Галерея

Жаңалықтар
Жаңалықтар
ТҮРКІСТАНДА «SMARTCITY» АЯСЫНДА «ҚАУІПСІЗ АУЛА» ЖӘНЕ «АҚЫЛДЫ АЯЛДАМА» ЖОБАЛАРЫ ЖҮЗЕГЕ АСАДЫ Баспаға басу

ImageТүркістан облысындағы 902 мектептің 775-і немесе 86,1 пайызы интернет желісіне қосылған. Сондай-ақ, 735 білім ұясында, яғни 81,4 пайызында WI-FI нүктелерімен қамтамасыз етілген.  Жыл соңына дейін шалғай ауылдардағы 127 мектепті кең жолақты интернетпен және 167 мектепті WI-FI нүктелерімен толық қамту осы жылдың жұмыс жоспарына енгізілді. Бұл туралы Өңірлік коммуникациялар қызметінде өткен баспасөз жиынында облыстық Ақпараттандыру, мемлекеттік қызметтер көрсету және архивтер басқармасының басшысы Бастар Есқараев мәлімдеді.

 2018 жылды қорытындылған басқарма басшысы өңірде «Цифрлық Қазақстан» мемлекеттік бағдарламасы 5 бағыт бойынша жүзеге асып келе жатқанын айтты.

 «Энергетика және тұрғын үй-коммуналдық шаруашылық саласы бойынша "SmartCity" тұжырымдамасы іске асырылуда. Атап айтқанда, Түркістан қаласындағы Отырар мөлтек ауданында 10 көп қабатты тұрғын үйге «E-SHANYRAQ» жүйесіне толықтай интеграциялау жұмыстары жасалынды. Бұл, импульсті қашықтықтан басқарылатын есептегіштер арқылы суды, жылуды және электр энергиясының көздерін берілуін бақылау. Яғни, осы арқылы шығындарды бекіту, қаржатты жұмсау мәселелерінде қызметінің ашықтығы қамтамасыз етіледі, тұрғындар интернет арқылы есептеулер мен есеп айырысулардың дұрыстығын тексере алады, үй бойынша шығындармен табыстарды бақылауда болады және ТКШ мәселелері бойынша онлайн түрде өтініштер қабылданады», – деді Бастар Әуелханұлы.

 Сонымен қатар, «SmartCity» бағдарламасы негізінде биыл пилоттық жоба ретінде Түркістан қаласындағы саябақтар мен көшелерге «Ақылды жарықтандыру» жобасын енгізу жұмыстары қолға алынды. Бұл жарық беру аймағында өздігінен автоматты түрде жарық сөндіріледі немесе азаяды, сондай-ақ автокөліктер жарықтандыру аймағын кесіп өткен кезде ғана автоматты түрде қайта қосылуына мүмкіндік береді. Қазіргі таңда, облыс бойынша 700 көше күн панельдері жүйесінде фотореле датчиктері бар жарық шамдары орнатылған. Облыс бойынша механикалық таймер жүйесі бойынша 1294 ақылды жарық шамдары орнатылды.

 Одан бөлек, қаладағы тұрғын үйлерге 8 дана бейнебақылау камералары орнатылды және пилоттық жоба ретінде жол ережелерін бақылау үшін 6-бейнекамералармен қамтамасыз етілді.

 Цифрландыру жүйесі әсіресе мемлекеттік қызмет көрсету саласында кең қолданыста. Мәселен, 2018 жылы 10,955 мың мемлекеттік қызмет көрсетілген. Оның 9,350 мыңы электрондық түрде, қаған 1 372 мыңы қағаз түрінде іске асырылған.

 

Түркістан облысы әкімінің баспасөз қызметі
 
Ж.ТҮЙМЕБАЕВ ЖАСТАРДЫҢ ТЫҢ ИДЕЯЛАРЫНА ҚОЛДАУ БІЛДІРДІ Баспаға басу

ImageТүркістан қаласында «Жаңарған Түркістан – жаңа мүмкіндіктер алаңы» атты өңірлік жастар форумы өтті. Оған Түркістан облысының әкімі Жансейіт Түймебаев пен ҚР Қоғамдық даму вице-министрі Жұлдыз Омарбекова қатысты. Еркін форматта өткен жиында түрлі салада еңбек етіп жүрген өңір жастары өз жобалары мен жұмыстары туралы баяндап, облыс әкіміне талап-тілектері мен ұсыныстарын да жеткізе білді.

Мәселен, Ақерке Әліпова атты жас кәсіпкер қаланың орталығынан ұлттық сусындар мен тағамдар ұсынатын үлкен дәмхана ашып, өз кәсібін кеңейткісі келетінін айтса, Азия ойындарының чемпионы Дидар Хамза Түркістан жастарына заманауи спорт ғимараттары қажет екеніне тоқталды. Өзге де жастар пікірлерін ортаға салды.

Әрбір жастың сөзін мұқият тыңдаған облыс әкімі Жансейіт Түймебаев осы жиындағы ұсыныстар түгел хаттамаға енгізіліп, арнайы жұмыс жүргізілетінін айтты.

 «Елбасымыз «Тәуелсіздіктің ұрпақтары» атты жастар форумында жастарды қолдау бағытында нақты міндеттер жүктеді. Осыған орай, Түркістан облысында да жұмыстар қолға алынып жатыр. Биыл «Жастарды тұрғын үймен қамту» жобасы аясында түрлі көздерден 260 жас үймен қамтылады. Жалпы жастарды баспанамен қамту ісі жанданады. Жыл сайын облыста 4 мыңдай оқушы жоғары немесе арнаулы оқу орнына түсе алмайды екен. Олардың арасында көпбалалы отбасыдан шыққандар көп. Сол жастар үшін біз “Мобильді оқу орталықтары” жобасын қолға алып,  4000 баланы еңбек нарығында сұраныс жоғары мамандықтарға дайындаймыз. Бүгінгі ашылған жастар орталығы жастар үшін қызмет ететіндіктен мұнда бюрократия емес, демократия болсын. Осы орталықта жастар үшін елге танымал азаматтармен «Рухани жаңғыру дәрістері» тақырыбында кездесулер тұрақты өткізілгені жөн. Түркістанда спорт кешендері де, сәулетті ғимараттар да салынады. Бұның бәрі жастар үшін жасалып отырған мүмкіндік», – деді Жансейіт Түймебаев.

Сондай-ақ өңірде 100 гид арнайы оқу курсынан өтіп, жұмысқа орналасады және «Жастардың туристік ассоциациясын» құрылады. Елбасы қолдауымен Түркістанда салынып жатқан ғимараттардың құрылысына өңірдің 3000 жас өрені жұмысқа тартылып, 1300 жас «Жасыл ел» бағдарламасы арқылы жұмыспен қамтылады. Жас кәсіпкерлерге 4 пайызбен 2 млн. теңгеге дейін несие беріледі. “Жастар практикасы” бағдарламасы аясында 5500-ге жуық жасқа қолдау білдіру үшін 2 млрд. теңге бөлінеді.

Жиында ҚР қоғамдық даму вице-министрі Жұлдыз Омарбекова да құттықтау сөз сөйлеп, Түркістан жастарының еңбекқорлығы мен белсенділігін жоғары бағалады.

Форумнан кейін Түркістан облысында жастар жылының ашылуына орай «Махаббат мұнарасы» мюзиклі көпшілік назарына ұсынылды.

 Түркістан облысы әкімінің баспасөз қызметі

 
ТҮРКІСТАНДА TURKESTAN HUB IT ОРТАЛЫҒЫ АШЫЛДЫ Баспаға басу

ImageБүгін Түркістан қаласында Тurkestan hub IT орталығы ашылды. Бұл –  IT саласындағы кәсіпкерлердің, жас мамандардың, инвесторлардың ынтымақтастығы үшін жағдай жасалған ашық алаң. Мұнда қатысушылар тәжірибе алмасып, идеяларды іске асыра алады. Бүгін ашылған «Жастар ресурстық орталығының» ғимаратында орналасқан бұл орталыққа елімізге танымал ІТ саласының өкілдері жоғары баға беріп отыр.

Орталықтың ашылуына Түркістан облысының әкімі Жансейіт Түймебаев пен ҚР Қоғамдық даму вице-министрі Жұлдыз Омарбекова қатысып, жастарға сәттілік тіледі.

Тurkestan hub IT орталығында «ІТ park» жас бағдарламашылар мектебі іске қосылды. Мақсат – түркістандық жастарды осы салаға бейімдеп, олардың цифрлық сауаттылығын арттыру. Мамандар даярлай отырып,   отандық ІТ өнімдері мен жаңа компаниялар ашу. Кез келген жас осында келіп, ІТ саласы бойынша білім алып, білімдерін жетілдіріп, жаңа стартап жобалары мен тың идеяларын ұсына алады. ІТ park мектебінің шәкірті атануға 14 пен 29 жас аралығындағы облыс жастарының мүмкіндігі бар. Сонымен бірге мұнда жастарға модельдеу, бағдарламалау, смартфондарға арналған мобильдік қосымшаларды іске қосу мен сайт ашу және тағы басқа жұмыстар бойынша тәжірибелік сабақтар ұсынылады.  Тек қана оқытып қана қоймай, жоба әзірленіп, коммерциализация жасалынады. Жастардың жобаларына инвесторлар тарту арқылы өз кәсібін ашуға мүмкіндіктер қарастырылған.

Сондай-ақ мұнда Түркістан базасында хаб прототиптеу зертханалары мен отандық IT-компанияларды зерттеуге арналған орталықтарды орналастыру көзделіп отыр. Бұл қатысушыларға прототиптерді әзірлеуге және ғылыми-зерттеу жұмыстарымен айналысуға мүмкіндік береді. Алдағы уақытта бұл орталық елге пайдалы жобалардың ұстаханасына айналады деген сенім бар.

  Түркістан облысы әкімінің баспасөз қызметі

 
Зейнетақы жинақтарының жай-күйі туралы ақпарат беру қызметі көрсетілетін 60 мемлекеттік қызметтің ішінде үздіктердің бірі болып танылды Баспаға басу
Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің тапсырысы бойынша «САНДЖ» зерттеу компаниясының мемлекеттік қызметтерді көрсету сапасына жүргізген қоғамдық мониторинг нәтижесінде «Бірыңғай жинақтаушы зейнетақы қоры салымшысының (алушысының) зейнетақы жинақтарының (инвестициялық кірістерін ескере отырып) жай-күйі туралы ақпарат беру» қызметі үздік бестіктің қатарына енді.   

Мемлекеттік қызметтердің көрсетілу сапасына қатысты қоғамдық мониторинг 2018 жылдың тамыз-қазан айлары аралығында өткізілді. Зерттеу барысында Қазақстанның барлық өңірлерінде 10 000 қызмет алушы арасында сауалнамалық сұрау жүргізілді. Бұл ретте көрсетілетін 60 мемлекеттік қызмет  негізге алынды.

Мониторинг аясында қызмет алушылар арасында сауалнамалық сұрау жүргізіліп, қызмет көрсетуші мен қызмет алушылардан тиянақты сұхбаттар алынды. Сонымен қатар «Құпия сатып алушы» әдісі бойынша бақылау жүргізіліп, бірқатар фокус-топтық талқылаулар ұйымдастырылды.

Зерттеу жүргізудегі мақсат – қызмет алушылардың көрсетілетін қызметтердің сапасына қанағаттанушылық деңгейін бағалау. Бұл ретте ақпараттың қолжетімділігі, қызмет көрсету мерзімінің сақталуы, қызмет көрсету деңгейі (сыпайылық, біліктілік, қызметкерлердің шапшаңдығы), құжаттардың дұрыс рәсімделуі, шарттардың ыңғайлылығы ескерілді. 

Зерттеу қорытындысы бойынша БЖЗҚ салымшысының (алушысының) зейнетақы жинақтарының жай-күйі туралы ақпарат беру қызметіне баға беру барысы ақпараттың сапасы мен қолжетімділігі, жеделдігі мен құзыреттілігі бойынша жоғары нәтижелер көрсетті: сауалнамаға жауап берушілердің 80,4 пайызы қызметтер бойынша ақпараттың ашықтығына және қолжетімділігіне риза. Бұл ретте жауап берушілердің 82,9 пайызының пікірінше ақпараттар ашық және шынайы. Жауап берушілердің 88,3 пайызының қызметтердің көрсетілу мерзіміне және 92,1 пайызының құжаттардың жиналу және әзірлеу мерзіміне көңілдері толады.  

Сауалнамаға қатысушылардың 79,8 пайызы қызмет көрсетушінің мамандарының біліктілігін жоғары бағаласа, 80,7 пайызы үшін қызметкерлердің сыпайылығы, әдептілігі қанағаттанарлық деңгейде болды. Сонымен қатар қызметкерлерінің шапшаңдығын сауалнамаға жауап берушілердің 81,3 пайызы атап өтсе, 80,4  пайызы қызмет көрсетушіге сенеді.    

Көрсетілетін қызметтерді барынша әділ бағалау үшін «Құпия сатып алушы» әдісі де қолданылды.  Ол БЖЗҚ филиалында және Астана қаласында Халыққа қызмет көрсету орталықтарының бірінде жүзеге асырылды. Құпия сатып алушы көрсетілетін қызметтердің сапасын үш өлшем бойынша бағалауы тиіс болды. Олар: 1) ақпаратты сайттан іздеу, 2) ақпаратты стендтен іздеу, 3) байланыс орталығына қоңырау шалу.   

Құпия сатып алушы БЖЗҚ-ның https://www.enpf.kz сайтын жоғары бағалады. Ол сайттың интерфейсін, онда байланыс орталығының телефон нөмірі бар екендігін, бір бөлімнен екінші бөлімге тез ауысуға болатындығын және ақпараттардың орыс және қазақ тілдерінде қолжетімді екендігін атап өтті. Қордың байланыс орталығы жұмысының сапасына да жоғары балл берілді. Өйткені, Қор маманы байланысқа тез шығып, қойылған сұрақтардың барлығына нақты және толыққанды жауап берген.

БЖЗҚ-ның Астана қаласындағы филиалына барған кезде де қызмет көрсетуші қызметкерлердің жұмысына Құпия сатып алушының көңілі толды.  

«Операция бөлімінің қызметкері менің барлық сұрақтарыма жауап берді және тіпті зейнетақы жарналарының түсуіне қатысты ақпаратты поштама жіберуді ұсынды. Ол сонымен қатар БЖЗҚ ұялы қосымшасының бар екендігін айтып, тіркелуге көмектесті. БЖЗҚ ұялы қосымшасы мен БЖЗҚ сайтындағы Жеке кабинет өте ыңғайлы. Зейнетақы жарналарының түсуін үнемі қадағалап отыруға мүмкіндік бар».

Бұл зерттеудің негізгі нәтижелері тұрғындардың «БЖЗҚ» АҚ қызмет көрсету сапасына көңілдері толатындығын көрсетті. Ал бұл Қорды қызмет көрсету сапасын одан әрі жетілдіруге ынталандыра түседі. 

Мониторинг нәтижесі бойынша толық есепті Қазақстан Республикасы Ұлттық Банкінің сайтынан мына сілтеме бойынша:   https://nationalbank.kz/?docid=3525&switch=kazakh көре аласыз.

 БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

 
«Е-нотариат» жүйесі мен БЖЗҚ ақпараттық жүйесінің өзара ықпалдастығы жүзеге асырылды Баспаға басу

«БЖЗҚ» АҚ «Қазақстан Республикасында зейнетақымен қамсыздандыру туралы» ҚР Заңына сәйкес салымшы (алушы) қайтыс болған жағдайда нотариустарға және шетелдік консулдық мекемелерге, олардың өндірісіндегі мұрагерлік істер бойынша жеке зейнетақы шотының және онда қаражаттың бар болуы туралы анықтама береді.    

Бірыңғай жинақтаушы зейнетақы қоры (бұдан әрі – БЖЗҚ, Қор) мен Қазақстан Республикасы нотариустарының өзара іс-қимылын оңтайландыру мақсатында Қазақстан Республикасының Әділет министрлігі, Республикалық нотариаттық палата, «Ұлттық ақпараттық технологиялар» акционерлік қоғамы («ҰАТ» АҚ) және БЖЗҚ арасында «Е-нотариат» Бірыңғай нотариалдық ақпараттық жүйесі мен Бірыңғай жинақтаушы зейнетақы қоры ақпараттық жүйесінің өзара іс-қимылы туралы Шарт жасалды. Бұл шара «Қазақстан Республикасында зейнетақымен қамсыздандыру туралы» Қазақстан Республикасының Заңында реттелген болатын.

Енді аталған Шарт аясында нотариустар өздерінің өндірісіндегі мұрагерлік істер бойынша (мұрагерлер өтініш берген жағдайда) қайтыс болған салымшылардың (алушылардың) Қорда жеке зейнетақы шотының және онда ақшаның болуы туралы БЖЗҚ-ға «Е-нотариат» Бірыңғай нотариалдық ақпараттық жүйесі арқылы онлайн тәртібінде (БЖЗҚ-ға хат жүзінде сауалдар жолдамастан) сауалдар жолдай алады.      

Қор өз кезегінде салымшылар мен алушылар Қазақстан Республикасының нотариустары куәландырған немесе растаған құжаттарды ұсынған жағдайда «Е-нотариат» Бірыңғай нотариалдық ақпараттық жүйесіне сауал жолдап, салымшылар мен алушылардың Қорға ұсынған құжаттарына қатысты жасалған нотариалдық әрекеттер бойынша ресми растау құжатын алады.

Бұл қызмет нотариустарға жүгінген мұрагерлердің уақытын үнемдейді және қағаздық құжатайналымын жояды.          

   

БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

 

«БЖЗҚ» АҚ баспасөз орталығы

БАҚ үшін байланыстар: Бұл e-mail спам-боттардан қорғалған. Оны көру үшін сіздің браузеріңізде Java-script-ті қолдау қосылуы қажет.

 

 
Бейбітшілік – әлем тілегі Баспаға басу

Image15 ақпан – Кеңес әскерлерінің шектеулі контингентінің Ауғанстан аумағынан шығарылғанына 30 жыл толуына орай салтанатты жиын өтті.

            Салтанатты жиында Созақ ауданының әкімі Салыхан Сабырұлы Полатов интернационалист ардагерлерді құттықтап, төстеріне мерейтойлық медаль тақты, мерекелік альбом, әскери форма сынды сыйлықтар табыстады.

Созақ аудандық маслихатының хатшысы Бегімбет Байғараев, аудандық Ардагерлер кеңесінің төрағасы Қабылбек Еспенбетов, аудандық Қорғаныс істері жөніндегі бөлім бастығы Ерлан Манапов, жастар атынан Мәди Маханбетов құттықтады. Ауғанстан соғысының ардагері Мұхамеджан Бабаев өздеріне көрсетіліп отырған құрметке алғыс білдірді.

Салтанатты жиын «Мыңжылқы» мәдениет үйі өнерпаздарының концерттік бағдарламасына ұласты.

Өткен ғасырдың соңында 10 жылға созылған сұрапыл соғысқа ауданымыздан 30 жауынгер қатысқан. Олардың 21-і бүгінде ауданымызда тұрады.

 
«ҰЛЫ ДАЛАНЫҢ ЖЕТІ ҚЫРЫ»: Елбасы мақаласына арналған кездесу болып өтті Баспаға басу
Image«Нұр Отан» партиясы Созақ аудандық филиалы аудандық Орталықтандырылған кітапханалар жүйесімен бірлесе отырып, Елбасы Н.Ә.Назарбаевтың «Ұлы Даланың жеті қыры» мақаласына арналған кездесу өтті. Кездесуге «Нұр Отан» партиясы Созақ аудандық филиалының төрағасы Ролан Әлжанов, Қазақстан Журналистер одағының мүшесі Есенбек Кенжеқараев, ақын Төлеген Кәрібеков, Жарқынбек Бекпенбетов, Орталықтандырылған кітапханалар жүйесінің директоры Сабыр Батыбеков, «Жас Отан» ЖҚ Созақ аудандық бөлімшесінің төрағасы Жеңіс Төлепбергенов, зиялы қауым, ардагерлер, БАҚ, жастар өкілдері қатысты. 
Елбасы мақаласы жайлы дайындалған арнайы бейнебаянды тамашалап болған соң, сөз алған Р.Әлжанов бұл кездесудің Партия Төрағасы, Елбасы мақаласының насихатталуы, ұсыныс пікірлер алаңын ұсыну, нақты шараларға бастамалар көтеріп, шынайы іске асыру мақсатында ұйымдастырылып отырғандығын тілге тиек етті. Мұнан соң, сөз Е.Кенжеқараевқа беріліп, «Рухани жаңғыру» бағдарламасының жалғасы іспеттес дер кезінде қолған алынған бұл мақала аясында атқарылар шаралар кешені бойынша бірқатар ұсыныстарын жеткізді. Атап айтқанда, «Нұр Отан» партиясы ауданымыз көлеміндегі тарихи-мәдени ескерткіштерге экскурсиялар, ауылдық елді мекен тұрғындарына «Үгіт пойыздарын» ұйымдастыру бастамаларын қолға алса деген пікірін білдірді. Ж.Бекпенбетов жалпы осындай шаралардың көптеп өткізу, оларға ата-аналарды көптеп тарту, жастармен жұмысты жандандыру, атшабарда өтетін ұлттық спорт түрлерінен жарыстарға кеңінен бөлу туралы ұсыныстарын айтып өтті. Өз кезегінде ақын Т.Кәрібеков, С.Батырбеков, Ж.Төлепбергенов те бүгінде қазақ баласы мекендеп отырған ұлан ғайыр дала төсінде бүтін адамзат игілігіне айналған құндылықтарымызды бағалауға, қорғауға, насихаттауға байланысты өз ойларын орта салды. Шара «Мыңжылқы» мәдениет сарайы өнерпаздарының ән-жырымен сүйемелденді.

Аудан әкімінің баспасөз қызметі
 
Партия филиалының хххіv конференциясы өтті Баспаға басу

ImageЖұма күні "Шолаққорған" жалпы орта мектебінің мәжіліс залында "Нұр Отан" партиясы Созақ аудандық филиалының кезектен тыс ХХХІV конференциясы болып өтті. Бастауыш партия ұйымдарынан сайланған делегаттар, атқарушы және өкілетті билік өкілдері, құқық қорғау мекемелерінің басшылары, саяси партия, қоғамдық ұйым жетекшілері, БАҚ өкілдері қатысқан конференция жұмысын аудандық филиал төрағасы, аудан әкімі Салыхан Полатов ашып, жүргізді. Конференцияның жұмысшы органдары сайланып болған соң, күн тәртібіндегі бірінші мәселе - "ҚР Президенті, Елбасы Н.Ә.Назарбаевтың «Қазақстандықтардың әл-ауқатынының өсуі: табыс пен тұрмыс сапасын арттыру» атты 2018 жылғы 5 қазандағы Қазақстан халқына Жолдауын іске асыру барысы" туралы аудан әкімдігінің ішкі саясат бөлімінің басшысы Ернар Сағындық, екінші және үшінші мәселелер - «Нұр Отан» партиясының 20 жылдығы». Жасампаздық және әлеуметтік даму кезеңі", "Нұр Отан" партиясының 2030 жылға дейінгі бағдарламасы жобасының негізгі ережелерін талқылау" туралы филиал төрағасының бірінші орынбасары Ролан Әлжанов баяндама жасады. Жарыссөзге шыққан аудандық ардагерлер кеңесінің, Қоғамдық кеңесінің төрағасы Қабылбек Еспенбетов, "Шолаққорған" ЖОМ директорының орынбасары Төлеген Қайдакешов, "Жас Отан" ЖҚ белсендісі, Ы.Алтынсарин атындағы ЖОМ мұғалімі Нұрсұлу Әбдәшім баяндамалар бойынша өз ой-пікірлерін ортаға салды. Түркістан облыстық филиалының кезектен тыс ХХХVІ конференциясына делегаттар сайлау туралы төртінші мәселе бойынша "Қарақұр" бастауыш партия ұйымының төрағасы Қанат Смайл хабарлама жасап, ұсынылған кандидаттар бірауыздан қолдап, дауыс берді, конференция қаулылары қабылданды.

Аудан әкімінің баспасөз қызметі

 
Облыс әкімі Ж.Қ.Түймебаевтың 2018 жылы атқарған жұмыстары туралы есебі Баспаға басу
Image2018 жылдың қорытындысымен облыстың әлеуметтік-экономикалық дамуы келесідей болып қалыптасты.

1. ЖАЛПЫ ӨҢІРЛІК ӨНІМ

Экономиканың басты көрсеткіші болып табылатын жалпы өңірлік өнім көлемі 1 103,9 млрд.теңге* сомасында қалыптасты. 2017 жылдың тиісті кезеңімен салыстырғанда өсім +3,9%-ды құрады (* 2018 ж. қаңтар-қыркүйегі).

2. ӨНЕРКӘСІП

Көптеген кәсіпорындардың өндіріс қарқынының өсуі, жаңа қуаттардың енгізілуі және технологиялық процесті модернизациялау өнеркәсіптік сектордың орнықты дамуына ықпал етті.

2018 жылы өнеркәсіп өнімінің көлемі 453,8 млрд. теңгені құрады. Бұл 2017 жылмен салыстырғанда өнім көлемі                   43,1 млрд. теңгеге көбейген (2017 жылы – 410,7 млрд. тг.).

Өнеркәсіп саласында үлесі 52,7% құрайтын өңдеу өнеркәсібінде тиісінше 236,9 млрд. теңгенің өнімі өндіріліп,  13,7 млрд. теңгеге артты (2017 жылы – 223,2 млрд. тг.).

Жалғасы...
 
Теріскей, түрленіп келеді Баспаға басу

ImageСозақ ауданының әкімі Салыхан Полатов, Шолаққорған ауылындағы мәдениет үйінде, өтен жылы атқарылған жұмыстарды баяндап, алдағы міндеттерді межелеген қорытынды есеп беру жиыны өтті.  Есептік жиынға облыс әкімі аппаратының басшысы Әуелхан Тұрғымбеков, облыстық мәслихаттың депутаты Мағауия Тұрысбеков, аудандық мәслихаттың депутаттары, қоғамдық кеңес мүшелері, аудан тұрығындары, БАҚ өкілдері қатысты.

     Жиында өткен жылы атқарылған жұмыстарды айғақтаған бейне фильм көрсетілді. Ауданға өткен жылыдың қорытындысымен жалпы бюджетке 66 млрд. 433 млн. 745 мың теңге қаржы түсті.  245 млрд. 184 млн.  теңгенің жалпы өңірлік өнімі өндірілді. Оның ішінде өнеркәсіп саласы бойынша 216 млрд 710 млн теңге, ауыл шаруашылық саласының үлесі 12 млрд. 513 млн. теңгені құрап отыр. Аудан экономикасына 2018 жылдың 12 айымен 40 млрд 880 млн  теңге инвестиция тартылды. Бұл өткен жылмен салыстырғанда 104,8% артқан.

       Ауыл шаруашылығының негізгі капиталына тартылған инвестиция ретінде аудан көлеміндегі «Нұрдос», «Бекназар»,, «Таңатар», «Қарақұр» 4 өндірістік кооперативтері, 20 млн 638 мың теңгенің инвестициясын тартты. Сонымен қатар, аудандағы 11 шаруа қожалығы өз жайылымдарынан 120 млн 820 мың теңгеге құдықтар қаздырып, «Жайылымдарды суландыру инфрақұрылымын құру және мал өсіруші шаруашылықтарды сумен қамтамасыз ету» бағдарламасы бойынша жұмыс істеді. Аудан аргроқұрылымдары «Созақ несие» несиелік серіктестігінен» 109,9 млн теңге, «Ырыс» Микрокредиттік ұйымынан 48,5 млн теңге, «Ауыл шаруашылығын қолдау қорынан 155,4 млн теңге, барлығы 313,8 млн теңге көлемінде несие қаржы алды.

     Аудандағы индустриалды аймаққта жалпы құны 1 млрд 197 млн. тг болатын 5 жоба іске қосылып, жұмыс жүргізуде. 2018 жылы индустриалды аймақта 877,5 млн теңгенің өндіріліп, аудандық бюджетке 80 млн. 900 мың.тг қаржы түсті. 95 жаңа жұмыс орны ашылды.

      

Жалғасы...
 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 121 - 135 ішінен 747

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 16 Қыркүйек 19 »
ДсСсСрБсЖмСнЖк
      1
2345678
9101112131415
16171819202122
23242526272829
30           

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы