# ## Созак ауданы әкімдігінің ресми сайты - Жаңалықтар Созак ауданы әкімдігінің ресми сайты

 

 

Галерея

Жаңалықтар
Жаңалықтар
Жақындарымызға қамқор болайық Баспаға басу

Адамзат баласы қазір әлемді жайлаған қатерлі індетпен күрес бағытында барынша белсенді күрес жүргізіп келеді. Коронавирус инфекциясына қарсы біздің елімізде де тиісті іс-шаралар белсенді түрде жүзеге асырылып отыр. Десе де қай кезде де жауапкершілік мәселесіне немқұрайлы қараудың ешбір реті жоқ. Тұрғындар қатерлі індеттің өршіп кетпеуі үшін барынша қауіпсіздік шараларын сақтап, адамдар көп жиналатын орындарға баруды шектей тұрғаны дұрыс. Өкінішке орай, қазір халық арасында осындай талаптар сақтала бермейді.

Сондай орны толмас олқылықтың зардабын тартып жүргеніміз де белгілі. Күнбе-күн қатерлі індетке шалдыққан қаншама науқас тіркеліп, олардың арасынан өмірден мезгілсіз өтіп жатқан ағайын, туыс, бауырларымыздың бар екендігі бізді ойландырады. Сондықтан бұл бағытта мемлекет тарапынан тиісті қатаң шаралар қолға алынып, бүгінгі күндері елімізде карантиндік шектеу шаралары жүзеге асырылды. Оның алғашқы нәтижесі де байқала бастады. Президентіміз Қасым-Жомарт Тоқаев Қазақстан халқына телевизиялық үндеу жасап, онда бүгінгі күні маңызды саналып отырған көптеген мәселеге байланысты ой-пікірін білдірді. Қапыда көз жазып қалған қаншама бауырымызды еске алу мақсатында 13 шілде – Ұлттық аза тұту күні болып жарияланды. Осы вирустан қаза болғандардың туыстарына қатты қайғыра отырып көңіл айтамын.

Қазақ халқында «Күн жаманы кетер» деген нақыл сөз бар. Халқымыз талай зауал мен зобалаңды, індет пен нәубетті бастан өткізді. Еңсемізді езіп кеткен сол ауыр күндер де бүгінде артта қалды. Сондықтан еліміздің барша тұрғындарын сабырлылық сақтауға, үрей мен қорқынышқа бой алдырмауға шақырамын. Қатерлі індетпен күрес бағытында тиісті іс-шаралардың жүзеге асуына белсенді түрде қатысуымыз тиіс. Ең бастысы, әрбір адам өзінің, отбасының, ағайынның амандығын сақтауға жауапкершілік танытуы қажет.

 

Қабылбек Еспенбетов – Созақ аудандық Ардагерлер кеңесінің төрағасы

 

 
Мемлекет басшысын қолдайық Баспаға басу

Кеше Президентіміз Қасым-Жомарт Кемелұлы Тоқаев пандемияға байланысты қалыптасқан жағдай бойынша телеарналардан үндеу жасады. Мемлекет басшысының Үндеуде айтылған барлық маңызды мәселелерін қолдаймын. Себебі Ел Президенті халық үшін барлық жағдайды жасап келеді. Осының айғағы ретінде аталған үндеуді жасап отыр. Бұл індетке ел болып бірігіп, қолдан келген үлесімізді қосу арқылы ғана жеңеміз. Індеттің екінші толқыны басталып, күннен-күнге қаупі күшейіп келеді. Сондықтан Президент тарапынан соңғы қабылданған қатаң карантиндік шаралар елге елге тек пайда әкелері хақ. Мемлекетіміз халыққа барлық жағдайды жасауда. Бәріміз тәртіпке бағанып, бірлесе індетті жоюға ат салысу барлығымыздың азаматтық борышымыз деп білемін. Мемлекет басшысы коронавирус індетінен қайтыс болған қазақстандықтар үшін 13 шілдені – Ұлттық аза тұту күні деп жариялағаны көпшілік құптайтын шараның бірі. Ел Президентінің жасап жатқан игі істерінің барлығы халқымен бірге екенінің дәлелі.

Анарбай Шәдібеков – Созақ ауданының Құрметті азаматы

 
Баршамыздың отбасы ошақ қасымыз, ағайын-туысымыз аман болсын! Баспаға басу

Алдын-ала жасалған хабарландырудан естіп, Мемлекет Басшысының Үндеуін өзіміздің сүйікті «Qazaqstan» ұлттық арнасынан отбасымызбен көрдік.

Қасым-Жомарт Кемелұлы Үндеуде өте маңызды болған мәселелерге көңіл бөлді. Бүкіл әлемді дүр сілкіндірген індетті жеңу үшін мемлекет барлық шараларды көруі, соған күш-қайратының жеткілікті екендігін сонымен қатар сақтық шараларын күшейту керектігін айтып өтті. Үкімет пен әкімшіліктер шұғыл түрде халықты барша қажетті дәрі-дәрмектер мен қамтамасыз ету керектігіне аса қатты мән берді.

«Біз терең ойымыз, бірлігіміз, достығымыз бен бір-бірімізге қолдау көрсетіп, бұл сынақты жеңіп өтеміз»,- деді Республика Президенті.

Әр қайсымыз жақындарымыздың халықтың денсаулығын сақтауға міндеттіміз. Үндеуден дұрыс қорытынды шығарып, сақтық шараларын күшейтейік. Баршамыздың отбасы ошақ қасымыз, ағайын-туысымыз аман болсын!

 

Рысты Райымқұлова – Созақ аудандық Қоғамдық келісім кеңесі жанындағы Аналар кеңесінің төрайымы

 
Ел Президентінің Үндеуін ұлт болып қолдайық! Баспаға басу

Президент Қасым-Жомарт Кемелұлы Тоқаевтың коронавирус індетінің таралуына қарсы шаралар қабылдауда ақпараттық жұмыстардың маңызды рөл атқаратындығының айтты. Осы орайда халық пен мемлекеттік органдар бірлесе отырып, осы пандемияны тоқтатуға жұмыла жұмыс жүргізуі керек. Бұл – береке-бірлігіміз сыналатын уақыт. Біз әрқайсымыз өз міндетімізді жауапкершілікпен орындай білсек, бұл қиындықтан тезірек шығамыз.

Осындай сын сағатта бірлігімізді сақтап қана қоймай одан әрі бір-бірімізге жанашырлық танытып, індетті жою жолында ұтымды да тиімді іс-әрекеттерге батыл бару керек. Бүгін мына індеттен елімізді, әсіресе өскелең ұрпағымызды, жастарымызды қорғап қалатын, сақтап қалатын заман. Карантин жағдайындағы біздерге қойылатын талаптарға салғырт қарау, халыққа жасаған қылмыс деп түсінуіміз керек.

Ел Президентінің Үндеуін ұлт болып қолдайық!

Ербол Ержігітов – Value волонтерлар ұйымының жетекшісі

 

 
Өзімізден бастайық Баспаға басу

Мемлекет Басшысының телеарна арқылы жасаған үндеуін отбасымызбен отырып көрдік. Қасым-Жомарт Кемелұлының бұл Үндеуі халықтың әлеуетін ойлаған басшының саясаты. Бұл Үндеу біздің мемлекет пен қоғам үшін өте маңызды. Мемлекет тарапынан барлық міндеттерді орындайтынына тоқталып, қажетті дәрі-дәрмектермен де толық қамтамасыз ететіндіктерін айтты. Негізсіз бағаны өсірген әрекеттерге тыйым салып, елді дүрліктіретін жалған ақпарат таратушылар жазаланатынын, ақпаратты тек ресми мәліметтерге сүйеніп берулерін нақтылады. Жаһандық кеселге қарсы тұру үшін күш-жігеріміздің мықты екенін, жұмыла жұмыс жасап, сақтық шараларын ұстану керектігіне тоқталды.

Еліміздің басшысы айтқандай «Бір жағадан бас, бір жеңнен қол шығарып», бірлік пен татулығымыздың арқасында бұл сынақты да жеңетінімізге сенімім мол!

Бүкіл халықтың, жақындарымыздың денсаулығын сақтау мақсатында əрбіріміз маңызды қадамдар жасап, қоғамға оң ықпал жасауды өзімізден бастайық!

 

Есенбек Кенжеғараев – Созақ аудандық Қоғамдық Келісім Кеңесінің төрағасы

 
Аман болайық Баспаға басу

Президентіміз Қасым-Жомарт Тоқаев телевизиялық үндеуінде әлемде пандемияға байланысты жағдайдың күрделене түскенін айтты. Біздің елде де жағдай қиын.

Қасым-Жомарт Кемелұлы мемлекет тарапынан барлық қажетті шаралар қабылданып жатқанын айтты. Сондай-ақ 13 шілдені «Ұлттық аза тұту күні» деп жариялады. Президент халықты бүкіл күш - жігерді жинап, індетпен күресуге шақырды.

Бүгінде елді мекендерді қажетті дәрі - дәрмектермен қамтамасыз ету жұмыстары жүргізілуде. Егер ел болып сабырлылық, ұстамдылық танытсақ, жалған ақпаратқа сенбесек, күйзеліске түспей бірлігімізді сақтасақ қиындықты жеңіп шығуға болатынын Президент қадап айтты. Мұны еліміздің әр азаматы жете түсініп, сақтық шараларын қатаң қадағалап жүрсе,  жақындарына жанашыр болса қиындыққа төтеп береріміз анық. Ұйымшылдықпен ғана сынақтан сүрінбей өтетінімізге сенім мол.

Әсем Тұяқбаева – Түркістан облысының жедел-жәрдем станциясының дәрігері

 
Қиындықты бірге еңсереміз Баспаға басу

Кеше Мемлекет Басшысы Қасым-Жомарт Кемелұлы Тоқаевтың елдегі пандемияға байланысты орын алған күрделі эпидемиологиялық жағдайға орай мемлекеттік телеарналар арқылы халыққа жариялаған үндеуін тыңдадық. Президентіміз елдің көкейінде жүрген жәйттерді дөп басып айтты.

Елімізде коронавирус статистикасы күннен күнге ұлғайып, қоғамның және халықтың зор алаңдаушылығын тудырып отыр. Әр отбасында осы індет салдарынан қайғыға душар болып, жақындарынан айырылу деректері жиі тіркеліп жатыр. Сондықтан Мемлекет Басшысының шешімімен 13 шілде – Ұлттық аза тұту күні болып жарияланды. Бұл өте орынды шешім болды. Қаза болғандардың ішінде елімізге еңбегі сіңген қайраткерлер, асыл азаматтарымыз да бар.

Үндеуде Президент ең алдымен ешкім де жауапкершілікті жалтарып кетпейтінін қадап айтты. «Кейбір арсыз кәсіпкерлер қиын жағдайды пайдаланып, пайдаға кенелгісі келеді. Олар жасанды толқуды тудырып, қажетті дәрі-дәрмекке бағаны әдейі көтереді. Менің тапсырмам бойынша құқық қорғау органдары алыпсатарларды жауапқа тарта бастады. Әкімдіктер рейдтерді өткізіп, осындай фактілерді анықтауы керек. Кейбіреулер саяси ойындарды ұйымдастырады, қауесеттерді таратады, жағдайды әртүрлі болжамдар мен үндеулермен қыздырады. Қоғамда жеккөрушілік тудыруға тырысады. Мұндай манипуляциялар өте қауіпті. Сондықтан оларға заңға сәйкес құқықтық баға беріледі», - деді Қасым-Жомарт Тоқаев.

Қ.Тоқаев алапат індетпен күрестің жалғаса беретінін нық сеніммен айтты. Мемлекет басшысы күйзеліске, немқұрайлыққа бой алдырмауымыз керектігін,  бірлігімізді әрдайым көрсетуге тиістігімізді ерекше атап өтті. Ешкімді қиыншылыққа қалдырмай, әр қазақстандықтың өмірі мен денсаулығы үшін күресетінін мәлімдеп, халыққа жігер берді. Президент жасаған үндеу бүгінде үрей құшағында отырған барша қазақстандықтарға айрықша күш-жігер бергені сөзсіз.  «Баршаңызға мықты денсаулық, мызғымас береке-бірлік тілеймін!» - деп түйді сөзін Президент телеүндеуде.

Баршамыз Үкіметтің карантиндік талаптарын бұлжытпай орындап, туыстарымызды, жақындарымызды сақтайық. Сонда ғана осы індеттен аман есен шыға аламыз. Бәріміз осы жолда ыждаһаттылық пен табандылық танытайық!

 

 

Серғали Мәлікайдаров – Ы.Алтынсарин атындағы жалпы орта мектеп директоры

 
Бір-бірімізге жанашыр болайық Баспаға басу

Кеше Президентіміз Қасым-Жомарт Кемелұлы Тоқаев елдегі ахуалға байланысты мемлекеттік телеарналар арқылы халыққа үндеу жариялады. Үндеуде Мемлекет Басшысы пандемия кезінде Қазақстан ұшырасқан мәселелер, елде қалыптасқан ахуал жөнінде мәлімдеді.

 «Індетпен күрестің нәтижелі болуы ең алдымен барша жұрттың саналы әрекеті мен жауапкершілігіне баланысты. Бұл өте қауіпті, батпандап кіретін, мысқалдап шығатын дерт. Коронавирустың таралуына байланысты денсаулық сақтау жүйесіне көп ауыртпалық түсуде», – деп мәлімдеді Президент.

Расында да бұл індет елді біраз әбігерге салды. Десе де дәл қазір еңсені түсіруге болмайтын уақыт. Алып-қашпа әңгімелерге еріп, елді дүрліктіруге болмайды. Үкімет, оның ішінде Денсаулық сақтау министрлігі індетпен күрестің барлық шараларын қарастыруда. Індетпен барша дәрігерлер, бүкіл адамзат күресуде. Сондықтан да қазір ел тұрғындарын сабырлы болуға, дәрігерлер нұсқауларын орындауға шақырар едім. Сабыр мен бірліктің арқасында ғана қауіпті індетпен күрес өз натижесін бермек.

Талғат Қалдыбеков – Созақ аудандық орталық ауруханасының Бас дәрігері

 
Жастардың жалын-жігері елмен егіз Баспаға басу

ImageПрезидентіміз Қасым Жомарт Тоқаевтың халқымызға бағыттаған телевизиялық жолдауын зор ыждағатпен тыңдап, пәрменді тұстарын парасат пайымымызға сай замандас, құрдастарымызға жеткізгіміз келеді. Жастар-қоғамның қозғаушы күшіә десек, онда бүгінгі таңда жаппай дүрбелең тудырып жатқан төтенше жағдайдың отын сөндіруге жастардың қуатты күші керек-ақ. Ауданымыздағы «Жастар орталығы» МКМ-нің жастарының ұйымдастыруларымен көптеген игі бастамалар қолға алынды. Үндеуде Президентіміз 13 шілдені – Ұлттық аза тұту күні деп жариялағанын білесіздер. Осы тұста Президентіміз: -Біздің күресіміз жалғаса береді.

Бұл індетті адамзат жуық арада жеңе қоймас. Алайда, уайым мен қайғыға батып, түрлі қауесеттерге сеніп, еңсемізді түсіруге тағы да болмайды.Салмақты, сабырлы болайық!Біздің жұмысымыз – айқын, қоғам алдында ешнәрсені жасырмай, ашық айтамыз. Болашақта да солай болады. Расында жалған ақпараттар легі толастар емес. Әрине осы сәтте дәрі-дәрмек мәселесі де көңілді алаңдатып отыр. Алай небір нәубеттерді басынан өткерген қазақ ұлтының еңсесі биік, ойлары еркін! Аудан жастарына айтарым үндеуді қолдай, қорғай отырып, ел ертеңінің иелері өздерің екенін жан-дүниесімен сезіне білудің өзі ұлық қасиет!

 

Жеңісәлі Төлепбергенов,

«Жастар ресурстық орталығы» КММ-нің директоры

 
Қаламгерлер қауымы үн қосады Баспаға басу

ImageКеше Қазақстан Республикасының Президенті Қасым Жомарт Тоқаевтың Қазақстан халқына телевизия арқылы жолдаған үндеуін өткізіп алмай көріп, тыңдап шықтық. Қазіргі уақыт өте күрделі, қилы кезең. Қаншама азаматтар өмірмен қош айтысып жатыр. Қаншамасы үрей мен қорқыныш үстінде күн кешуде. Дәрігерлер айтып, түсіндіріп, құлақтарына іліп жатқандар жанждарын барынша сақтап отыр. Кейбір азаматтар бұл ауыр кезеңге көз жұма, немқұрайлылықпен салғырт салақ отыр. Оның қорытындысы әрине өлім-жітімге әкелері анық. Президенттің өзі: -Барлық азаматтарды тағы да карантин ережелерін қатаң сақтауға шақырамын. Індетпен күрестің нәтижелі болуы, ең алдымен, барша жұрттың саналы әрекеті мен жауапкершілігіне байланысты,-деген ерекше ескертуі мен талаптарды қатаң сақтауға бағытталған тапсырмалары бәріміз үшін керек. Бұл үндеуді аудандағы барлық шығармашылық өкілдері қолдап, қуаттап отыр. Үйме-үй қыдыруды, барыс-келісті, той-думандарды, дәстүрлі түрлі үрдістерді уақытша тоқтата тұрғандарыңыз абзал. Бұл ең алдымен сол сіздің ертеңгі күндері жылымық күн қайта туғанда қызықшылығыңыз бен жақсылығыңызға келетін ағайын-туыстарыңыздың амандығы мен есендігі дңр ұғынған дұрыс болар еді. Біршама елдерде бұл жағдай ушыға өрши түсуде. Сол себепті бұл маңызды жағдайға жауапсыздықпен қарамаңыздар. Қазіргі күні екі апталық карантин жағдайы енгізілді. Сондай-ақ қаншама зиялы қауым өкілдері келместің кемесіне мініп кетті. Қаншама елге танымал азаматтардың чсұм ажал ғұмырларын жалмап жатыр. Осы ауыр қазаларға орай Президент республика, облыс, аудандарда 13 шілдені – Ұлттық аза тұту күні деп жариялады.

Дәрі дәрмек мәселесі де толықтай шешілу үстінде. Ең бастысы жалған ақпарат, өсек, аяң өртіне сеніп арандап қалмаңыздар! Бұл күннің де келмеске мәңгі  кетер сәттерін көруге жазсын! Кетпен, күрек ұстамай жүріп-ақ өзі қалаған мамандығыңның төл иесі болу да аяқ баспаған армандардың басы.

Мақсат ҚАРҒАБАЙ,

жазушы,

«Алтын қалам» халықаралық байқаудың жеңімпазы

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 1 - 15 ішінен 963

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 16 Шілде 20 »
ДсСсСрБсЖмСнЖк
  12345
6789101112
13141516171819
20212223242526
2728293031   

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы