Галерея

Жаңалықтар
Жаңалықтар
Мен ұзақ уақыт бойы базарда бейресми жұмыс істедім және жалақымды «қолма-қол» алып отырдым. Әрине, менде зейнетақы шарты да, шотым да болған жоқ. Ал қазір мен бір компанияға жұмысқа тұрдым, бірақ маған БЖЗҚ-да шарт жасау қажеттілігі жоқ деген хабарлама бе Баспаға басу

Міне, Бірыңғай жинақтаушы зейнетақы қорында зейнетақы шотын ашу рәсімі жеңілдетілгеніне де бір жылдай уақыт болып қалды. 2019 жылғы 8 қаңтардан бастап Қазақстан Республикасының зейнетақымен қамсыздандыру туралы Заңына енгізілген өзгерістерге сәйкес міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға БЖЗҚ қызмет көрсету кеңселеріне жүгіну қажет емес. Шот алғашқы жарна түскен кезде автоматты түрде ашылады. Бұл ретте жеке тұлғаны сәйкестендіру МЗЖ аудару кезінде жасалған электрондық форматтағы төлем тапсырмасында көрсетілген жеке деректері (аты-жөні, ЖСН, туған күні) бойынша жүзеге асырылады, ал жеке тұлғаның жеке басын куәландыратын қолданыстағы құжат деректемелері, тұрғылықты тұратын жері туралы барлық қажетті мәліметтерді БЖЗҚ мемлекеттік органдардың ақпараттық жүйелерінен алады. Осылайша тек өткен жыл үшін 2019 жылы автоматтандырылған үрдіс көмегімен МЗЖ бойынша 400 мыңға жуық шот ашылды. 

 

 
Шетелге тұрақты тұруға кетуге байланысты зейнетақы жинақтарын қалай алуға болады? Баспаға басу

Қазақстаннан басқа елдерге тұрақты тұруға кеткен бұрынғы отандастарымыздың көпшілігін Бірыңғай жинақтаушы зейнетақы қорынан зейнетақы жинақтарын қалай алуға болатындығы мазалайтыны белгілі.  

Айта кету керек, жеке зейнетақы шотында (ЖЗШ) есепке алынатын жинақ ақша салымшының меншігі болып табылады және салымшы келіп алғанша, тіпті ол шетелге көшіп кетсе де Қорда мерзімсіз сақтала береді.  

«Қазақстан Республикасында зейнетақымен қамсыздандыру туралы» Қазақстан Республикасы Заңына сәйкес ел аумағынан тыс жерлерге тұрақты тұруға кеткен, кету дерегін растайтын құжаттар ұсынған шетелдiктер мен азаматтығы жоқ адамдардың БЖЗҚ-дан мiндеттi зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебiнен қалыптасқан жинақтарын толық көлемде алуға құқығы бар.

Сонымен Қазақстан Республикасының аумағынан тыс жерлерге тұрақты тұруға кеткен шетелдіктер мен азаматтық жоқ адамдар Қорға өздері келіп өтініш бергенде мына төмендегі құжаттарды ұсынады:  

Жалғасы...
 
Қордың ең танымал сервистерінің бірі әрбір салымшыға болашақ зейнетақысын онлайн тәртібінде есептеуге мүмкіндік береді Баспаға басу

Болжамды зейнетақы калькуляторы арқылы болашақ зейнетақы төлемдері бойынша әр түрлі актуарлық есептеулер жүргізуге болады. Бұл ретте ол мемлекеттік базалық зейнетақы, жасына байланысты (ортақ) зейнетақы және БЖЗҚ төлемдері бойынша автоматты түрде болжам жасайды. Одан басқа міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) немесе ерікті зейнетақы жарналары (ЕЗЖ) есебінен ашылған зейнетақы шоттары бар болса, калькулятор болашақ төлемдердің болжамды сомасын лезде шығарып береді.  

Салымшылар зейнетақы калькуляторын айына орта есеппен 84 мың рет, ал күніне шамамен 2800 рет пайдаланады. Бұл аталмыш калькулятордың салымшылар арасында танымал болып жатқандығының айқын дәлелі.

Болашақ зейнетақыны есептеу үшін зейнетақы калькуляторындағы – туған күні, жынысы, еңбек өтілі, жинақтаушы зейнетақы жүйесіне қатысу өтілі, зейнетақы жинақтарының сомасы және соңғы уақытта алып жүрген жалақысының көлеміне қатысты барлық бағандарды толтыру қажет. Егер Сіз Қордың enpf.kz сайтының жеке кабинетінде тіркелген болсаңыз, жинақтардың сомасы автоматты түрде көрсетіледі.

Осылайша есептеу нәтижесі пессимистік, реалистік және оптимистік деп аталатын үш сценарий бойынша көрсетіледі. Барлық үш нұсқа табыстылықтың инфляциядан жоғары болжамды деңгейін ескереді. Болжамды нәтижелер (болжамды кезеңге тиесілі инфляция деңгейін алып тастағанда) нақты құндық шама ретінде көрсетіледі.

Жалғасы...
 
БЖЗҚ электронды үлгідегі қызметтерінің үлесі 80 пайызға жетті Баспаға басу

Бірыңғай жинақтаушы зейнетақы қоры электронды үлгіде көрсететін қызметтерді белсенді түрде енгізуде. Өткен жылы бұл бағытта жақсы көрсеткіштерге қол жеткізілді. Мысалы, салымшылар мен алушыларға көрсетілетін қызметтердің 80 пайыздан астамы, яғни 13,6 миллионнан астам қызмет цифрлық технологиялардың көмегімен орындалды. Бұл 2018 жылғы көрсеткішпен салыстырғанда 36 пайызға жоғары. Электрондық қызметтердің бірқатары жаңартылып, жетілдірілді. Солардың бірі – Қордың мобильді қосымшасы.  

Қордың қазақ және орыс тілінде жұмыс істейтін мобильді қосымшасы арқылы жеке зейнетақы шотынан үзінді көшірме алуға, сондай-ақ зейнетақы активтері бойынша ағымдағы көрсеткіштерді, шарттардың деректемелерін, жаңалықтарды, Қор филиалдарының байланыс нөмірлері мен мекенжайларын көруге болады. Енді осы қызметтердің қатары жаңа мүмкіндіктермен толықты. Олар: болжамды зейнетақы калькуляторы, онлайн-бот және халықтың әлеуметтік тұрғыдан осал топтарына өтініш жасауға мүмкіндік беретін қызметтер. Бұл ретте зейнетақы калькуляторы арқылы болашақ зейнетақыны есептеуге мүмкіндік берілсе, онлайн-бот арқылы жиі қойылатын сұрақтарға жауап алуға болады. Бұдан басқа Push-хабарлама қызметі енгізілді. Оны пайдалану үшін ұялы қосымшаны ашып, «Баптау» бөліміне кірген соң, (push-хабарламаны қосу/өшіру) осы қызметті іске қоссаңыз болды. Сонда зейнетақы шотыңызға міндетті және міндетті кәсіптік зейнетақы жарналары келіп түскендігін экранда пайда болатын қысқаша хабарлама арқылы дер кезінде біліп отырасыз.

Жалғасы...
 
Кәсіпкер азамат «қамқорлық» жобасы аясында тұрғын үй тарту етті Баспаға басу

ImageҚұмкент ауыл округіне қарасты, Қызылкөл елді мекенінің тұрғыны Сарыбаев Шегебай Медеубайұлы осы уақытқа дейін жұпыны үйде тұрып келген. Аудан әкімдігі аталған азамат демеуші тауып, 120 шаршы метр тұратын 6 бөлмелі  үй алып беруге ұйытқы болды. Сарыбаевтар отбасына демеушілік танытып, қолдау көрсеткен ауданымыздың тумасы, Шымкент қаласында кәсібін дөңгелетіп отырған үлкен жүректі азамат, кәсіпкер Әшірметов Сакен Досыметұлы.  Баспаналы болған Сарыбаев Шегебай қаңтар айында зейнетке шыққан. Отбасында 6 жан бар. Ұзақ жылдар совхозда, өндірістік кооперативте жұмыс істеген Сарыбаев Шегебай игі іске ұйтқы болған азаматтарға алғысын айтып, батасын берді. Қызылкөл елді мекенінде орналасқан үйде жарықпен қамтылған, таза ауыз су жүйесі жүргізілген.

            Айта кету керек, Түркістан облысы, «Nur Otan» партиясы филиалының бастамасымен іске асып жатқан «Қамқорлық» акциясы аясында, Созақ ауданынан 67 отбасы бекітілген. Оларға қажетті көмектер көрсетіліп келеді. Аудан көлемінде тұрмысы төмен отбасыларға көмек көрсету, тізімдегі отбасыларды үймен қамтамасыз ету алдағы уақытта да жалғасын табады.  

            Аудан әкімінің баспасөз қызметі.

 
«Азаматтарға арналған үкімет» жас түлектерді жұмысқа тартады Баспаға басу

 Image«Азаматтарға арналған үкімет» мемлекеттік корпорациясының басқарма төрайымы Әсемгүл Балташева мен С.Сейфуллин атындағы қазақ агротехникалық университетінің ректоры Ақылбек Күрішбаев ғылыми зерттеу жобаларын жүргізу мен ЖОО түлектерін жұмыспен қамту аясында өзара әріптестік туралы меморандумға қол қойды.

Мәміле екі тараптың бірлесіп топырақ және геоботаникалық зерттеу жасауына, өндірістік және ғылыми тәжірибе алмасуына,  жерге орналастыру, жер кадастры, геодезия және картография саласындағы бірлескен ғылыми жобаларды іске асыруға ықпал етеді. ЖОО мемлекеттік корпорацияның кәсіби қызмет бағытында жеткілікті практикалық тәжірибесі бар мамандарын оқытуға, білім беру бағдарламаларын әзірлеуге, емтихан комиссиясына тартуға мүдделі. Өз кезегінде Азаматтарға арналған үкімет  оқу орын студенттерін өндірістік практикадан өткізіп, әрі қарай жұмысқа қабылдауға дайын.

«Алпыс жылдам астам тарихы бар университеттің түлектері біздің корпорациямыздың құнды кадрларына айнала алады. Зейнеткерлікке шығып жатқан мамандарымыздың барын ескерсек, жерге орналастыру, жер кадастры сияқты мамандық иелері бізге өте қажет. Студенттерге тәжірибеден өтуге мүмкіндік беру арқылы, біз олардың қарымы мен білімін бағалап, өзімізге жұмысқа тұруға жағдай жасай аламыз» – дейді меморандумға қол қойған мемлекеттік корпорацияның басқарма төрайымы Әсемгүл Балташева. 

Бүгінде мемлекеттік корпорацияда жерге орналастыру бағытында 3 мыңға жуық қызметкер еңбектенеді. Корпорациядағылардың айтуынша, аталмыш ынтымақтастық білім алушылардың жұмыспен қамту мәселесін шешуге, ал оқу орнының мамандарды нарық талаптарын ескере отырып дайындауға ықпал етеді.

  «Азаматтарға арналған үкімет»

мемлекеттік корпорациясы» КЕАҚ

Түркістан облысы бойынша  филиалының

баспасөз қызметі

 
Қазақстандықтардың VIP көлік нөмірлеріне деген сұранысы азайған Баспаға басу

ImageКөліктердің VIP санатындағы мемлекеттік тіркеу нөмірлері 2014 жылдан бері сатылымда бар. Қазақстандықтар қалауынша сандар тізбегін таңдап, бірдей әріптерге тапсырыс бере алады.

2019 жылы ел азаматтары автоХҚО арқылы 3,018 млрд теңгеге 12 658 ерекше тіркеу нөмірін сатып алған. Бұл қаржылай көрсеткіш 2018 жылмен салыстырғанда жарты миллиард теңгеге кем. Онда қазақстандықтар 14 909 VIP нөмірі үшін 3,560 млрд теңге жұмсаған. Айта кетейік, ол уақытта мамандандырылған ХҚО-мен қатар ерекше нөмірлерді полицияның тіркеу-емтихан алу бөлімдері де рәсімдейтін.

Бүгінде ерекше сандар мен әріптердің тізбегін көп сатып алатындардың рейтингін Алматы, Нұр-Сұлтан мен Шымкент қалаларының тұрғындары бастап тұр. Қазіргі таңда Түркістан облысында да қызығушыларға 13 белгісімен VIP-нөмір түрлерлері көптеп ұсынылған .

Көлік иелері жаңадан сатып алған темір тұлпарына ерекше нөмірлерді мамандандырылған ХҚО немесе egov.kz  арқылы онлайн тіркеу барысында таңдай алады. Сондай-ақ егер азаматтың бұрыннан VIP-нөмірі болса, жаңадан алған көлігіне алты ай ішінде сол нөмірді қайта рәсімдеуге құқығы бар.

2020 жылы АЕК мөлшерінің өсуіне байланысты VIP-нөмірлердің бағасы келесідей өзгерді:

 

Нөмір белгілері

 Баға

010, 020, 030, 040, 050, 060, 070, 077, 080, 090, 707

  151 107тг (57 АЕК)

 

010, 020, 030, 040, 050, 060, 070, 077, 080, 090, 707 белгілері мен XXX, YYY, MMM, AAA т.с.с. сияқты бірдей әріптік белгілер

302 214тг (114 АЕК)

 

100, 111, 200, 222, 300, 333, 400, 444, 500, 555, 600, 666, 700, 800, 888, 900, 999

363 187тг  (137 АЕК)

 

100, 111, 200, 222, 300, 333, 400, 444, 500, 555, 600, 666, 700, 800, 888, 900, 999  мен XXX, YYY, MMM, AAA т.с.с. сияқты бірдей әріптік белгілер

514 294 тг (194 АЕК)

 

001, 002, 003, 004, 005, 006, 007, 008, 009, 777

604 428 тг (228 АЕК)

001, 002, 003, 004, 005, 006, 007, 008, 009, 777 мен XXX, YYY, MMM, AAA т.с.с. сияқты бірдей әріптік белгілер

755 535 тг (285 АЕК)

 

әріптік белгіленуі бірдей (цифрлық белгіленуі 001, 002, 003, 004, 005, 006, 007, 008, 009, 010, 020, 030, 040, 050, 060, 070, 077, 080, 090, 100, 111, 200, 222, 300, 333, 400, 444, 500, 555, 600, 666, 700, 777, 800, 888, 900, 999 мемлекеттік тіркеу нөмірлік белгілерін қоспағанда)

151 107 тг (57 АЕК)

 

           

«Азаматтарға арналған үкімет»

мемлекеттік корпорациясы» КЕАҚ Түркістан облысы бойынша филиалының

баспасөз қызметі

 
Мекенжай бойынша әр төртінші тіркеу egov.kz арқылы жүргізілген Баспаға басу

ImageҚазақстандықтар мекенжай бойынша тұрақты тіркеуге тұру үшін ХҚО-ның онлайн баламасы – egov.kz таңдай бастады. Былтырғы көрсеткіштерді есепке алатын болсақ, ХҚО арқылы 1,5 млн адам, онлайн түрде 479 мың адам тіркеу рәсімін жүзеге асырған, сәйкесінше әр төртінші азамат тұрғылықты тіркеу рәсімін электронды түрде жүргізген.

Аймақтық бөліністе қарайтын болсақ, мекенжай бойынша тіркеуге онлайн тұрушылар үлесі Нұр-Сұлтан қаласында көп – 91 мың адам, одан кейін Түркістан (58 мың), Қарағанды (39 мың) мен Павлодар (23 мың) облыстары. Бұл ретте, ең төменгі көрсеткіш Атырау облысына тиесілі (6 мың адам).

«Электронды жаңашылдықтарды құп көретін азаматтардың саны өскені қуантады. Онлайн түрде тіркеуге тұру – уақытты үнемдеп қана қоймай, «Прописканы» сататын делдалдардың жұмысына да тосқауыл болады», – дейді «Азаматтарға арналған үкімет» мемлекеттік корпорациясының басқарма төрайымы Әсемгүл Балташева.

Биылғы жылдың қаңтар айындағы көрсеткіш бойынша онлайн түрде мекенжай тіркеуіне тұрушылар саны біршама өскен. Бұл қызметті алу үшін 184 мың адам ХҚО-ға жүгінсе, 63 мың азамат ешқайда бармай-ақ онлайн түрде жүзеге асырған.    

Бүгінде мекенжай тіркеуін жасату үшін тіркеуге қоюшы және тіркелуші тараптың ЭЦҚ-сы болуы тиіс. Азамат egov.kz-ке тіркелетін мекенжай мен жеке мәліметтерін жазса, баспана иесі оған рұқсатты жеке кабинетіне келген сұрауды мақұлдау арқылы береді.

                                                 

   «Азаматтарға арналған үкімет»

мемлекеттік корпорациясы» КЕАҚ Түркістан облысы бойынша  филиалының баспасөз қызметі

 
Төтенше жағдайға дайындық барысы текерілді Баспаға басу

ImageАпат айтып келмейді. Тосыннан болатын табиғи апат  барысының алдын алу, дер кезінде көмек көрсету үшін тыңғылықты дайындықтың жөні бір бөлек. Осыған орай, «Көктем-2020» Республикалық командалық штабтық оқу-жаттығуын дайындау және өткізу туралы аудан әкімі С.Полатовпен бекітілген нұсқаулыққа сәйкес , көктем кезіндегі төтенше жағдайлардың алдын алу және жою жөнінде оқу жаттығу жиыны ұйымдастырылды. 

Ауданы әкімінің орынбасары, төтенше жағдайлардың алдын алу және жою жөніндегі комиссия төрағасының орынбасары Б.Әлмағанбетке, аудандық төтенше жағдайлар бөлімі басшысының міндетін уақытша атқарушы азаматтық  қорғау капитаны Б.Муханов хабарлама жасап, көктем мезгіліндегі төтенше жағдайға дайындық барысын баяндады. 

 Іс барысында құтқару жұмыстарына тікелей қатысы бар аудан әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Б.Әбенұлы, ауылдық округтері мен кенттері әкімдері, «Оңтүстік Жарық Транзит» ЖШС-нің Созақ электр жүйесінің бастығы Қ.Кульбаев, ауылдар мен елді мекендердің аулаларындағы су басуларды сорғымен тартып шығару, авариялық-құтқару және шұғыл жұмыстарды жүргізу, оның ішінде жоғары өтімді және суды соратын техникалары мен құралдарды нақтыланып, дайындыққа келтіріп бөлім мекемелер өздерінің төтенше жағдайларға қандай дәрежеде дайын екендіктерін көрсетіп, тәжірибе алмасты. Бұндағы ең басты мәселе көктемгі су тасқыны кезіндегі іс-қимыл мен арнайы техникалардың әзірлігі және мамандардың біліктілігін жетілдіру болатын.

            Аудан әкімдігінің ауыл шаруашылығы бөлімі, «Қазсушар» РМК ОҚО филиалы Созақ өндірістік бөлімшесі, Созақ аудандық төтенше жағдайлар бөлімі, аудан аумағында көктемгі су тасқынының жұмыстары бойынша және аудан аумағындағы су қоймаларының жағдайларын қатаң бақылауға алып, көктемгі су тасқыны апатынан келетін салдарға жол бермеу үшін тиісті жұмыстарды атқаруды тапсырылды.

             «Көктем-2019» республикалық командалық-штабтық оқу-жаттығуы барысында аудандық азаматтық қорғау қызметтері мен жедел құтқару жасағынан барлығы 22 дана әр түрлі техникалар мен 65 адам жұмылдырылды.

            Аудан әкімінің аспасөз қызметі
 
Егер мемлекеттік органға шағым, арыз не ұсыныс жазғыңыз келсе, оны онлайн істеуге болады. Баспаға басу
Image Әдеттегідей, egov.kz порталы – сіздің басты көмекшіңіз. ЭЦҚ-ңыз болса, керекті мемлекеттік органға өтінішті жазып қана қоймай, орындалу мәртебесін бақылап, берілген жауапты да көруге болады. Бұл үшін
✅Порталға кіріп, авторизациядан өтіңіз
✅«Электронды өтініштер» сервисін таңдаңыз
✅Мәліметтеріңізді енгізіп, өтінішіңізді қалдырыңыз
✅ЭЦҚ-мен қол қойып, мемлекеттік органға жолдаңыз Заңды не жеке тұлғалардың жазған өтініші бойынша жауап 15-30 күнтізбелік күн (қосымша ақпарат қажет болған жағдайда ұзартылуы мүмкін) аралығында қаралады.
 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 106 - 120 ішінен 953

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 08 Шілде 20 »
ДсСсСрБсЖмСнЖк
  12345
6789101112
13141516171819
20212223242526
2728293031   

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы