Галерея

Жаңалықтар
Жаңалықтар
2019 жылғы 1 наурыздағы жағдай бойынша БЖЗҚ негізгі көрсеткіштеріне шолу Баспаға басу

2019 жылдың 1 наурызындағы жағдай бойынша зейнетақы жинақтарының жалпы сомасы 9,49 трлн теңгені құрап, жыл басынан бері 115,8 млн теңгеге өсті. Олардың ішінде міндетті зейнетақы жарналары (МЗЖ) бойынша жинақтар сомасы 9,29 трлн теңгені құрады (жалпы соманың 97,8%). Міндетті кәсіптік зейнетақы жарналары (МКЗЖ) бойынша жинақтар сомасы 204,9 млрд теңге (бүкіл жинақтың 2,2%) және ерікті зейнетақы жарналары бойынша (ЕЗЖ) жинақтар сомасы 1,9 млрд теңге болды (0,02%).

Шарттардың барлық түрлері бойынша жеке зейнетақы шоттарының жалпы саны 10,4 млн бірліктен асты. 

Жыл басынан бері Қор салымшыларының шоттарына есептелген таза инвестициялық табыс сомасы 12,1 млрд теңгеге жетті. Зейнетақы жинақтарының табыстылығы соңғы 12 ай ішінде (2018 жылдың наурызы мен 2019 жылдың ақпаны) 11 пайызды құрады. Бұл кезеңде инфляция деңгейі 4,8 пайызды көрсетті. Осылайша зейнетақы активтерінің табыстылығы инфляциядан жоғары болып отыр.  

2019 жылдың екі айы ішінде зейнетақы төлемдері 43,0 млрд теңгені құрады. Оның ішінде жасына байланысты төлемдер 28,3 млрд теңгені, ал сақтандыру ұйымдарына жасалған аударымдар 4,4 млрд теңге болды. Салыстырып қарайтын болсақ, өткен жылдың сәйкес кезеңінде Қордан 62,8 млрд теңге төленді. Оның ішінде сақтандыру ұйымдарына жасалған аударымдар 2,6 млрд теңге болды.      

БЖЗҚ салымшылар мен алушыларға қызмет көрсету бойынша жұмыстарды үнемі жетілдіріп келеді. Жыл басынан бері салымшылар мен алушыларға 4,4 миллионнан астам қызмет көрсетілді. Бұл ретте электрондық тәсілмен қызмет көрсету басымдыққа ие – 3,7 миллионнан астам операция (немесе 85%) (шоттан берілген үзінді көшірмелерді есепке ала отырып) электрондық форматта жүзеге асырылды.

«БЖЗҚ» АҚ тұрғындар арасында тұрақты негізде ақпарат беру-түсіндіру жұмыстарын жүргізеді. Сонымен қатар ұйымдар мен кәсіпорындарда және сауда орындарында көшпелі таныстырылымдық шаралар өткізеді. Жыл басынан бері 4 мыңнан астам таныстырылымдық шара өткізіліп, оған 140 мыңнан астам адам қатысты.

2019 жылдың басынан бері бірыңғай жиынтық төлемді (БЖТ) төлеу аясында БЖЗҚ-дағы 19 605 жеке зейнетақы шотына жалпы сомасы 10,7 млн теңгеге (4,7 млн теңге республикалық және облыстық маңызға ие қала тұрғындарынан, ал 5,9 млн теңге басқа елдімекендердің тұрғындарынан) 21 986 жарна келіп түсті. БЖТ төлеу аясында 2019 жылдың ақпан айында жарна сомасы 4,1 есеге ұлғайды. Сонымен қатар БЖТ бойынша жарналары саны 4,5 есеге және осы жарналар түсетін зейнетақы шоттарының саны 4,4 есеге артты.  

 БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

 

«БЖЗҚ» АҚ баспасөз орталығы

БАҚ үшін байланыстар: Бұл e-mail спам-боттардан қорғалған. Оны көру үшін сіздің браузеріңізде Java-script-ті қолдау қосылуы қажет.

 
Түркістан облысының прокуроры Созақ ауданының тұрғындарымен кездесті Баспаға басу

ImageБүгін Түркістан облысы прокуроры Нұрғалым Мәжитұлы Әбдіров, Созақ ауданынжа іс сапармен келді. Сапар барысында Қыземшек, Таукент кентінде болып, өндіріс, мекеме басшыларымен, тұрғындармен кездесті. Тұрғындармен кездесуге Түркістан облысы прокуроры Әбдіров Нұрғалым Мәжитұлы, аудан әкімі Салыхан Сабырұлы Полатов, Түркістан облысының мамандандырылған табиғат қорғау прокуроры Серік Үмбетұлы Әбдиев, аудан әкімінің орынбасарлары, кент әкімдері, өндіріс орындары мен мекеме басшылары қатысты.

            Еркін форматта өткен кездесу барысында, тұрғындар тарапынан қойылған сауалдарға жауап берді. Көтерілген мәселелердің басым көпшілігі – электр жарығын есептеу, шалғайда жатқан Қыземшек кентіндегі ауруханаға стоматолог дәрігерінің қажеттілігі сөз болды. Сондай-ақ, кәмелет жасқа толмағандарға қатысты  құқық бұзушылықты төмендету, ауданда орын алған қылмыстың жылдам ашылуымен қамтамасыз етуді аудандық полиция бөлімінің бастығыны тапсырды. Және аудан прокуроры Айтболат Тайырханұлы Досаевқа тұрғындар тарапынан көтерілген мәселенің барлығын жеке бақылауына алып, орындалуын өзіне баяндауды жүктеді.

            Қыземшек кенті ардагерлер кеңесінің төрағасы Пернебай Өтжанов,  кей жағдайда негізсіз, дәлелсіз арыз жазылатынын тілге тиек етті.

            Кездесу барысында, өндіріс мекеме басшыларына, қарамағындағы қызметкерлердің құқығының қорғалуына баса мән беру керектігін сөз етіп, ол бұзылған жағдайда қатаң жаза бар екенінде ескертті.

            Аудан әкімінің баспасөз қызметі.

 
Бас дәрігерінің жұмыс бөлмесі Баспаға басу

            ImageТүркістан облысы денсаулық сақтау басқармасы «Созақ аудандық орталық аурухана» шаруашылық жүргізу құқығындағы мемлекеттік коммуналдық кәсіпорны Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша  департаментінің тапсырмасына сәйкес, «Созақ аудандық орталық аурухана » ШЖҚ МКК бас дәрігерінің жұмыс бөлмесі емхана бөлімшесінің екінші қабатынан аурухана ғимаратының бірінші қабатына толық қанды ауысытырылды.

Жалғасы...
 
Қазақстанға келетін шетелдіктер миграциялық ХҚО арқылы тіркеуге тұра алады Баспаға басу

«Азаматтарға арналған үкімет» мемлекеттік корпорациясының миграциялық ХҚО-сы арқылы көрсетілетін қызметтер саны толыға түсті. Енді Қазақстан Республикасына уақытша келетін шетелдіктер мен азаматтығы жоқ адамдар көші-қон қызметтері орталығының қызметіне жүгіне алады. Бұған дейін бұл қызмет тек ҚР ІІМ көші-қон комитеті тарапынан көрсетілетін. 

18 ақпаннан бастап көрсетіле бастаған жаңа қызмет түрін пайдалану үшін шетелдік азаматтың өзімен бірге келесі құжаттары болуы тиіс:

-          ҚР аймағына кіруге визасы бар шетелдіктің не азаматтығы жоқ адамның жеке басын куәландыратын жарамды құжаты;

-          Шекараны кесіп өткені туралы белгісі бар көші-қон карточкасы;

-          Еркін түрде жазылған қолдаухат.

Қызмет алушылар ҚР аймағына 6 айдан артық мерзімге келетін болса, қосымша толтырылған 2 мекенжайға келу парағын, келу парағына толтырылған статистикалық есепке алу талоны мен 3,5*4,5 көлеміндегі бір фотосурет тапсыруы керек. 

Миграциялық ХҚО арқылы шетелдіктер бір күннің ішінде тіркеуге тұра алады. Мұндай орталық мемлекеттік қызметтерді жылдам әрі еш кедергісіз алуға мүмкіндік береді, жемқорлық әрекетіне жол бермейді.

Жаңадан қосылған қызметтен бөлек, мұнда шетелдіктер жұмыс істеуге рұқсат беретін құжатты алып, ҚР аумағына уақытша келетіндер жеке сәйкестендіру нөмірін рәсімдей алады.  Естеріңізге сала кетейік, еліміздің 13 қаласында көші-қон қызметтерінің орталығы жұмыс істейді. Тағы төрт (Павлодар, Өскемен, Тараз, Түркістан обл.)  Миграциялық ХҚО жыл соңына дейін ашылатын болады. 

 «Азаматтарға арналған үкімет» мемлекеттік корпорациясы»

КЕАҚ Түркістан облысы бойынша филиалы ХҚКО бойынша

Созақ аудандық бөлімінің  маманы Абдрахманова Н.Н

 
Әдеп жөніндегі кеңес мүшесі жеке қабылдауды түркістан қаласында жалғастырады Баспаға басу

Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысындағы Әдеп жөніндегі Кеңес мүшесі, «Оңтүстік Қазақстан облысының Кәсіподақ Орталығы» Аумақтық кәсіподақтар бірлестігі төрағасының орынбасары Әуесхан Серік Елемесұлы  2019 жылдың 29 наурыз күні сағат 11.00-де азаматтарды жеке қабылдау жүргізеді.

Жеке қабылдау Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департаменті ғимаратында өтеді.

Мекен-жайы: Түркістан қаласы, Отырар шағын ауданы, н/з ғимарат (Департаменттер үйі).

 
«Азаматтарға арналған үкімет» өз қызметінде ұшқышсыз ұшу аппараттарын қолданатын болады Баспаға басу

Бүгінде «Азаматтарға арналған үкімет» мемлекеттік корпорациясы жер кадастры бойынша 37 қызмет түрін көрсетеді. Оның ішіне жер аумағын, құрылымын, топырақ құрамын анықтау бойынша жұмыстар кіреді. Бұлардың қатарындағы төртеуі мемлекеттік қызметтер. Атап айтқанда, жер учаскелерінің кадастр құнын анықтау, жер телімінің сәйкестендіру құжаттарын әзірлеу және беру, мемлекеттік жер кадастрының мәліметтерін ұсыну және жобаланатын жер учаскесін келісу сияқты қызметтер мемлекеттік корпорацияның облыстар мен республикалық маңызы бар қалалардағы филиал қызметкерлерімен атқарылады.  

«Бүгінде біз бірыңғай мемлекеттік жылжымайтын мүлік кадастры жобасын әзірлеп жатырмыз. Ол бірнеше ақпараттық база мәліметтерін біріктіріп, мемлекеттік қызметтердің сапалы көрсетілуіне ықпал етеді. Жер кадастры бойынша мәліметтер неғұрлым дәл болу үшін біз ұшқышсыз ұшу аппараттарын сатып алдық. Ол жердің 1:10 000 рұқсаттағы цифрлық карталарын әзірлеуге көмектеседі. Себебі қазірде әуеден түсірілген бірнеше сантиметрге дейінгі нақты карталар жоқтың қасы», – деп атап өтті мемлекеттік корпорацияның басқарма төрағасы Абылайхан Оспанов жерге орналастырушылардың кәсіби мерекесіне орай ұйымдастырылған салтанатты жиын барысында.

Бүгінде жерге қатысты мәліметтер базасы GPS, спутник навигаторы, қашықтан зондтау және геоақпараттық жүйелер сияқты цифрлық технологиялардың көмегімен жасақталуда.

Мемлекеттік корпорация ұшқышсыз ұшу аппаратының екі данасын қолданысқа енгізіп, оларды басқара алатын мамандарды арнайы оқытады.

Жалғасы...
 
БЖЗҚ-да «2019 жылы күшіне енген, ҚР зейнетақы заңнамасындағы өзгерістер» тақырыбы бойынша Ашық есік күні өткізілді Баспаға басу

2019 жылдың 19 наурызында БЖЗҚ-ның барлық филиалында биылғы жылы алғашқы «Ашық есік күні» шарасы өткізілді.  

Бірыңғай жинақтаушы зейнетақы қоры тұрғындар арасында ақпарат беру-түсіндіру жұмыстарын жалғастырып келеді. Осы жұмыстар аясында салымшылар мен алушыларға зейнетақы жүйесіне қатысты маңызды сұрақтар бойынша тұрақты түрде ақпарат беріліп жатыр.

Аталмыш шараның тақырыбы – зейнетақы заңнамасына енгізілген өзгерістер. 

Зейнетақы жүйесін жаңғыртудағы басты мақсат – зейнетақы төлемдерінің тиімділігін арттыру.  

Азаматтық-құқықтық сипаттағы шарттар бойынша жұмыстар мен қызметтер атқаратын жеке тұлғалардың міндетті зейнетақы жарналарын төлеу рәсімін оңайлату мақсатында зейнетақы заңнамасына мынадай өзгерістер енгізілді:

- егер азаматтық-құқықтық сипаттағы шарттардың бір тарабы салық агенті болса, жеке тұлғаларға, олардың ішінде фрилансерлерге берілетін табыстан міндетті зейнетақы жарналарын осы салық агенті төлейтін болады;

- егер азаматтық-құқықтық сипаттағы шарт жеке тұлғамен жасалған болса, міндетті зейнетақы жарналарын төлеу – фрилансердің міндеті емес, құқығы болып табылады;

Жалғасы...
 
Өндірісті өңір- астананың Нұр-Сұлтан атауымен аталғанын қалайды Баспаға басу

ImageТәуелсіздігімізді алып, егемендігімізді бекіткеннен кейінгі еліміздің дамуы,оның әлем алдындағы беделінің өсуі Елбасының салихалы саясатымен іске асқаны баршамызға аян. 
Осы бір қысқа мерзімге қарамастан тәуелсіздіктің алғашқы жылдарындағы экономикалық-әлеуметтік және саяси қиыншылықтарды еңсере білген қазақ елі әлем мойындаған мемлекеттер қатарына қосылды. Еліміздің саяси өмірі жаңартылып, түбегейлі өзгерістер жасалды. Мемлекеттіліктің барлық институттары құрылып, экономикамыз нарықтық жолға түсті. Халықтың әл-ауқаты жаңа деңгейге көтерілді, әлеуметтік салада жаңа асулар бағындырылды. Мемлекеттік шекарамыз айқындалып, елдің тұтастығы, жердің бүтіндігі қамтамасыз етілді. Елбасының көрегендігі мен ерік-жігерінің нәтижесінде Қазақстан әлемде тұңғыш рет ядролық қарудан бас тартып, Семей сынақ полигонын жабуы бүкіл дүниежүзінің назарын өзіне еріксіз аударған болатын. Осы бір батыл қадамның нәтижесінде мемлекетіміздің тәуелсіздігінің қауіпсіздігіне әлемнің іргелі мемлекеттері кепілдік берді. Әлем елдерімен терезесі тең тәуелсіз мемлекет құрып, ата-бабаларымыздың ғасырлар бойғы ұлы арманы мен мақсаты орындалды.
Елбасының ерекше атап өтер еңбегі ол ел астанасын –Ақмолаға көшіру болатын. Сенімсіздік болды, қарсылықтар да сезілді. Алайда, Ұлт Көшбасшысының табанды әрекетінің нәтижесінде орталықта жаңа қаланың іргесі қаланды. Оған Астана атауы берілді. Бұл айтып отырғандарым баршаға белгілі, алайда әрбіріміздің жадымызда болуға тиісті тарих. Сондықтан да, Елбасы Н.Ә.Назарбаевтың атын, яғни астана атауын Нұр-Сұлтан етіп өзгертуді қолдайтындығымызды айтқым келеді. Бұл біздің ұжымда еңбек ететін 280 қызметкердің тілегі деп түсірерсіз деп ойлаймын. Өйткені, Астана Елбасы өз бас сәулетшісі болған, әрбір ғимаратына көңіл бөліп, іргетасын қалаған, бүгінде біздер үшін зор мақтаныш сезіміне бөлейтін қала. Әлем таныған қала, дүниежүзілік деңгейде мәселелер тыңдалған қала.

«Таукент энергосервис» ЖШС атынан Амангелді Абдукаримов

 
Елордамыздың – Нұр- Сұлтан болып аталуын қолдаймын Баспаға басу

ImageПрезиденттік өкілеттігін тоқтатқан Нұрсұлтан Назарбаевтың Қазақстанның тәуелсіз мемлекет ретінде қалыптасуына сіңірген еңбегі зор. Алмағайып заманда ел тізгінін қолына ұстаған Нұрсұлтан Әбішұлы бүкіл күш жігерін, білімі мен білігін Қазақстанның дамуына, тәуелсіздігімізді баянды етуге жұмысады. Кеңс Одағы тарқаған соң тұралап қалған экономикамызды аяғынан тік тұрғызды. Елді нарықтық экономикаға бейімдеді, реформалар қабылдап олардың сәтті жүзеге асуына мұрындық болды. Ең бастысы Қазақстан әлемдік картада өзінің лдайықты орнын алып, дүниежүзіне танымал, беделді елге айналды. Халықта өз кезегінде Тұңғыш Президентімізге адалдық танытып, бірнеше рет ел тізгінін берді. Соның нәтижесінде еліміз дамыған 50 елдің қатарына кірді. БҰҰ қазақ тіліне баяндама жасады, көпұлтты еліміздің діни конфессиялардың ауызбіршілігіне баса мән беріп, тұрақтылық пен тыныштықты ту етті. Тарыдай шашылған қазақ ұлтын атамекеніне жиналуға жағдай жасады. Тұңғыш рет ядролық қарудан бас тартып, бейбітшілікпен тыныштықты ұстанудың үлгісін әлемге паш етті. Әлемде теңдесі жоқ «Болашақ» бағдарламасын ұсынып, білімді жастадың әлемнің көшбасы оқу орындарында оқуына мүмкіндік берді. Бүгінде олар еліміздің дамуы жолында еңбек етіп келеді.

Елі үшін ерінбей, елдік мәселенің жақтушысы, бастамашысы болған еліміз Елбасы, жаңа Қазақстанның, жаңа Астанасы- елорданы салды. Астана Нұрсұлтан Әбішұлының төл туындысы. Бізде өз кезегімізде Елордамыздың – Нұр- Сұлтан болып аталуын қолдаймыз. Бұл тарихи әділ шешім.

Жауғашты Садырханов,

Созақ ауданының құрметті азаматы,

«Қарағұр» өндірістік кооперативінің төрағасы.

 
Елорданы Нұр-Сұлтан атау тарихи шешім Баспаға басу

ImageСарыарқа төріне елордамызды ауыстырып, жаңадан бой көтерген қала- Астананың бой көтеруі сөзсіз Тұңғыш президентіміз Нұрсұлтан Әбішұлы Назарбаевтың еңбегі. Тәуелсіздігіміздің негізін қалап, елдің еңсесін көтеріп, дамудың даңғыл жолына түскеніміз Ұлт Көшбасшысының арқасы.

            Елбасы жүргізген  сарабдал саясатыны арқасында Қазақстан шын мәнісіндегі тәуелсіз де еркін, экономикасы мен мәдениеті дамыған өркениетті елге айналды, әлем қауымдастығынан лайықты орын алды.

            Елбасы Н.Ә. Назарбаев Президенттік өкілеттілігін тоқтату арқылы, демократиялы құндылытарды бәрінен биік қоятынын көрсетті. Бұл Тұңғыш Президетніміздің елдің тарихы бей – жай қалдырмайтынын, ақыл-парасатының, даналығын көрсетсе керек. Мен ұзақ жылдар қолыма қалам алған қаламгер ретінде, өзімнің сіздей тұлғамен замандас болғанымды мақтан тұтамын, Сіз шын мәнісіндегі тәуелсіз Қазақ елінің Тұңғыш Президенті, дара Тұлға, қайталанбас құбылыс, ел үшін туған тау тұлғалы азамат. Еліміз Нұрсқлтан Назарбаевқа қандай жақсылық жасаса да жарасады. Елбасы іргесін бекемдеген еліміздің бас ордасы- Астана қаласының, Нұр- Сұлтан болып атауын қолдаймын. Бұл менің азаматтық пікірім.

Есенбек Кенжеғараев,

Созақ ауданының Құрметті азаматы,

Созақ шығармашылық бірлестігінің төрағасы,

Қоғамдық келісім бірлестігінің төрағасы.

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 31 - 45 ішінен 697

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 20 Маусым 19 »
ДсСсСрБсЖмСнЖк
     12
3456789
10111213141516
17181920212223
24252627282930
             

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы