Галерея

Жаңалықтар
Жаңалықтар
Көктемгі егіс жұмытары: шаруа қожалық өкілдерімен кездесті Баспаға басу

ImageСәуірдің 12-жұлдызында "Nur Otan" партиясы Созақ аудандық филиалының бастамасымен аудан көлемінде ұзақ жылдардан бері егін шаруашылығымен айналысып келе жатқан "Бабата 1" шаруа қожалығы мен "Құмкент" өндірістік коперативі ұжымдарымен кездесулер өтті. Мақсаты - шаруалардың көктемгі егіс науқаны барысымен танысу, одардың ұсыныс-пікірлерін тыңдау, сондай-ақ, ақпараттық-түсіндірмелік жұмыстар жүргізу. Шаруалармен кездесуге аудандық партия филиалы төрағасының бірінші орынбасары Р.Әлжанов, аудан әкімдігінің ауылшаруашылығы бөлімінің басшысы Қ.Мейірманов, бас мамандары А.Байбабаев, Ш.Аманжол, Жартытөбе, Құмкент ауылдық округтерінің әкімдері Б.Әділбеков, А.Көбенов, жергілікті полиция қызметінің учаскелік полиция инспекторлары, шаруалар өкілдері қатысты. Қайырбек Сәрсенбекұлы Үкімет тарапынан берілетін жеңілдетілген жанар-жағар майды алуда шаруалар белсенділігі төмен болып отырғанын, егіс алқаптарына түсетін мал иелерінің жауапкершілігін көтеру жайын, игерілмей жатқан жерлерді қайтару тәртібіне енгізілген өзгерістер, т.б. мәселелер жайында айтып өтті. Өз кезегінде шаруалар атынан сөз алған А.Тұрмаханов, С.Қарымбаев, т.б. сұрақтар қойып , жауаптар берілді.

 

             Аудан әкімінің баспасөз қызметі.

 
Зейнетақы жинақтарының сақталуына мемлекет тарапынан қандай кепілдік берілген Баспаға басу

«Қазақстан Республикасында зейнетақымен қамсыздандыру туралы» ҚР Заңында зейнетақы жинақтарының сақталуына мемлекет тарапынан кепілдік берілетіндігі туралы бап 2003 жылы пайда болды. Бұл механизм 2009 жылдан бастап белсенді түрде жүзеге асырыла бастады. Өйткені осы кезеңде қаржы дағдарысы салдарынан зейнетақы активтерінің табыстылығы азайған болатын. Сонымен мемлекет зейнетақы жарналарының нақты енгізілген мөлшерінде сақталуына кепілдік береді. Мұнда мемлекеттік кепілдік бойынша біржолғы айырма төлемі есептеледі. Ол инфляцияны есепке ала отырып, зейнеткердің шотындағы бүкіл жинақтардың сомасы мен сол шотқа енгізілген бүкіл жарналардың сомасын өзара салыстырғанда айқындалатын айырма сомасы. Біржолғы айырма төлемін зейнеткерлік жасқа толған азаматтар, I және II топтардағы мүгедектігі мерзімсіз болып белгіленген жандар, шетелге тұрақты тұруға кеткен шетелдіктер мен азаматтығы жоқ адамдар және осы төлемді алуға құқығы бар адам қайтыс болған жағдайда, оның мұрагерлері алуға құқылы. Бұл ретте Қорда зейнетақы жинақтары бар, I және II топтардағы мүгедектігі мерзімсіз болып белгіленген жандар және шетелге қоныс аударған шетелдіктер мен азаматтығы жоқ адамдар зейнетақы жинақтары есебінен төлемдерді алу үшін Қорға жүгінеді. Ал мемлекеттік зейнетақылар мен мемлекеттік кепілдік бойынша айырма төлемін алу үшін бір өтінішпен «Азаматтарға арналған үкімет» Мемлекеттік корпорациясының Халыққа қызмет көрсету орталығына өтініш береді. Ал зейнет жасына толған азаматтар 2018 жылдың қазан айында енгізілген Композиттік қызмет аясында мемлекеттік зейнетақылар мен Қор төлемдерін және мемлекеттік кепілдік бойынша айырма төлемін алу үшін бірыңғай өтінішті тек бір жерге – осы Мемлекеттік корпорацияға тапсырады. Айырма төлемін алу үшін бөлек өтініш берудің қажеті жоқ.

Мемлекеттік корпорация зейнеткердің жинақтары туралы Қордан алынған мәліметтерді оның жинақтаушы зейнетақы жүйесіне қатысқан бүкіл кезеңіндегі инфляцияны ескере отырып, осы кезеңде енгізілген зейнетақы жарналарының сомасымен салыстырып тексереді. Егер алушының зейнетақы жинақтарының инвестициялық табысты қоса есептегендегі жалпы сомасы инфляцияға тең және одан жоғары болса, айырма сомасы төленбейді. Ал егер инфляциядан төмен болса, Мемлекеттік корпорация айырма төлемін есептейді. Бұл сома біржолғы төлем ретінде республикалық бюджет есебінен алушының банк шотына 10 жұмыс күні ішінде аударылады.

 
Зейнетақы төлемдері қалай рәсімдейді? Баспаға басу

Қазақстан Республикасы Үкіметінің 2018 жылғы 9 қазандағы қаулысы негізінде «Бірыңғай жинақтаушы зейнетақы қорынан төленетін міндетті зейнетақы жарналары, міндетті кәсіптік зейнетақы жарналары есебінен қалыптасқан зейнетақы жинақтарынан зейнетақы төлемдерін жүзеге асыру қағидаларын және зейнетақы төлемдерінің мөлшерін есептеуді жүзеге асыру әдістемесін бекіту туралы» Қазақстан Республикасы Үкіметінің 2013 жылғы 2 қазандағы қаулысына енгізілген өзгерістер мен толықтырулар бекітілді.

Осы күннен бастап зейнеткерлік жасқа толған азаматтар жасына байланысты зейнетақы төлемдері мен мемлекеттік базалық зейнетақы төлемдерін және Бірыңғай жинақтаушы зейнетақы қорынан міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптасқан зейнетақы төлемдерін алу үшін бірыңғай өтінім мен құжаттар топтамасын тек бір жерге – «Азаматтарға арналған үкімет» Мемлекеттік корпорациясының Халыққа қызмет көрсету орталығына (ХҚО) тапсырулары қажет.

Зейнетақы төлемдерін рәсімдеу жөніндегі өтініш негізінде алушыға (үнсіз келісім бойынша) мемлекеттік кепілдік бойынша айырма сомасын (инфляция деңгейін ескере отырып, зейнетақы жинақтарының сомасы және нақты енгізілген МЗЖ мен МКЗЖ сомасы арасындағы айырма) төлеуге қатысты алдын алу қызметі көрсетіледі. Яғни, бұл үшін бөлек өтініш берудің қажеті жоқ.

Қазіргі уақытта БЖЗҚ-дан зейнетақы жинақтары есебінен төлемдерді алу жөніндегі өтініштер мына тек жағдайларда ғана қабылданады:  

         шетелге тұрақты тұруға кетуге байланысты;

         I және II топтардағы мүгедектік мерзімсіз болып белгіленген жағдайда;

         жерлеуге және мұрагерлікке байланысты біржолғы төлемді жүзеге асырған жағдайда;

         ерікті зейнетақы жарналары есебінен құралған жинақтарды алу құқығы туындаған кезде;

         сақтандыру ұйымымен зейнетақы шартын жасасқан жағдайда. 

 Сонымен қатар БЖЗҚ-ның міндетті зейнетақы жарналары мен міндетті кәсіптік зейнетақы жарналары есебінен қалыптасқан ай сайынғы зейнетақы төлемдерін есепке алу, есептеу және стратегиялық міндеттері сол өзгеріссіз күйінде қалады.

 
Ерікті зейнетақы жарналары бойынша зейнетақы шотын кімдер аша алады? Баспаға басу

Қазақстанның кез-келген азаматы Бірыңғай жинақтаушы зейнетақы қорына ерікті зейнетақы жарналарын аудара алады. Ерікті зейнетақы жарналарының мөлшерлемесі, оларды төлеу, сондай-ақ, зейнетақы төлемдерін жасау тәртібі шарт тараптарының өзара келісімі бойынша белгіленеді. Бұл ретте жарналардың мөлшерінен гөрі, олардың тұрақты аударылғандығы маңызды. Ерікті зейнетақы жарналары есебінен қалыптасқан жинақтар болашақта Қордан қомақты мөлшерде зейнетақы төлемдерін алуға септігін тигізеді. Жеке тұлға бұл жарналарды өз табысы есебінен төлейді және өз атына немесе үшінші бір тұлғаның атына аудара алады. Бұл ретте заңды тұлғалар да жеке тұлғалардың, яғни өз жұмыскерлерінің атына ерікті зейнетақы жарналарын аударуға құқылы. Мұны көп жағдайда өздерінің қол астындағы мамандарын еңбекке ынталандыру мақсатында жасайды.

Кәмелетке толмаған тұлғалар да ерiктi зейнетақы жарналары есебiнен зейнетақымен қамсыздандыру туралы шарт жасаса алады. Бұл ретте шарта кәмелетке толмаған тұлғаның атынан оның заңды өкілі қол қояды.

Салымшы ерікті зейнетақы жарналары есебінен шот ашу үшін Қорға өзі келген жағдайда жеке басын куәландыратын құжат тапсырады. Егер шарт үшінші тұлғаның пайдасына жасалатын болса алушы да Қорға келуі тиіс. Бұл ретте салымшының (алушының) заңды өкілі немесе оның орнына нотариат куәландырған сенімхат негізінде сенім білдірілген тұлға өтініш бере алады. Өз пайдасына ерiктi зейнетақы жарналарын аудару үшін салымшы (алушы) жеке басын куәландыратын құжат (түпнұсқа) тапсырса, үшінші адамның пайдасына шарт жасау үшін алушы да жеке басты куәландыратын құжат (түпнұсқа және көшірме) тапсырады. Заңды тұлғалар үшінші адамның пайдасына шарт жасасу үшін тиісті құжаттар топтамасын ұсынады. Қажетті құжаттар тізімі Қордың enpf.kz сайтында көрсетілген.  

2018 жылдың шілдесінде Қор сайтының Жеке кабинеті және «Электрондық қызмет көрсету» бөлімінде жаңа қызмет іске қосылды. Ол – «Ерікті зейнетақы жарналары есебінен (өз пайдасына) зейнетақымен қамсыздандыру туралы шарт жасасу қызметі» деп аталады. Оны пайдалану үшін электрондық цифрлық қолтаңбаның өзекті кілті қажет. Сол арқылы тіркеліп, тиісті нысандарға қажетті деректер енгізіледі. Кейін осы электрондық цифрлық қолтаңбаның кілтімен қол қойылады. Бүкіл операция бірнеше минут уақытты ғана алады. Ерікті жарналар бойынша шотты сайт арқылы ашу – уақытты үнемдеуге мүмкіндік береді. Бір айта кететін жәйт, салымшылар Қор сайты арқылы шотты әзірге өз пайдасына ғана ашуға құқылы.

 
Инвестициялық табыс деген не және ол қалай есептеледі? Баспаға басу

Инвестициялық табыс салымшылар мен алушылардың шоттарына күн сайын есептеледі. Оның көлемі шоттағы жинақ ақшаның сомасына және оған түсетін жарналардың мөлшеріне және олардың тұрақты аударылуына тәуелді.   

Инвестициялық табысты есептеу шартты зейнетақы бірлігінің (ШЗБ) құнына байланысты. Әрбір жеке зейнетақы шотындағы зейнетақы жинақтары теңгеде және шартты зейнетақы бірлігінде есепке алынады. Зейнетақы шотына түскен әрбір зейнетақы жарнасының сомасын Қордағы шартты зейнетақы бірлігіне бөлу арқылы ШЗБ саны есептеп шығарылады. Мысалы, Сіздің жеке зейнетақы шотыңызға 10 000 теңге көлемінде зейнетақы жарнасы келіп түсті делік. 2019 жылдың 20 ақпанына қарай ШЗБ құны – 748 теңге дейтін болсақ, Сіздің шотыңызға есептелетін ШЗБ саны 13,4 бірлік болады (10 000 теңге/ 748 теңге).

Ал 2019 жылдың 21 ақпанындағы жағдай бойынша ШЗБ құны 750 теңге болды делік. Бұл ретте шотқа есептелген инвестициялық табыс ескерілді. Енді осы күнгі ШЗБ санын есептеп шығару керек. Сіздің шотыңызға есептелген ШЗБ саны ШЗБ-ның ағымдағы құны негізінде былайша қайта бағаланады: 13,4 ШЗБ * 750 теңге = 10 050 теңге. Осылайша Сіздің зейнетақы жинақтарыңыз 2019 жылдың 21 ақпанына қарай 10 050 теңге болады. Бұл ретте зейнетақы жинақтары инвестициялық табыстан (50 теңге) және есептелген жарналардан (10 000 теңге) құралады.    

Сонымен зейнетақы жинақтары инвестициялық табысты есептеуге байланысты көбейді. Соның арқасында ШЗБ құны 2 теңгеге артты (750 теңге – 748 теңге). Зейнетақы жинақтары мен инвестициялық табыстың мөлшері жарналардың сомасы мен аударылу кезеңіне тәуелді. Сондықтан жарналарды жеке зейнетақы шотына уақытылы және толық көлемде аудару өте маңызды мәселе. 

 
Зейнетақы шотын ашу үшін не істеу керек? Баспаға басу

2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға ЖЗШ ашу жөніндегі өтінішті рәсімдеу үшін БЖЗҚ-ға, оның ішінде Қордың веб-сайты арқылы жүгінудің қажеті жоқ. Енді жеке тұлғаның БЖЗҚ-да МЗЖ есепке алу бойынша ашылған зейнетақы шоты жоқ болса, алғашқы жарна келіп түскен кезде зейнетақы шоты Қордың ақпараттық жүйесінде автоматты түрде ашылады.

Бұл ретте жеке тұлға МЗЖ аудару кезінде төлем тапсырмасының электрондық форматында көрсетілген дербес деректер (тегі, аты, әкесінің аты, жеке сәйкестендіру нөмірі, туған күні) бойынша сәйкестендіріледі. Ал жеке тұлғаның жеке басын куәландыратын құжаттың деректемелері бойынша қажетті мәліметтерді Қор мемлекеттік органдардың ақпараттық жүйелерінен алатын болады.

 
Кеңпейіл даланың кемеңгер перзенті Баспаға басу

ImageНаурыз айының жиырма сегізінші жұлдызында М.Әуезов атындағы ОҚМУ-нің Ғылыми-зерттеу басқармасының арқау болуымен Қазақстанның көрнекті мемлекет және қоғам қайраткері, ғалым және публицист, ақын, журналист Сұлтанбек Қожановтың (1894-1938 ж.ж.) 125 жылдығына арналған "Ұлт рухын шыңдаған ұлы даланың асыл ұрпақтары" атты халықаралық ғылыми конференциясы ұйымдастырылды.
            Конференция ҚР Тұңғыш Президенті - Елбасы Н.Назарбаевтың "Ұлы Даланың жеті қыры" атты мақаласын жүзеге асыру аясында өткізіліп отыр. Бұл жиын "Ұлы дала тұлғалары" ғылыми-танымдық іс-шараларын жандандыру, жүйелеу, өткен кезеңнің тарихи кезеңдерін және біздің еліміздің белгілі тұлғаларының, атап айтқанда С.Қожановтың қазақ халқының алдында атқарған елеулі еңбектері мен қайраткерлік қырын ашып көрсетуді мақсаттаған дүбірлі ғалымдар мен тарихшылардың биылғы жылдағы кең көлемдегі бас қосуы болатын.
Конференцияға 50-ден астам мақалалар түсті және конференция материалдары республикалық ғылыми журналдарда жарияланатын болады.
            Осы конференцияға алыс-жақын шет мемлекеттерден, респубикамыздың түкпір-түкпірінен ғалымдар мен тарих зерттеушілері келіп, тың зерттеулерін ортаға салды. Түркі дүниесі бас қосқан алқалы жиында Созақ ауданынан барған қонақтар ішінде аудан әкімінің идеология саласындағы орынбасары Бағдат Бегманұлы Айдарбеков алаш қайраткерін дүние әуелген киелі топырақ- Созақ ауданы халқының ыстық сәлемін жеткізсе, ақын қызымыз Гүлнар Өмірбек таңжарық тұлғаға деген сағыныш жырын оқыды. «Сұлтанбек Қожанов және ұлттық мүдде мәселелері» деген тақырыпта тарихшы, сұлтанбектанушы, ғалым Нариман Нұрпейіс ағамыз баяндама жасады. Сондай-ақ ауданымыздан Сұлтанбек Қожанов атындағы жалпы орта мектебінің директоры Мейрам Әлмахан, ақын Мыңжасар Асқаров аталмыш конференияға арнайы барып қатысып қайтты. Алаш ардақтысының 125 жылдық тойының осылай алғашқы шалқар шымылдығы ашылды.


Мақсат Қарғабай

 
2019 жылғы 1 наурыздағы жағдай бойынша БЖЗҚ негізгі көрсеткіштеріне шолу Баспаға басу

2019 жылдың 1 наурызындағы жағдай бойынша зейнетақы жинақтарының жалпы сомасы 9,49 трлн теңгені құрап, жыл басынан бері 115,8 млн теңгеге өсті. Олардың ішінде міндетті зейнетақы жарналары (МЗЖ) бойынша жинақтар сомасы 9,29 трлн теңгені құрады (жалпы соманың 97,8%). Міндетті кәсіптік зейнетақы жарналары (МКЗЖ) бойынша жинақтар сомасы 204,9 млрд теңге (бүкіл жинақтың 2,2%) және ерікті зейнетақы жарналары бойынша (ЕЗЖ) жинақтар сомасы 1,9 млрд теңге болды (0,02%).

Шарттардың барлық түрлері бойынша жеке зейнетақы шоттарының жалпы саны 10,4 млн бірліктен асты. 

Жыл басынан бері Қор салымшыларының шоттарына есептелген таза инвестициялық табыс сомасы 12,1 млрд теңгеге жетті. Зейнетақы жинақтарының табыстылығы соңғы 12 ай ішінде (2018 жылдың наурызы мен 2019 жылдың ақпаны) 11 пайызды құрады. Бұл кезеңде инфляция деңгейі 4,8 пайызды көрсетті. Осылайша зейнетақы активтерінің табыстылығы инфляциядан жоғары болып отыр.  

2019 жылдың екі айы ішінде зейнетақы төлемдері 43,0 млрд теңгені құрады. Оның ішінде жасына байланысты төлемдер 28,3 млрд теңгені, ал сақтандыру ұйымдарына жасалған аударымдар 4,4 млрд теңге болды. Салыстырып қарайтын болсақ, өткен жылдың сәйкес кезеңінде Қордан 62,8 млрд теңге төленді. Оның ішінде сақтандыру ұйымдарына жасалған аударымдар 2,6 млрд теңге болды.      

БЖЗҚ салымшылар мен алушыларға қызмет көрсету бойынша жұмыстарды үнемі жетілдіріп келеді. Жыл басынан бері салымшылар мен алушыларға 4,4 миллионнан астам қызмет көрсетілді. Бұл ретте электрондық тәсілмен қызмет көрсету басымдыққа ие – 3,7 миллионнан астам операция (немесе 85%) (шоттан берілген үзінді көшірмелерді есепке ала отырып) электрондық форматта жүзеге асырылды.

«БЖЗҚ» АҚ тұрғындар арасында тұрақты негізде ақпарат беру-түсіндіру жұмыстарын жүргізеді. Сонымен қатар ұйымдар мен кәсіпорындарда және сауда орындарында көшпелі таныстырылымдық шаралар өткізеді. Жыл басынан бері 4 мыңнан астам таныстырылымдық шара өткізіліп, оған 140 мыңнан астам адам қатысты.

2019 жылдың басынан бері бірыңғай жиынтық төлемді (БЖТ) төлеу аясында БЖЗҚ-дағы 19 605 жеке зейнетақы шотына жалпы сомасы 10,7 млн теңгеге (4,7 млн теңге республикалық және облыстық маңызға ие қала тұрғындарынан, ал 5,9 млн теңге басқа елдімекендердің тұрғындарынан) 21 986 жарна келіп түсті. БЖТ төлеу аясында 2019 жылдың ақпан айында жарна сомасы 4,1 есеге ұлғайды. Сонымен қатар БЖТ бойынша жарналары саны 4,5 есеге және осы жарналар түсетін зейнетақы шоттарының саны 4,4 есеге артты.  

 БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

 

«БЖЗҚ» АҚ баспасөз орталығы

БАҚ үшін байланыстар: Бұл e-mail спам-боттардан қорғалған. Оны көру үшін сіздің браузеріңізде Java-script-ті қолдау қосылуы қажет.

 
Түркістан облысының прокуроры Созақ ауданының тұрғындарымен кездесті Баспаға басу

ImageБүгін Түркістан облысы прокуроры Нұрғалым Мәжитұлы Әбдіров, Созақ ауданынжа іс сапармен келді. Сапар барысында Қыземшек, Таукент кентінде болып, өндіріс, мекеме басшыларымен, тұрғындармен кездесті. Тұрғындармен кездесуге Түркістан облысы прокуроры Әбдіров Нұрғалым Мәжитұлы, аудан әкімі Салыхан Сабырұлы Полатов, Түркістан облысының мамандандырылған табиғат қорғау прокуроры Серік Үмбетұлы Әбдиев, аудан әкімінің орынбасарлары, кент әкімдері, өндіріс орындары мен мекеме басшылары қатысты.

            Еркін форматта өткен кездесу барысында, тұрғындар тарапынан қойылған сауалдарға жауап берді. Көтерілген мәселелердің басым көпшілігі – электр жарығын есептеу, шалғайда жатқан Қыземшек кентіндегі ауруханаға стоматолог дәрігерінің қажеттілігі сөз болды. Сондай-ақ, кәмелет жасқа толмағандарға қатысты  құқық бұзушылықты төмендету, ауданда орын алған қылмыстың жылдам ашылуымен қамтамасыз етуді аудандық полиция бөлімінің бастығыны тапсырды. Және аудан прокуроры Айтболат Тайырханұлы Досаевқа тұрғындар тарапынан көтерілген мәселенің барлығын жеке бақылауына алып, орындалуын өзіне баяндауды жүктеді.

            Қыземшек кенті ардагерлер кеңесінің төрағасы Пернебай Өтжанов,  кей жағдайда негізсіз, дәлелсіз арыз жазылатынын тілге тиек етті.

            Кездесу барысында, өндіріс мекеме басшыларына, қарамағындағы қызметкерлердің құқығының қорғалуына баса мән беру керектігін сөз етіп, ол бұзылған жағдайда қатаң жаза бар екенінде ескертті.

            Аудан әкімінің баспасөз қызметі.

 
Бас дәрігерінің жұмыс бөлмесі Баспаға басу

            ImageТүркістан облысы денсаулық сақтау басқармасы «Созақ аудандық орталық аурухана» шаруашылық жүргізу құқығындағы мемлекеттік коммуналдық кәсіпорны Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша  департаментінің тапсырмасына сәйкес, «Созақ аудандық орталық аурухана » ШЖҚ МКК бас дәрігерінің жұмыс бөлмесі емхана бөлімшесінің екінші қабатынан аурухана ғимаратының бірінші қабатына толық қанды ауысытырылды.

Жалғасы...
 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 106 - 120 ішінен 779

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 13 Қараша 19 »
ДсСсСрБсЖмСнЖк
    123
45678910
11121314151617
18192021222324
252627282930 

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы