуметтік Даму Корпоративтік қорына 5 млн. 202 мың АҚШ долларын аударды. Бұл қаражат эвакуацияланған 5202 отбасының жеке шоттарына түсетін болады. Сондай-ақ, қорға отандық кәсіпкерлер мен азаматтардан 160 млн. теңгеге жуық қаржы түсті. Жиналған қаржы зардап шеккен отбасыларға бағытталады. Гуманитарлық көмек ретінде штаб қоймасына 270 тонна азық-түлік түсті, оның бүгінде 90 тоннасы елге таратылды», деді С. Қалқаманов

Түркістан облысы ТЖД бастығы Нұрғали Жүнісов брифингте апат аймағына еліміздің Қорғаныс саласынан 1000-нан астам маманның жұмылдырылғанын жеткізді.

«Қазіргі таңда судың деңгейі төмендеуде. Өргебас, Нұрлы жол, Фирдоуси, Жеңіс елдімекендерінде су сору жұмыстары жалғасуда. Қорғаныс министрлігі, Ұлттық ұлан,  ТЖД мен Полиция Департаментінен 1365 адам жұмыс атқаруда. Мәселен, 75 мотопомпа су сору жұмыстарында, 44 қайық су басқан елдімекендерде тұрғындардың үйлерінен заттарын тасу жұмыстарына жұмылдырылған», - деді ол.

 

Түркістан облысының Өңірлік коммуникациялар қызметі

 
Түркістан облысында су тасқынынан зардап шеккендерге бес мобильді ХҚО көмек көрсетуде Баспаға басу

Image«Азаматтарға арналған үкімет» мемлекеттік корпорациясының Басқарма төрайымы Әсемгүл Балташеваның тапсырмасымен Мақтаарал ауданындағы тасқын судың зардабынан эвакуцияланған тұрғындарға құжаттарын қалпына келтіріп, көмек көрсету үшін жасақталған 5 мобильді топ апат аймағына жіберілді.

Мемлекеттік корпорацияның барлық қажетті құралдармен жабдықталған мобильді ХҚО-лары аудан бойынша орналасқан 24 эвакуациялау пунктерін кезекпен аралайды. Мамандар зардап шеккен жергілікті тұрғындарға мемлекеттік қызметтер бойынша құқықтық кеңес беріп, құжаттарын қалпына келтіру үшін өтініш қабылдайды. Бұл ретте тұрғындарды құжаттандыру бойынша миграциялық қызмет басқармасымен және басқа да атқарушы органдармен жедел түрде ықпалдасу ұйымдастырылған. Мобильді топ бірінші жұмыс күні 150-ден аса адамға мемлекеттік қызметтер бойынша кеңес берді. Эвакуациялау пунктерінде мамандар мақтааралдықтардың жоғалған құжаттарын қайта рәсімдеуге өтініштер қабылдап жатыр.

Естеріңізге сала кетейік, осыдан бір жыл бұрын Арыс қаласындағы әскери қоймада болған жарылысқа байланысты төтенше жағдай кезінде де мемлекеттік корпорация қызметкерлері жұмысын тоқтатпай, жергілікті әкімдікпен бірлесе штабтарда, далалық жағдайда апаттан зардап шеккен азаматтардың құжаттарын ретке келтіру үшін үздіксіз қызмет етті. Төтенше жағдай кезінде арыстықтарға ХҚО мамандары 17 мың қызмет көрсетті.

 

«Азаматтарға арналған үкімет» мемлекеттік корпорациясы» Түркістан облысы филиалының баспасөз қызметі.

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 46 - 60 ішінен 953

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 08 Шілде 20 »
ДсСсСрБсЖмСнЖк
  12345
6789101112
13141516171819
20212223242526
2728293031   

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы