Галерея

Жаңалықтар
Жаңалықтар
Эстафетасын Созақ ауданы Бәйдібек ауданына табыстады Баспаға басу

ImageБүгіні «Адал жол – честный путь» марафонының эстафетасын Созақ ауданы Бәйдібек ауданына табыстады.  Аталған марафон аясында  "аудан тұрғындарының арасында сыбайлас жемқорлықтың алдын алуға, адал еңбек етуді насихаттауға бағытталған "Адал жол - честный путь" автошеруі өтті.

Созақ ауданы әкімдігінің ұйымдастыруымен өткен "Адал жол - честный путь" сыбайлас жемқорлыққа қарсы марафонына мемлекеттік орган қызметшілерімен қатар, жастар, үкіметтік емес мен қоғамдық ұйымдар өкілдері де белсенді қатысты. Шолаққорғандағы орталық алаңда басталған автошеру, халық көп шоғырланған Жібек жолы, С. Қожанов көшесінің бойымен жүріп өтті. 

Сондай-ақ, Аудандық мәдениет үйінде ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облыстық департаментінің «Адал жол» кітабын «Эстафета» қағидасы бойынша Бәйдібек ауданына тапсыру рәсімі өтті.

Жиынның ашылу салтанатына ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облыстық департаментінің басшысы Ғалым Сұлтанұлы Тұрсынбаев сөз сөйлеп, жиналған көпшілікті жыл басынан өтіп келе жатқан шараның маңыздылығына тоқталып, аудандағы бірқатар азаматтарды агенттіктің алғыс хатымен марапаттады. Сондай-ақ, аудандық мәслихаттың хатшысы Бегімбет Байғараев, ұзақ жылдар мемлекеттік қызметте істеген, зейнеткер Әбубәкір Сахиұлы сөз сөйледі.

Аудан әкімі Салыхан Полатов  құттықтау сөз сөйлеп, «Адал жол – честный путь» марафонының эстафетасын Бәйдібек аудан әкімінің орынбасары Бағдатбек Жанғазиевке салтанатты түрде табыстады.

Бүгінгі өткен іс шара аясында "Мемлекеттік қызмет көрсету жәрмеңкесі" өтті. Бұл жәрмеңкенің мақсаты кез-келген қызметті электронды түрде алуды халыққа барынша түсіндіру аясында ұйымдастырылды.

Сондай-ақ, осы шара аясында аудан әкімдігінің үлкен мәжіліс залында жиын өтті. Жиынды аудан әкімі Салыхан Полатов жүргізіп отырды. ҚР Мемлекеттік қызмет істері және Сыбайлас жемқорлыққа қарсы іс-қимыл агенттігі Түркістан облыстық департаментінің басшысы Ғалым Сұлтанұлы Тұрсынбаев хабарлама жасады. Сыбайлас жемқорлықтың салдары, оның алдын алу бойынша іс шара видеороликтер көрсетілді. Жиынға жергілікті атқарушы органдардың қызметкерлері, мекеме бөлім басшалары қатысты.

ҚР Мемлекеттік қызмет істері және Сыбайлас жемқорлыққа қарсы іс-қимыл агенттігі Түркістан облыстық департаментінің басшысы Ғалым Сұлтанұлы Тұрсынбаев "Нұр Отан" партиясы Созақ аудандық филиалында азаматтарды жеке мәселелері бойынша қабылдау өткізді. Қабылдауға бірқатар мемлекеттік қызметшілер облыс орталығының Түркістан қаласына ауысуына байланысты қызметке барған кезде мемлекеттік қызметшілерді тұрғын үймен қамтамасыз етудің кейбір мәселелері туралы, қызмет ауыстыру барысында жалпы және ішкі конкурстарды өткізудің тәртіптері туралы, мемлекеттік қызметшінің еңбегіне ақы төлеуге қатысты факторлық баллдық жүйесі жайында, сондай-ақ, ҚР Президенті жанындағы мемлекеттік басқару академиясында біліктілікті арттыруға қатысты сұрақтар қойып, тиісті жауаптарын алды.

Жалпы, Созақ ауданында жалпы марафон аясында 2 апта аралығында бірқатар іс-шаралар, атап айтқанда, семинарлар, пікірталас алаңдары, дөңгелек үстелдер, кездесулер, конференциялар және өзге де спорттық, мәдени іс-шаралар ұйымдастырылды.

            Марафонды өткізудегі басты мақсат - мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлықтың кез келген көрінісіне «мүлдем төзбеушілік» ахуалын жасау арқылы сыбайлас жемқорлыққа қарсы қозғалысқа бүкіл қоғамды тарту және сыбайлас жемқорлық деңгейін төмендету болып табылады.

            Айта кетейік,  «Адал жол – честный путь» сыбайлас жемқорлыққа қарсы марафоны өңірімізде алғаш рет өткізілуде. Марафонға облыстың 15 аудан, қалалардағы жергілікті атқарушы органдардың қолдауымен барлық мақсатты топтардың атсалысуымен түрлі форматтағы іс-шаралар өтіп жатыр.

 «Адал жол – честный путь» марафонының эстафетасы Бәйдібек ауданында  жалғасын табады.

 

Аудан әкімінің баспасөз қызметі.

 

 
«Адал жол» марафоны аясында дөңгелек үстел өткізілді Баспаға басу

ImageЕлімізде «Адал жол» жобасы бойынша сыбайлас жемқорлыққа қарсы түрлі іс – шаралар күн сайын өріс алып, аясын кеңейтуде. Облысымызда сыбайлас жемқорлыққа қарсы марафон барлық аудан, қалаларды қамти отырып өткізілуде. Марафонда мемлекеттік орган қызметшілерімен қатар, жастар, үкіметтік емес ұйымдар мен қоғамдық ұйымдар өкілдері белсенділік танытуда.

            Бүгінге дейін марафонды Шардара, Мақтарал, Сарыағаш, Қазығұрт, Сайрам, Түлкібас, Төлеби , Ордабасы, Отырар аудандары ,Кентау қаласы өткізіп, Созақ ауданы Кентау қаласынан эстафетаны қабылдап алды.Марафонды өткізудегі басты мақсат - мемлекеттің сыбайлас жемқорлыққа қарсы саясатының тиімділігін арттыру, жемқорлықтың кез келген көрінісіне «мүлдем төзбеушілік» ахуалын жасау, сонымен қатар, қоғамды салауатты өмір салтын ұстануға үндеп, жемқорлық деңгейін төмендету болып табылады. Ауданымызда қыркүйек айының 17 – сінен бастап басталған марафон аясында көрмелер, тәрбие сағаттары, сурет байқаулары, дәрістер, флешмобтар жүргізілуде. Соның бірі бүгін – " Мыңжылқы" сарайында өткен " Сыбайлас жемқорлыққа жол жоқ" атты дөңгелек үстелі. Дөңгелек үстелге ауыл әкімдері,мекемелер қызметкерлері, заң қызметкерлері, ауыл жастары қатысты. Аудан әкімі аппараты заң бөлімінің басшысы Т.Жұмабаев, " НұрОтан" партиясы аудандық филиалының төрағасының орынбасары Р.Әлжанов, Сызған ауылының әкімі С.Маманов, " Тілдерді дамыту орталығының" директоры Г.Биғондиева тақырып бойынша ой - пікірлерімен бөлісті. Қатысушылар назарына бейнебаян, кітап көрмелері ұсынылды.

Аудан әкімінің баспасөз қызметі.

 
Созақта кітапханашылар байқауы өтті Баспаға басу

ImageСозақ ауданның  90 жылдығы және кітапхананың 75 жылдығына орай, ауданының орталық кітапханасымен "Отырар кітапханасы" ұйымдастыруымен "Шын жүректен! Кітапхана мерейіне әріптес ілтипаты" атты облыстық кітапханашылар байқауы өтті. Облыстық барлық қала, аудандарынан 14 кітапханашы қатысты.
Әділ қазылардың шешімі бойынша Бас жүлдеге Кентау қаласы, І орынға Қазығұрт ауданы, ІІ орынға Отырар ауданы, ІІІ орынға Түркістан қаласы мен Бәйдібек ауданы иеленіп, арнайы сыйлықтар мен Алғыс хаттармен марапатталды. Сондай-ақ, байқауға қатысушы барлық кітапханашылар ынталандыру сыйлықтарына ие болды. 

            Жалпы, айта кету Созақ ауданының орталық кітапханасында кітап қоры 400 мың данаға жуықтайды. Мұнда қонақта болған, жазушы Шерхан Мұртаза, Сауытбек Әбдірахманов кітапхана туралы жақсы пікір айтқан болатын.

Аудан әкімінің баспасөз қызметі.

 
Дария баққа жинаңыз Баспаға басу

        Қазақстанның жинақтаушы зейнетақы жүйесіне – 20 жыл. Осы кезең аралығында еліміз маңызды әлеуметтік-демографиялық, экономикалық өзгерістерді бастан кешіріп, талай жаңа белестерді бағындырды. Қазақстанның зейнетақы жүйесі де жаңа сапалық деңгейге көтеріліп, уақыт талабына сай жаңарды.  Еліміздің зейнетақы жүйесінің өткені, бүгіні мен болашағына бағдар жасау үшін біз  Түркістан облыстық филиалының директоры Байдуанов Самат Стаханұлын әңгімеге тарттық.

        Кеңестік дәуірден қалған зейнетақы жүйесін жаңарту қажеттігі тәуелсіздіктің алғашқы жылдары туындады. Кеңес Одағы құлағаннан кейін ортақ зейнетақы жүйесі жаңа заман талабына сай келмейтіні түсінікті болды. Сондықтан Қазақстан өзіне қолайлы жүйе қалыптастыру үшін әлемдік тәжірибені зерттей бастады. Ең оңтайлы жүйе ретінде 80-жылдары әлем бойынша үздік деп танылған Чилидің үлгісі таңдалып алынды. Әлемдік банктің кеңесімен осы үлгі бойынша Латын Америкасы, Шығыс Еуропа, ТМД-ның бірқатар елдерінің зейнетақы жүйесі реформаланды. Қазақстан осы жүйенің басты қағидатын негізге алды. Бұл жүйе бойынша  салымшылар табысының белгілі бір пайызын  жинақтаушы зейнетақы қорында ашылған жеке зейнетақы шоттарына жинауға міндеттеліп, бұл жарна инвестициялық табыспен капитализацияланады. Қызу пікірталастардан кейін 1997 жылдың 20 маусымында «Қазақстан Республикасындағы  зейнетақымен қамсыздандыру туралы» Заң қабылданды.

        Осылайша Қазақстан посткеңестік кеңістікте алғашқы болып жинақтаушы жүйеге негізделген аралас зейнетақы жүйесіне көшті. 1997 жылдың қыркүйегінде ҚР Үкіметінің Қаулысымен Мемлекеттік жинақтаушы зейнетақы қоры құрылды (МЖЗҚ). 1998 жылдың басынан бастап қазақстандықтар табысының 10 пайызын міндетті зейнетақы жарнасы ретінде жеке зейнетақы шоттарына аудара бастады. Осы жылдан бастап жеке зейнетақы қорлары да ашыла бастады. Әрбір азаматқа өзіне қолайлы зейнетақы қорын таңдау құқы берілді. Егер ол өз таңдауын жасай алмаса, жарнасы автоматты түрде мемлекеттік қорға аударылды.

         2013 жылы МЗЖҚ-ның базасында Бірыңғай жинақтаушы зейнетақы қоры (БЖЗҚ) құрылды. БЖЗҚ-ға жеке қорлардың активтері берілгеннен кейін әкімшілік және операциялық  шығындар азайып,  жеке қорлардың комиссияларымен салыстырғанда БЖЗҚ-ның комиссиялық сыйақылары азайды. Ең бастысы – мүдделес компаниялармен шығынды келісім-шарттар жасалуына тосқауыл қойылды. Салымшылардың бір қордан екінші қорға бей-берекет ауысуы да тоқтады. Мұның бәрі жүйенің тиімділігіне игі әсер еткені күмәнсіз. Дегенмен, БЖЗҚ құрылғаннан кейін де Қазақстанда ортақ бөліктен, міндетті жинақтаушы бөліктен және ерікті жинақтаулардан тұратын көп деңгейлі зейнетақы жүйесі сақталып қалды.  Жиынтық зейнетақы да екі төлем көзінен тұрады: мемлекеттік бюджеттен төленетін базалық және ортақ зейнетақы және БЖЗҚ-дағы жинақтардан құралатын зейнетақы.

         Уақыт талабына сай болу үшін зейнетақы жүйесі әрдайым жаңарып отырады. Қазақстанның зейнетақы жүйесінде  алдағы онжылдықтарда қалыптасуы ықтимал түрлі сценарийлерді болжау үшін БЖЗҚ-да актуарлық зерттеулер жүргізіледі.  Қор мамандары зейнетақы жинақтау жүйесінің қандай да бір бөлігі жақсы дамыған елдердің тәжірибесін зерттеумен де айналысады. Мысалы, шартты-жинақтаушы компонент Швецияда жақсы дамыған. Сонымен бірге, ерікті зейнетақы бөлігін дамытуға Германия мен Малайзияда үлкен мән беріледі. Сингапур жинақтарды баламалы мақсаттарға пайдалану тәжірибесімен, ал Гонконгтың тәжірибесі зейнетақы активтерін басқарудың инвестициялық стратегиясымен тартымды. Алайда енгізілгелі отырған өзгерістермен бірге Қазақстан зейнетақымен қамсыздандырудың диверсификациялық қағидатын сақтап қалады. Себебі бұл компоненттің артықшылығын екінші компоненттің кемшіліктерінің орнын толтыру үшін пайдалануға болады. 2040-жылдары 1998 жылға дейін еңбек өтілі жоқ азаматтар зейнетке шыға бастағанша ортақ компонент біртіндеп шартты-жинақтаушы компонентке ауыса бастайды. Сонымен қатар Ұлттық банкте зейнетақы активтерін басқару бойынша бірқатар міндеттерді бәсекелестік ортаға – қазақстандық және шетелдік компанияларға беруге байланысты ұсыныстар дайындалды. Салымшыларға инвестициялық стратегия мен жеке басқарушы компанияны таңдау құқы беріледі деп жоспарлануда.  Бірақ БЖЗҚ ҚР жинақтаушы зейнетақы жүйесінің барлық қаржылық және ақпараттық ағымдарының бірыңғай операторы және әкімгері болып қала береді. 

          Құрылымдық өзгерістермен қатар сапалық өзгерістер де болады. Ақпараттық технологиялардың қарқынды дамуына орай, БЖЗҚ интернеттің мүмкіндіктерін пайдалана отырып,  қор қызметтерін барынша қолжетімді ету бағытында үлкен жұмыстар атқарып жатыр. Қазірдің өзінде Қордың барлық қызметтері дерлік электрондық нұсқада қолжетімді. Осының арқасында біздің салымшылармен ара-қатынасымыз түбегейлі өзгеріп,  оларға барынша жедел қызмет көрсетуге мүмкіндік алдық.  

 

  

 
Созақ ауданында сенбілік өтті Баспаға басу

ImageҚазан айының екінші онүкіндігінде Созақ ауданының құрылғанына 90 жылдық торқалы тойын атап өтеді. Аталған мерекелік күнді атап өту үшін аудан халқы тынбай жұмылып, ұйымдастыру ісіне бел шеше кірісіп кетті. Қонақтарды қарсы алуға әзірленіп, дайындық жұмыстарын пысықтап жатыр. Апта соңында аудан бойынша сенбілік өтіп, оған барлық мекемелермен тұрғындар қатысты. Мәселен,  «Тәуелсіздік» саябағын көркейту көгалдандыру жұмыстары жүргізілді. Тал көшеттері отырғызылып, гүлдер егілді. Бүгінде Шолаққорған ауылы әкімдігі мен «Қазсушар» Түркістан облысы Созақ ауданы филиалының қызметкерлері, мектеп, балабақша жұмысшылары саябақты әрлеу, көркейту жұмыстарымен айналысуда. Барлық саябақтар, мекеме ғимаратының шарбақтары сырланып, аулалар тазаланып, тазалық жұмыстары жүргізілді.

 
            Шолаққорған ауылының әкімі Әділ Елібаев; «Бүгінде аудан орталығын 90 жылдық мерекеге дайындық істеріне кірісіп кеттік. Барлық мекемелер той қамымен жүр. Мерекеге дайындықты тазалықтан бастадық. Жол бойына талдар егіліп, саябақтарды әрлеу жұмыстарын жүргізіп жатырмыз. Ауданның торқалы тойына дейін көркейту көгалдандыру жұмыстарын аяқтап, мерекелік күнге дейін дайын боламыз»,- дейді.

Аудан әкімінің баспасөз қызметі.

 
Экспедиция мүшелері киелі жерлерді аралады Баспаға басу

Image«Елбасымыз Нұрсұлтан Әбішұлы Назарбаевтың «Болашаққа бағдар: рухани жаңғыру» бағдарламалық мақаласының жарияланғанына бір жылдан астам уақыт өтті. Түркістан облысында «Рухани жаңғыру» бағдарламасының барлық басым бағыттары бойынша нақтылы жұмыстар атқарылды. Облыс әкімі Жансейіт Түймебаевтың тікелей тапсырмасымен ел руханиятына серпін беретін жобалар қолға алынды. Осы жоба аясында Түркістан облысы ішкі саясат басқармасы ұйымдастыруымен "Таңбалы тастар - бабалар iзiмен" автоэкспедициясы ұйымдастырылды. Құрамында облысқа танымал, журналисттер, қоғам бәлсенділері, блогерлер бар экспедиция мүшелері, Созақ ауданында болып Ысқақ баб кесенесі – Арпаөзен бойындағы петроглифтері - Созақ көне қаласы - Қарабура кесенесінде болды. Олардың тарихымен танысып, бабалар ізі қалған киелі жерлердің рухын сезінді.

Өлкетанушы, блогер Ғани Назарбек; «Екі күнде Шымкент - Боралдай петроглифтері -Ақмешіт үңгірі - Ысхақ баб кесенесі - Арпаөзен петроглифтері - Созақ көне қаласы - Қарабура кесенесі - Кентау қалалық өлкетану музейі - Түркістан қаласы маршрутын қамтыдық. Алған әсер күшті. Ұйымдастырушы облыстық ішкі саясат басқармасына,  Бәйдібек, Созақ, Кентау әкімдіктерінің қызметкерлеріне айтар алғысымыз шексіз. Осындай шаралар болашақта жалғасын табады деп сенеміз. Біздің мақсат Түркістан облысындағы туризимді дамытыуға атсалысу, туған жердің киелі, тарихи жерлерін насихаттау. Алдағы уақытта осы бағытта бірнеше жобаларды іске асырамыз»,- дейді.

Аудан әкімінің баспасөз қызметі.

 
Әдеп жөнінде уәкіл семинар өткізді Баспаға басу

ImageТүркістан облысы жергілікті атқарушы органдардағы облыс әкімі аппаратының Әдеп жөніндегі уәкілі Ә.Әлішев ауылдық округтер мен кенттеріндегі жүргізілген моральдық-психологиялық ахуалдың жай-күйін анықтайтын анономді сауалнама қорытындысын зерделеу мақсатында Созақ ауданының Шу, Тасты ауыл округтерінде болып семинар өткізді. Семинарлар барысында Әдеп жөніндегі уәкіл Ә.Әлішев мемлекеттік қызметшілердің қызметтік әдеп нормаларын сақталуын және мемлекеттік қызмет, сыбайлас жемқорлыққа қарсы іс-қимыл туралы заңнамаларды түсіндірді, қызметтік әдеп нормаларын сақталуын, сондай-ақ ұжымдағы моральдық-психологиялық ахуалдық жай-күйін мониторингтеу мақсатында өткізілген анонимді сауалнаманы зерделеді. Сондай-ақ, аудан әкімдігінің кіші мәжіліс залында дербес бөлім басшылары, ауылдық округтер мен кенттері әкімдері, БАҚ өкілдері, мекеме басшыларының қатысуымен семинар кездесу өткізді. Семинар барысында мемлекеттік қызметшілерді өзінің іс- әрекетімен, мінез-құлқымен қоғам тарапынан айтылатын сынға себепкер болмауға  шақырды. Мемлекет меншігіндегі автокөлік құралдарын тек қызметтік мақсатта ғана пайдалану тиіс екенін таныстырды.  Күн тәртібіндегі мәселе бойынша мемлекеттік қызметшілердің  және мекемедегі келісім-шарт негізінде жұмыс істейтін техникалық қызметкерлердің телефонмен сөйлесу әдебін және ұсынылған киім кию үлгісін сақтау қажеттігін, сонымен бірге жұмыс уақытын ұтымды, тиімді пайдалануды тапсырды.

Сондай-ақ, мемлекеттік қызметшілер мен басқа азаматтарды жеке қабылдап, қойылған сауалдарға жауап беріп, ұсыныс пікірлерді тыңдады.

Аудан әкімінің баспасөз қызметі

 
Мақсат Жанділдаев – Дүниежүзілік көшпенділер ойынынының жүлдегері Баспаға басу

ImageҚыркүйек айының 2-8 арасында  Қырғызстанның Шолпан ата курорттық аймағында III Дүниежүзілік көшпенділер ойыны өтті. 

            Байрақты бәсекеде ел намысын Созақтың тумасы, аудандық балалармен жасөспірімдер спорт мектебінің түлегі Мақсат Жанділдаев қатысып, күрестің екі бірдей түрінен тұғырдың биік сатысынан көрінді. Олар: тәжіктің ұлттық спорты – белбеу күресінен (Гуштини милли камарбанди) және  татар ұлтының- белбеу күресінен үшінші орын алды. Тағы бір жерлесіміз Айдос Құлманбетов қырғыз ұлттық спорты – алыш күресінен үшінші орын иеленді.

            Ұлттық құрама қоржынына медаль салған Мақса Жанділдаевты құттықтап, жарыс туралы сұрадық. «Қырғыз елі көшпенділер ойынын өте жоғары деңдейде ұйымдасырыпты.  Ойынның алғашқы күні өткен тәжіктің гуштини милли камарбанди күресінде бірінші тәжік палуанымен шықтым. Оны 6-0 есебімен ұттым. Сосын Ирандық балуанды жеңдім. Үшінші өзбек балуанының жаурынын жерге тигіздім. Тек түркімен балуанына ұпай санымен есем кетті», - дейді.

            - Бір жарыста екі бірдей күрестің түрінен белдескен қиын шығар деген сауалымызға. «Әрине, қиын. Себебі, екі түрлі күрес. Оның үстіне, физикалық, психологиялық тұрғыдан  шаршайсың. Белбеу күресінде де үш кездесуімді жеңіп, бұйырған қола жүлдені ұтып алдым. Күрестің екі түрінде де 91+ келіде күрестім»- дейді Мақсат Жанділдаев. 

            Айта кету керек, көшпенділер ойындары биылғы сайысқа 80 елден 3000-нан астам спортшылар 174 алтын, 173 күміс, 247 қола медальді сынға салды. Үшінші рет өтіп отырған Дүниежүзілік көшпенділер ойындарында спортшылар Қырғызстанның курортты қаласы Шолпан атадағы спорт кешендерінде сынға түсті. Жалпы, Дүниежүзілік көшпенділер ойындары – Қырғызстан тарапының бастамасымен жүзеге асты. Көшпенділер ойындарын өткізу шешімдері 2012 жылы Түрік мемлекеті елдерінің кеңесінде қабылданған. Содан бері екі жылда бір рет өткізіліп тұрады.  Биылғы көшпенділер ойынының ашылуына Қазақстан президенті Нұрсұлтан Назарбаев, Түркия басшысы Режеп Ердоған, Татарстан президенті Рустам Минниханов және де Әзербайжан, Ресей, Тәжікстан сынды бірқатар елден құрметті меймандар қатысты.  

            Бір аптаға созылған көшпенділердің байрақты бәсекесінде ел құрамасы 72 медальмен екінші орынға жайғасты. Біздің қоржында 18 алтын, 24 күміс, 30 қола медаль бар.


Аудан әкімінің баспасөз қызметі.
 
Тауар нарықтарында алыпсатарлық бағаның өсуіне жол бермеу туралы Баспаға басу

Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің (бұдан әрі - Комитет) Оңтсүітк Қазақстан облысы бойынша департаменті (бұдан әрі - Департамент) Комитеттің 2018 жылғы 7 қыркүйектегі № 35-11-17 / 1387 тапсырмасына сәйкес, қазіргі таңда доллар бағамының көтерілуіне байланысты орын алған жағдайға қатысты келесіні хабарлайды.

            Қазіргі жағдайда жекелеген нарық субъектілері түрлі тауарлардың, соның ішінде отандық өнімдердің сату бағасын жасанды түрде көтеруіне (қымбаттатуына) бағытталған түрлі алып-сатарлық әрекеттері орын алуы мүмкін.

            Осыған байланысты, сондай орын алған әрекеттер, сондай-ақ, тауарларды өндіру мен өткізуді негізсіз шектеуге бағытталған әрекеттері Қазақстан Республикасы Кәсіпкерлік кодексімен (бұдан әрі - Кодекс) тыйым салынған  бағаны белгілеу және ұстап тұруға бағытталған бәсекелестікке қарсы келісілген іс-әрекеттер мен бәсекелестікке қарсы келісімдер, үстем жағдайды теріс пайдалану белгілері Департаментпен қарастырылуы мүмкін.

            Сонымен қатар, осындай әрекеттерді жасау үшін Қазақстан Республикасы Әкімшілік құқық бұзушылық туралы кодексінің 159-бабына сәйкес, барлық монополиялық кірістерді (негізсіз алынған табыс) тәркілей отырып, кірістердің (түсімдердің) 3% -дан 5%-ға дейінгі мөлшерде әкімшілік жауапкершілікке тарту қарастырылған.

            Кодекстің 90-2-бабында монополияға қарсы органның міндеттерінің бірі монополияға қарсы заңнаманы бұзудың алдын алу болып табылады.

            Осыған байланысты, Департаментпен аталған фактілер бойынша монополияға қарсы заңнаманы бұзушылықтарды тергеуді болдырмау және тиісті шаралар қабылдау үшін,  Қазақстан Республикасының қолданыстағы қатаң заңнамасына сәйкес қызмет көрсету қажеттілігін ескертеміз. Сонымен қатар, басқа нарық субъектілердің, сондай-ақ тауар бағасының өсуіне әсер ететін жеткізушілер тарапынан бағаның өсуі орын алған жағдайда, Сіздерге сол субъектінің атауын, мекен-жайын, телефон нөмірлерін, жеткізу бағаларын және Сіздің сату бағаңызды көрсете отырып, тиісті ақпараттарды (негізді материалдарды,  шот-фактуралардың көшірмелері, және т.б.) жолдау қажет екендігін хабарлаймыз.

            Ақпараттарды мына мекен-жай бойынша: Шымкент қ., Тәуке хан даңғылы 82, 2-қабат, 211 кабинет, тел: 8 (7252) 53-42-75 (тауар нарықтарында монополияға қарсы заңнаманы бұзушылықтарды тергеу бөлімі) жолдауыңызды сұраймыз

 
Қазақстанның жинақтаушы зейнетақы жүйесі: уақыт биігінен Баспаға басу

Биыл Қазақстанның жинақтаушы зейнетақы жүйесіне 20 жыл толып отыр. 20 қыркүйек күні Қордың барлық филиалдарында осы айтулы датаға арналған халықпен дәстүрлі кездесу  - Ашық есік күні өтеді. Еліміздің зейнетақы жүйесінің жұмысы туралы кеңірек білу үшін біз «БЖЗҚ» АҚ-ның Түркістан облыстық филиалының директоры  Байдуанов Самат Стаханұлын әңгімеге тарттық.

            Самат Стаханұлы, жинақтаушы зейнетақы жүйесінің ерекшелігі неде және бұл жүйеге көшуіміздің себебі қандай?   

Кеңес Одағының кезінде ортақ зейнетақы жүйесі жұмыс істеді. Оның мәнісі – экономикалық белсенді тұрғындардың қарттардың алдындағы жауапкершілігіне құрылған.  Кеңес Одағы ыдырағаннан кейін бұл зейнетақы жүйесін бұрынғы кеңестік жүйеге кірген барлық мемлекеттер, соның ішінде Қазақстан да мұраға алды. Бірақ оның бірнеше кемшіліктері болды. Біріншіден, тәуелсіз Қазақстанда туу көрсеткіші азайып, қарттардың саны өсті. Бұл өз кезегінде зейнеткерлер мен жұмыс істейтіндердің пропорционалды ара қатынасын бұзды. Екіншіден, елде жұмыссыздық көбейді. Үшіншіден, жұмыс істейтіндердің табысы мен зейнетақы көлемі арасындағы байланыс әлсіреп кетті. Яғни, табысы бірдей немесе әртүрлі азаматтардың  бірдей зейнетақы алуы мүмкін еді. Әрі азаматтардың жеке зейнетақы шоты жоқ болғандықтан, олардың зейнетақы жинақтарын нақты есептеу мүмкін болмады. Бұл азаматтардың өздерінің болашағына керекті зейнетақы жинауға ынталандырмайтын. Сондықтан, 1998 жылы зейнетақы реформасының басты мақсаты – азаматтардың болашақ зейнетақысына қатысты жауапкершілігіне негізделген әділетті зейнетақы жүйесін қалыптастыру болатын. Жаңа жүйеге негіз ретінде 80-жылдары  әлем бойынша озық болып танылған Чили үлгісі алынды. Қазақстан оның басты қағидаты  - зейнетақы жарналарының міндетті сипатын қабылдады.

          

Жалғасы...
 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 121 - 135 ішінен 697

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 20 Маусым 19 »
ДсСсСрБсЖмСнЖк
     12
3456789
10111213141516
17181920212223
24252627282930
             

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы