Галерея

Жаңалықтар
Жаңалықтар
«Азаматтарға арналған үкімет» мемлекеттік корпорациясы» КЕ АҚ Түркістан облыстық филиалының директоры Жеңісбеков Ержан Жеңісбекұлының сұхбаты Баспаға басу

ImageЕржан Жеңісбекұлы, «Азаматтарға арналған үкімет» мемлекеттік корпорациясы үш жыл бұрын құрылған, қазір мемлекеттік қызметтерді көрсету тұрғысында қандай жаңашылдықтармен бөлісе аласыз?

Осыдан үш жыл бұрын Елбасының тапсырмасымен «Ұлт жоспары - 100 нақты қадам» жобасы аясында құрылған мемлекеттік корпорация «Жер кадастры ғылыми-өндірістік орталығы», «Жылжымайтын мүлік орталығы», «Зейнетақы төлеу жөніндегі мемлекеттік орталығы» және «Халыққа қызмет көрсету орталығы» секілді төрт ірі кәсіпорынды біріктіріп, мемлекеттік қызмет көрсету саласының біріңғай провайдеріне айналды. Осы үш жылдың ішінде қызметтердің дені оңтайландырылып, электронды форматқа өтті, бір жүйеге келтірілді.

Проактивті және композитті қызмет көрсету форматын енгізгеннен соң талап етілетін құжаттар саны мен қызмет көрсету мерзімі қысқартылды. Атап айтсақ, қазір азаматтар зейнеткерлікті бір ғана өтінішпен рәсімдей алады, ал  босанған аналар баланың туу туралы куәлігі мен сәбидің күтіміне байланысты жәрдемақыны рәсімдеу, бөбекті балабақша кезегіне қою ­сияқты үш қызметке ешқайда бармай-ақ, ұялы телефонның көмегімен өтініш беру мүмкіндігіне ие болды. Биылдан бастап осы қызметке  баланы мекен-жайы бойынша тіркеу қызметі де қосылды. Жаңа босанған ана sms-ке жауап бере отырып, перзентханадан шықпай тұрып барлық құжаттарын рәсімдей алады. 

Айта кетейік, Қазақстан ТМД мемлекеттерінің арасында алғашқы болып осы проактив әдісімен мемлекеттік қызметтер көрсетуді жүзеге асырды.

 -Түркістан облысында халыққа мемлекеттік қызметтерді көрсету ахуалы қалай екенін айтып өтсеңіз?

Жалғасы...
 
СОЗАҚ: Асқар Сүлейменов атындағы жалпы орта мектебінің қосымша жайы пайдалануға берілді Баспаға басу

        Image    Қазақстан Республикасы тәуелсіздік меркесі қарсаңында аудан орталығы Шолаққорған ауылындағы Асқар Сүлейменов атындағы жалпы орта мектебінің қосымша жайы пайдалануға берілді. Зәулім ғимараттың ашылу салтанатында аудан әкімі Салыхан Полатов құттықтау сөз сөйледі. «Осы жылдың басында басталған 300 орындық Асқар Сүлейменов атындағы білім ошағының қосымша жай құрылысын, Тәуелсіздік мерекесі қарсаңында аяқтап, өздеріңіз куә болып отырғандай ел игілігіне беріп отырмыз. Бұл сөзсіз Тәуелсіздіктің арқасы. Білім ордасында оқушылар заманға сай білім алып, үлгілі азаматтар болады деп сенеміз»,- деді. Сондай-ақ, аудандық ардагерлер кеңесінің төрағасы Қабылбек Еспенбетов өз ризашылығын білдірді.

            Жаңадан бой көтерген мектепте физика, химия, информатика кабинеттері, мультимедиялық және лингафондық бөлмелер соңғы үлгідегі технологиялармен және компьютерлермен жабдықталған.

            Айта кету керек 2011 жылы бұл мектепке уран өндіретін «Катко» кәсіпорны жаңа ғимарат салып берген болатын. Оқушы санының көбейуіне байланысты жаңа қосымша жай қажеттілігі туындап, ол ғимарат аудандық бюджеттен соғылып отыр. 

Мұнан бөлек, ауданда Қаратау ауылдық округі, Ақсүмбе елді мекеніндегі С.Қожанов атындағы 100 орындық мектеп құрылысы, Ә.Молдағұлова атындағы орта мектебіне 300 орындық жай құрылыстары жүргізілуде. Олар келер жылы пайдалануға беріледі.

Аудан әкімінің баспасөз қызметі.

 
"Nur otan" партия активінің жиыны өтті Баспаға басу

           Image Үстіміздегі жылдың 25 қарашада елордада Елбасы, партия төрағасы Нұрсұлтан Әбішұлы Назарбаев өңірлік филиал төрағаларын жинап, партия жұмысын ілгерілету бағытында аса маңызды тапсырмалар беріп, өңірлердегі мәслихаттардың жауапкершілігін күшейтіп, жұмысын ширатуды тапсырған болатын. 28 қарашада Түркістанда облыс әкімі, облыстық партия филиалының төрағасы Өмірзақ Естайұлы Шөкеевтің төрағалығымен облыстық партактив жиыны өтті. Ал сейсенбі күні Н.Төреқұлов атындағы ІТ мектеп-лицейінде "Nur Otan" партиясы аудандық филиалының партия активінің жиыны өкізілді. Филиал төрағасы, аудан әкімі Салыхан Сабырұлы Полатов ашып жүргізген жиынға, бөлім, мекеме басшылары, ауылдық округ, кент әкімдері, түрлі салалардың қызметкерлері, “Jas Otan” жастар қанатының өкілдері қатысты. Күн тәртібіндегі партияны «қайта жүктеу» бағытында жүзеге асырылып жатқан жұмыстар жайлы аудандық филиал төрағасының бірінші орынбасары Ролан Әлжанов, аудандық мәслихаттың тарапынан атқарылып келе жатқан жұмыстар туралы мәслихат хатшысы Бегімбет Байғараев баяндама жасады. Мұнан соң жарыссөзге аудандық мәслихаттағы "Nur Otan" партиясы фракциясының жетекшісі Сатыбалды Жанұзақов, “Jas Otan” жастар қанатының белсендісі, Н.Төреқұлов атындағы ІТ мектеп-лицейінің мұғалімі Естай Төкенов шығып, еліміздегі ең ірі саяси ұйым жұмысын жаңа заманға бейімдеу бағытындағы жұмыстар жайында сөз етті. 
Жиынды қорытындылаған филиал төрағасы тиісті орынбасарлары мен бөлім басшыларына, ауылдық округ, кент әкімдеріне, бастауыш партия ұйым төрағаларына алда атқарылар шаралар бойынша нақты тапсырмалар берді.

 

            Аудан әкімінің баспасөз қызметі.

 
«БЖЗҚ» АҚ Ашық есік күні – зейнетақыны бірге жоспарлайық Баспаға басу

«Ашық есік күні» – Бірыңғай жинақтаушы зейнетақы қорының (бұдан әрі – БЖЗҚ, Қор) салымшылары үшін дәстүрлі шараға айналды. Бұл жолы БЖЗҚ филиалдарының қызметкерлері салымшылар мен алушыларды Қор кеңселерінде емес, «Нұр-Отан» партиясының өңірлік филиалдарында қарсы алды.

«Зейнетақыны жоспарлау» – күн тәртібіндегі басты тақырып болды.

Өздеріңізге белгілі, Қазақстанда зейнетақы жүйесі бірнеше деңгейден және төлем көздерінен тұрады. Базалық және ортақ зейнетақы мемлекеттік бюджет есебінен, ал жинақтаушы зейнетақы – міндетті және ерікті зейнетақы жарналары есебінен төленеді.

Зейнетақымен қамсыздандыру жауапкершілігі мемлекет, жұмыс беруші және жұмыскер арасында оңтайлы үлестірілген. Сондықтан міндетті зейнетақы жарналарын жұмыс берушінің Қорға уақытылы аударып отыруы жұмыскер үшін өте маңызды. Өйткені болашақ зейнетақының қандай болатындығы жарналардың көлемі мен аударылу жиілігіне тікелей байланысты. 

Қордағы жинақ ақшаңыздың жай-күйімен үнемі хабардар болып отыру үшін ұялы телефоныңызға Қордың ENPF мобильді қосымшасын жүктеп алуыңызға болады. Онда push-хабарлама қызметі бар. Оны пайдалану үшін қосымшаның «Баптау» бөліміне кіріп, (push-хабарламаны қосу/өшіру) осы қызметті іске қоссаңыз болды. Сонда зейнетақы шотыңызға міндетті және міндетті кәсіптік зейнетақы жарналары келіп түскен сәтте, экранда пайда болатын қысқаша хабарлама Сізге бұл туралы хабарлап отырады.

Жалғасы...
 
«БЖЗҚ» АҚ 2019 жылдың 10 айы ішінде атқарылған жұмыстарды қорытындылады Баспаға басу

«БЖЗҚ» АҚ 2019 жылдың 1 қарашасына қарай негізгі көрсеткіштер бойынша қорытындыны жариялады. Зейнетақы жинақтарының жалпы сомасы 10,6 трлн теңгеге жетті. Олардың ішінде:

- міндетті зейнетақы жарналары (МЗЖ) бойынша – 10,3 трлн теңге;

- міндетті кәсіптік зейнетақы жарналары (МКЗЖ) бойынша – 238,0 млрд теңге;

- ерікті зейнетақы жарналары (ЕЗЖ) бойынша – 1,9 млрд теңге болды.

2019 жылдың 1 қарашасына қарай жарналардың барлық түрі бойынша ашылған жеке зейнетақы шоттарының (ЖЗШ) жалпы саны 10,6 млн бірлікті құрап, жыл басынан бері 2 пайызға өсті.

2019 жылдың 10 айы ішінде салымшылар Қорға жарналардың барлық түрі бойынша 799,9 млрд теңге аударған. Осылайша зейнетақы жинақтарының жалпы сомасы жоғарыда аталған түсім мен инвестициялық табыстар есебінен жыл басынан бері 13 пайызға өсті. Ал өткен бір жылдың ішінде, яғни 2018 жылдың 1 қарашасындағы көрсеткішпен салыстырғанда жинақтар сомасы 17 пайызға артты. Мысалы, ерікті зейнетақы жинақтары бойынша бір жыл ішіндегі өсім 4 пайызды құраса, жыл басынан бері ерікті зейнетақы жарналары бойынша түсім – 287 млн теңге болды.  

Жалғасы...
 
Үзінді көшірмені қалай тез алуға болады? Баспаға басу

«БЖЗҚ» АҚ көрсететін қызметтері мен электрондық сервистерін пайдаланушылар саны жыл санап артып келеді. Бұл ретте Қор мамандары салымшылардың ұсыныс-тілектеріне ерекше көңіл бөледі. Жеке зейнетақы шотынан үзінді көшірмені алуды тездету үшін ENPF мобильді қосымшасы жаңартылды. Енді ыңғайлы жасалған интерфейс смартфон немесе планшетіңіз арқылы үзінді көшірмені тиісті батырмаларды бар болғаны үш-ақ рет басып алуға мүмкіндік береді. Бұл үшін «Жеке кабинет» белгішесін басып, одан әрі «Қызметтер» бөлімінен «Электрондық үзінді көшірме» ішкі бөлімін таңдау қажет. Үзінді көшірмені кез келген кезең бойынша қалыптастыруға болады. Одан басқа үзінді көшірменің арнайы QR-коды бар. Онда БЖЗҚ уәкілетті қызметкерінің электрондық цифрлық қолтаңбасымен (ЭЦҚ) қол қойылған осы үзінді көшірменің электрондық нұсқасына веб-сілтеме көрсетілген.     

Еске саламыз, Қазақстан Республикасының «Электрондық құжат және электрондық цифрлық қолтаңба туралы» 2003 жылғы 7 қаңтардағы №370-II Заңының 7-бабының 1 тармағына сәйкес электрондық құжаттың дәрежесі қағаз нұсқасындағы  қол қойылған құжатпен бірдей.  

Зейнетақы шотының жай-күйін Қор сайты немесе мобильді қосымша арқылы білу үшін Сізде шотыңыздан ақпарат алу тәсілі ретінде интернет байланысы тәсілі таңдалған болуы керек. Егер таңдалмаса, жеке басыңызды  куәландыратын құжатпен Қор бөлімшесіне барып, қосымша келісімге қол қойсаңыз жеткілікті. Кейін логин мен құпия сөздің немесе электрондық цифрлық қолтаңбаның көмегімен авторланып, шоттың жай-күйін білуге болады. Бүгінде логин ретінде жеке сәйкестендіру нөмірі қолданылады.

Жалғасы...
 
Бірыңғай азаматтарды қабылдау күні өтті Баспаға басу

            ImageМемлекет басшысы Қасым-Жомарт Кемелұлы Тоқаевтың ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасын ілгерілету қадамдарының бірі ретінде 21 қараша күні еліміз бойынша мемлекеттік органдарда Бірыңғай азаматтарды қабылдау күні өткізілді. Басты мақсат – билік органдарының азаматтардың нақты әлеуметтік проблемаларын шеше отырып, халықпен тікелей қатынас орнату.
Осыған орай,
Созақ ауданының әкімі Салыхан Сабырұлы Полатов аудан тұрғындарын қабылдады. Арыз-шағымдарын арқалай келген тұрғындарды мұқият тыңдаған қала әкімі, сала басшыларына әрбір тұрғынның уәжіне назар салып, уақыт создырмай шешу керектігін тапсырды. Ашық есік күнініне келген тұрғындардың басым көпшілігі коммуналдық және ауылшаруашылық, жер мәселелерін көтерді. Таңғы сағат 9:00-ден басталған қабылдауға осы аудан бойынша 55 азамат жеке сұрақтарымен келіп, тиісті жауаптарын алды. Қабылдау кешкі сағат 19:00-ге дейін жалғасты. Дәл осындай азаматтарды бірыңғай қабылдау күні қалаға қарасты ауыл және ауылдық округтерде өткізілді. Жалпы Созақ ауданы бойынша қала, ауыл және ауылдық округтері әкімдерінің қабылдауына - 115 нен астам азамат жазылған.

            Аудан әкімінің баспасөз қызметі.
 
Облыстық мәслихаттың депутаты қоғамдық қабылдау өткізді Баспаға басу

           Image Бүгін «Nur Otan» партиясы Созақ аудандық филиалында Түркістан облыстық мәслихатының депутаты Тұрысбеков Мағауия Сексенбайұлы азаматтарды мәселелері бойынша қоғамдық қабылдау өткізді.

            Қоғамдық қабылдауға ауданның бірқатар ауылдарынан азаматтар келіп, жеке мәселелерінің шешілуіне ықпал етуді сұрады. Атап айтқанда, Тайқоңыр елді мекенінің тұрғыны Ә.Дауылбаев мал ұрлығы, Шолаққорған ауылының тұрғыны А.Бұқарбаева материалдық көмек, Керімбай Айдана көмір алу, Дәмен Дәулет өлең жинағын шығарып беру, №1 колледж директоры Б.Қордашбеков жатақхана жайын салу мәселелерімен келді. Бірқатар азаматтардың мәселесі қабылдау кезінде-ақ шешілсе, бірқатар азаматтарға Мағауия Сексенбайұлы тиісті шешімдер қабылданып, өтініштер бойынша қажетті шаралар қолға алынатындығын жеткізді, Мұнан бөлек, азаматтарға заңнама бойынша түсіндірмелер берілді. 

            Қабылдау кезінде аудандық орталықтандырылған кітапханалар жүйесінің көзі көрмейтін және әлсіз көретін азаматтар кітапханашысы Балтабекова Айман Ерубайқызы келіп, ауданымыздың 100 мүмкіндігі шектеулі азаматты аудандық “Sozaq uni” газетіне тегін жаздырып, демеушілік танытқаны үшін депутатқа алғысын жеткізді. 
Мұнан соң халық қалаулысы Созақ ауылында орналасқан №1 колледж жұмысымен танысты.

 

            Аудан әкімінің баспасөз қызметі.

 
Созақтың оқушы жас жыршылар байқауының жеңімпазы Баспаға басу

ImageТүркістан қаласында облыстық "Оңтүстік Қазақстан" газетінің жүлдесіне арналған "Жақсылар, дастан айтайын" атты жас жыршылардың облыстық байқауы аяқталды.  

            Байқау қорытындысында Созақ ауданы, Сызған ауыл округіне қарасты Қ.Рүстемов атындағы жалпы орта мектебінің оқушысы Өсер Тұран үздік өнер көрсетіп, 1 млн. теңгеге ие болды. Ал, Өсерді баптаған ұстазы Асылзат Әметова 2 млн. теңгенің сыйақысын иеленді. Ал, екінші орын тағы бір созақтыққа бұйырды. Ә.Науайы атындағы жалпы орта мектебінің 8 сынып оқушысы Рәбия Шалтай екінші орынның тұғырына көтеріліп, 600 мың теңгеге ие болса, ұстазы Жазира Сәнкібаева 1 млн. 600 мың теңге алды. 
Бұл теріскей өңірінде атадан балаға жалғасып келе жатқан өнерге деген  дәстүрдің жібі үзілмей жалғасып келе жатқанын білдірсе керек. Байқау жеңімпаздарын облыс әкімінің орынбасары Сәкен Қалқаманов марапаттады.

Аудан әкімінің баспасөз қызметі.

 
Құрметті тұрғындар! Баспаға басу

Image2019 жылы 22 қарашада Қазақстан Республикасының барлық қалаларында бір уақытта «Халық заңгері» атты кең ауқымды республикалық науқан өтеді!

Адвокаттар, заңгерлер және мемлекет өкілдері заң төңірегінде Сіздің барлық сұрақтарыңызға жауап береді және заң саласында бағыт-бағдар көрсететін болады.

Біз, құқықтық көмекті қажет ететін азаматтардың барлығын күтеміз!

 Науқан өтетін мекен жай: Созақ ауданы, Шолаққорған ауылы, С.Қожанов көшесі, н/з үй, Созақ аудандық «ХҚКО»-ның ғимараты.  

22 қараша 2019 жылы сағат 17:00-де басталады.

Кіру тегін!

 
Сосын...
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 1 - 15 ішінен 797

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 15 Желтоқсан 19 »
ДсСсСрБсЖмСнЖк
      1
2345678
9101112131415
16171819202122
23242526272829
3031         

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы