Галерея

Жаңалықтар
Жаңалықтар
БЖЗҚ-дағы Ашық есік күні Баспаға басу

Халық арасындағы насихаттау жұмысы аясында Бірыңғай жинақтаушы зейнетақы қоры 20 қыркүйекте Қазақстан аумағындағы өзінің барлық филиалында «Ашық есік күнін» өткізеді.

Күннің басты тақырыбы – «Ерікті зейнетақы жарналары – өзіңіздің және жақындарыңыздың қамын ойлаңыз». Қазір – бұл зейнетақы жинақтары саласындағы ең жиі талқыланатын мәселелердің бірі. Қор мамандары келешекте салымшыларды қандай артықшылықтар мен бонустар күтіп тұрғанын айтып береді.

Сонымен қатар бұл іс-шара мақсаты – зейнетақы жүйесінің жалпы жұмысына қатысты басқа да мәселелер бойынша салымшыларды кешенді хабарландыру.

Іс-шараға қатысушылардың барлығына бағалау сауалнамасы арқылы өз тілектері мен ескертулерін айту мүмкіндігі беріледі.

Сіздерді «БЖЗҚ» АҚ кеңселерінде күтеміз!

Біз сіздерді Шымкент қаласы Бәйдібек би даңғылы 45 мекенжайындағы «БЖЗҚ» АҚ Түркістан облыстық филиалының кеңсесінде күтеміз.

 
Несиені жабу Баспаға басу

          ImageҚазіргі таңда Президенттің Жарлығы бойынша қарыз жүктемесінің төмендеуі мен несиенің бір бөлігін жабу жүріп жатыр. Бұл хабар барша қазақстандықты қуантқаны рас. Алайда халық арасында бұл жеңілдікті кімдер пайдалана алады, қарызы кешірілетіндердің тізімінде болмаса не істеу керек деген сұрақтар туындауда.
Осы сұрақтарды талқылап, кіші-гірім лайфхактармен бөлісуді жөн көрдік.

ӨЗ МӘРТЕБЕҢІЗДІ ҚАЛАЙ ТЕКСЕРУГЕ БОЛАДЫ:
-enbek.gov.kz сайтына кіріңіз;
- «Борыштық жүктемені төмендету бағдарламасына қатысу үшін мәртебені тексеру» тетігін таңдау;
-Өз ЖСН-іңізді жазып, мәртебеңізді білу.

НЕМЕСЕ:
-- 111- біріңғай нөмеріне хабарласу.

ТАҒЫ ДА:
-egov.kz электронды порталында көруге болады.

ЕҢ СОҢЫНАН, БАСҚА АМАЛЫҢЫЗ БОЛМАҒАН ЖАҒДАЙДА ҒАНА:
- ХҚО-ға барыңыз.

           Алайда, егер сіздің аты-жөніңіз тізімде болмаса және сіз онымен келіспесеңіз, онда сізге --111, 74-32-20, 75-01-79 және 75-01-78 нөмірлеріне хабарласу керек.
Егер сізді тізімнен алып тастау себебімен келіспесеңіз, онда Сізге банкке немесе несие берген микрокредиттік ұйымға жүгіну қажет.
          Уақытыңызды әр түрлі жұмсауға болады, бірақ біз әрқашан сіз үшін оңтайлы шешім табуға тырысамыз және бос уақыттарңызды жақындарыңызға көбірек жұмсағандарыңызды қалаймыз.

 

«Азаматтарға арналған үкімет» мемлекеттік корпорациясы» Түркістан облысы филиалының баспасөз қызметі.

 

 
Президент жолдауын жүзеге асыру мақсатында жиын өтті Баспаға басу

          Image  Бүгін аудан әкімдігінің үлкен мәжіліс залында ҚР Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауына байланысты жиын өтті.

            Жиынға Түркістан облысы әкімінің орынбасары Жолдымұрат Ермұханұлы Аманбаев, аудан әкімі Салыхан Сабырұлы Полатов, аудандық мәслиахттың хатшысы Бегімбет Биімбетұлы Байғараев, аудан әкімінің орынбасарлары, бөлім басшылары, мәслихат депутаттары, ардагерлер, зиялы қауым өкілдері, үкіметтік емес ұйымдардың төрағалары және аудан тұрғындары, БАҚ өкілдері қатысты.

            Аталған шараны аудан басшысы Салыхан Полатов жүргізіп, Жолдауда көрсетілген негізгі бағыттқа тоқталды.  Ахмет Байтұрсынов  атындағы жалпы орта мектебінің директоры Талғат Шаймерденовтің баяндама жасап, Жолдауда айтылған міндеттерге тоқталды. «Жолдаудың негізгі өзегі- қоғамның халықпен. Сонымен қатар саяси реформалар мен саяси бәсекелестікті дамыту жөнінде тұжырымдамалар ұсынды.         Президент мемлекетті нығайту, отандық бизнесті қолдау, халықты әлеуметтік қорғау және экономиканы дамыту мәселелеріне баса ман берді»,- деді өз баяндамасында.  тоқталды. Жарыссөзге шыққан зиялы қауым өкілі, ақын Мыңжасар Асқаров азаматтық қоғам құру, ашықтық , халықпен кері байланыс бүгінгі қоғамның талабы. Енді Жолдаудағы тапсырмаларды іс жүзіне асыру міндеті тұр.- деді. Сондай-ақ, кәсіпкер Бибімәрия Досмағанбетқызы Тұрмаханова өз ойын ортаға салды.

            Салыхан Сабырұлы ауыл әкімдері мен бөлім басшыларына тұрғындар арасында кең ауқымды ақпараттық-түсіндіру жұмыстары жүргізуді жүктеді. Сондай-ақ, Ішкі саясат бөлімі ақпараттық-түсіндіру жұмыстары бойынша кешенді шаралар жоспарын жасауға тапсырма берді.

            Жиынды қорытындылаған облысы әкімінің орынбасары Жолдымұрат Аманбаев Мемлекет басшысы Жолдауында атап көрсетілген мәселелерді негізге ала отырып, еліміздің әлеуметтік-экономикалық дамуы мен саяси тұрақтылықты қамтамасыз етуге бар күш-қайратты жұмсауға шақырды.

            Аудан әкімінің баспасөз қызметі.

 
Арыстағы құрылыс жұмыстарына қатысқан азаматтармен тұрғындар марапатталды Баспаға басу

Арыс қаласындағы Қызылорда облысы мен Созақ ауданына тиесілі 6 сектордағы құрылыс жұмыстарының сәтті аяқталуына байланысты «Арыс холл» мейрамханасында дастархан жайылып, жергілікті тұрғындарға ас берілді. Шараға облыс әкімінің орынбасары Мырзалиев Мейіржан Иябайұлының сөзйлеп, көмек қолын созған қызылорда облысымен Арыс қаласының тұрғындарына алғыс айтты. Төтенше жағдайға байланысты жарылыстың салдарынан қираған үйлер мен жеке секторларды қалпына келтіру жұмыстарына атсалысқан азаматтарға алғысын білдіріп, облыс әкімінің, облыстық маслихаттың, «Нұр Отан» партиясының, Созақ ауданы әкімінің алғыс хаттарымен және Төлеби аудандық маслихатының грамотасымен арнайы марапаттады.

            ImageЖалпы, Арыс қаласын қалпына келтіру жұмыстары бойынша Қызылорда облысы мен Созақ ауданы 6 секторға жауапты болып, алғашқылардың бірі болып құрылыс жұмыстарын аяқтағалы отыр. 6 секторда 15 көше орналасқан, 15 комерциялық және әлеуметтік нысандар мен 268 тұрғын үйдің барлығы әртүрлі дәрежеде қалпына келтіріліп, тұрғындарға табысталды. Бұл жұмыстарға Қызылорда облысы 15 құрылыс компаниясынан 300-ге жуық құрылысшы, 5 техника жұмылдырған. Ауа-райының ыстығына қарамастан құрылысшылар қарқынды жұмыс жасап, қала тұрғындарының ыстық ықыласына бөленді. Сонымен қатар,  «Арыс, біз біргеміз» Республикалық акциясы аясында 14,5 тонна күріш, 10 тонна ұн,                5 тонна қарамұқ (гречка) және 1,5 тонна сүт яғни 31 тоннадан астам гуманитарлық көмек жеткізілді. Бұдан бөлек, облыс бойынша жергілікті атқарушы органдардағы 2 мыңнан астам мемлекеттік қызметші 1 күндік жалақысын аударды. Сондай-ақ, зардап шеккендерге азаматтық қоғам институты өкілдері, кәсіпкерлер және жеке азаматтар да өз еркітерімен қолдау көрсетті. Жалпы Сыр жұртшылығымен Арыс қаласының тұрғындарына көмек ретінде 68,0 млн қаражат аударды.

            Арыс тұрғындарын медициналық көмекпен қаматамасыз ету үшін  арнайы жасақталған аудандық аурухананың қызметкерлері бүгінгі таңға дейін жұмыс жасауда. Созақа удан тарапынан 2 камаз, 1 зил, 1 су тасығыш, 1 амкадор (жүк көтергіш), 2 газель, 1 жедел жәрдем көліктері  қоқыс шығаруға, тазалық жұмыстарына жұмылдырылды. Ауданнан ерікті тұрғындар апта сайын ауысып, кезең- кезеңімен жұмыс жасады.

Сондай-ақ арнайы жасақталған мамандар тарапынан қала тазалығына қатысып, залалсыздандыру, обаға қарсы дәрілеу жұмыстарын жүргізді. Апат зардабын көрген қала тұрғындарының мектеп жасындағы балаларының жазғы демалыстарын ұйымдастыру жұмыстары барысында, Қызылорда облысыда тыс қалмады, яғни Жаңақорған ауданындағы білім басқармасына қарасты облыстық олимпиадалар және қосымша білім беру орталығында                         150 баланың демалуларына мүмкіндік туғызды.

6 сектордағы жұмыстарға жауапты ретінде облыстан бекітілген Созақ ауданының қызметкерлері күнделікті түсіндірме жұмыстарын жүргізіп, тұрғындардың атаулы көмектерді алуына жағдай жасады.

Сонымен қатар, әр күн сайын 40 тоннаға жуық, жалпы                  15 көшеден 2,3 мың тоннадан астам құрылыс қалдықтарын, бей-берекет жиналған қоқыстарды шығарып, арнайы полигондарға жеткізді.

Аудан әкімінің баспасөз қызметі.

 
Президнет Жолдауындағы міндеттемелер назарға алынады Баспаға басу

           Image ҚР Президенті Қасым-Жомарт Кемелұлы Тоқаевтың Қазақстан халқына арнаған Жолдауын «Nur Otan» партиясы Созақ аудандық филиалының, аудан әкімі аппаратының, аудандық ардагерлер кеңесінің, кәсіподақ ұйымдарының, ауылдық округ әкімдігінің, аудандық "Jas Otan" жастар қанатының өкілдері, мекеме бөлім басшылары бірлесіп ұжымдық көрсетілім форматында тыңдады.

            Жолдауды жергілікті халыққа түсіндіру бойынша  ақпараттық насихат тобы құрылды.  Осы орайда, барлық деңгейдегі әкімдер, халық қалаулыры, жастар, ардагерлер, құзырлы органдар, қоғамдық ұйымдар, барлық сала белсенділері Президенттің Жолдауын халыққа кеңінен насихаттау жұмыстарын жүргізіп, барлық басымдықтарының жоғары деңгейде жүзеге асырылуына белсенді атсалысатын болады.
            Аудан әкімінің баспасөз қызметі.

 
Аудан әкімі «Адалдық сағатында» дәріс оқыды Баспаға басу

Бүгін аудан әкімі Салыхан Сабырұлы, Шолаққорған ауылындағы Ахмет Байтұрсынов атындағы жалпы орта мектебіндегі 11 сынып оқушыларына «Адалдық сағаты» дәрісін оқыды.  Оқушыларды жаңа оқу жылының басталуымен құттықтаған аудан басшысы, елімізде өткен жылдан бері «Адалдық жол» жобасы басталды-деді.  

           Image Бұл акцияның мақсаты мемлекеттік қызмет беру бағытында сыбайлас жемқорлықты азайту, халықтың мемлекеттік билік органдарына деген сенімін арттыру. Біз бүгінде – цифрлық технологиялардың, ақпараттың заманында өмір сүріп отырмыз. Цифрлы қоғамды дамыту, жемқорлықтың алдын- алу екенін ұмытпауымыз керек. Қызметтерді электрондық форматқа көшіру әкімшілік кедергілерді азайтып, адами факторлардың болуына жол бермейді. Мәселен, біздің ауданда соңғы жылдары көптеген қызмет түрлері электрондық форматқа ауысты. Мысалы, ауданда осы жылдың жарты жылдығында – 14 132 мемлекеттік қызмет көрсетілсе. Оның 11 564 қызмет электрондық түрде көрсетілді. Бұл электронды қызмет түрінің 66,6 пайызын құрап отыр,- деген өңір басшысы, мұның бәрі адамдардың бір- бірімен қарым- қатынасын азайтып, әкімшілік кедергілерді жойады,  жемқорлықты азайтады,- деді.

            Мектеп қабырғасындағы мына сіздер, ертең елдің ертеңісіздер. Араларыңыздан ел тізгінін ұстайтын азаматтар шығады. Сіздер білімді маман болсаңыздар,  кез- келген мекеме, жекелеген компаниялар ешкімнің көмегінсіз, жұмысқа алады. Қызметте өсесіздер. Ол үшін, оқу керек. Ағылшын тілін терең меңгеріп, заманға сай, сұранысқа ие маман болуларыңыз қажет.

            Аудан басшысы Салыхан сабырұлы оқушылар тарапынан  қойылған сұрақтарға жауап беріп,  пікірлерін тыңдады.

            Аудан әкімінің баспасөз қызметі.

 
«Азаматтарға арналған үкімет» жылжымайтын мүлікті тіркеу бойынша 2 млн-нан астам өтініш тіркеді Баспаға басу

Image «Азаматтарға арналған үкімет» бір жылда жылжымайтын мүлікті тіркеу қызметі бойынша 2 млн 30 мыңнан астам өтініш тіркеді. Естеріңізге сала кетейік, жылжымайтын мүлікті тіркеу қызметі Әділет министрлігінің құзіретіненмемлекеттік корпорацияға 2018 жылдың 30 шілдесінде берілген болатын.

Статистикалық мәліметтерге сүйенсек, Нұр-сұлтан және Алматы қалаларының, сондай-ақ Алматы мен Қарағанды облыстарының тұрғындары жылжымайтын мүлікті тіркеу қызметтерін ең белсенді алушылар болып отыр. Атап айтсақ, 2018 жылдың 30 шілдесінен бастап 2019 жылдың 31 шілдесіне дейін Алматы қаласы мен Алматы облысында 228 мыңнан астам өтініш тіркелген, елорда тұрғындарынан 209 мыңнан астам және Қарағанды облысынан 157 мыңнан астам өтініш келіп түскен.

Ал Қызылорда (58 мыңнан астам өтініш), Атырау (62 мыңнан астам өтініш) және Маңғыстау (73 мыңнан астам өтініш) облыстарында жылжымайтын мүлікті тіркеу қызметіне деген сұраныс төмен.

Айта кетейік, көрсеткіштерді есептеу кезінде құқықтың пайда болуы, деректердің өзгеруі, ауыртпалықтарға және екінші деңгейдегі банктермен келісім шартқа отырубойынша өтініштер ескерілді.

«Бүгінде жылжымайтын мүлікті қысқа мерзімде рәсімдеуге болады. Бас-аяғы 3 жұмыс күні ішінде мүлігіңіздің тіркелгені туралы мөртабасы бар қажетті құжат қолыңызда болады. Дегенмен, біз азаматтардың өмір сүру сапасын жақсарту мақсатында бұл қызметті одан әрі оңтайландырып, алдағы уақытта тіркеу уақытын 1 күнге дейін қысқартуды жоспарлап отырмыз», – дейді мемлекеттік корпорация төрайымы Әсемгүл Балташева.

Айта кету керек, жылжымайтын мүлікті тіркеуге өтінішті«Азаматтарға арналған үкімет»және нотариустар арқылы беруге болады.


                                                                                                        «Азаматтарға арналған үкімет»       

                                                                                                мемлекеттік корпорациясы»

                                                                                               Түркістан облысы филиалының        

                                                                                              Созақ аудандық «Халыққа қызмет             

                                                                                              көрсету бойынша» бөлім маманы 

                                                                                       Бірлесова Раушан Нұрланқызы

 

 
Зейнеткерлікке смс арқылы шығуға болады Баспаға басу

«Азаматтарға арналған үкімет» мемлекеттік корпорациясы зейнеткерлікті проактив әдісімен рәсімдеу бойынша пилоттық жобаны іске қосты.

Аталған пилотты жүзеге асыру жөніндегі бірлескен бұйрыққа ҚР Цифрлық даму, инновациялар және аэроғарыш өнеркәсібі министрлігі мен ҚР Еңбек және халықты әлеуметтік қорғау министрлігі қол қойды. Жоба әзірге «Азаматтарға арналған үкімет» мемлекеттік корпорациясының зейнет жасына жететін қызметкерлерін қамтиды. Бүгінде корпорацияда 22 мың қызметкер еңбектенеді.

Зейнеткерлікке шығу барысында дәстүрлі түрде ХҚО арқылы жасына байланысты зейнетақы төлемдерін, мемлекеттік базалық зейнетақы төлемдерін және бірыңғай жинақтаушы зейнетақы қорынан зейнетақы төлемдерін тағайындау мемлекеттік қызметтері рәсімделеді. Бұдан былай халыққа қызмет көрсету орталығына бару қажеттілігі болмайды.

Зейнет жасына толғанға дейін 10 күн бұрын болашақ зейнеткерге қызметті проактивті түрде рәсімдеуге ұсыныс білдіретін смс-хабарлама жолданады. Келісім берілген жағдайда, кадр бөліміне алдын ала тапсырылған құжаттар электронды түрде жауапты мемлекеттік органның мақұлдауына жіберіледі.

Айта кетейік, зейнеткер жұмыс берушісінің кадр бөліміне алдын ала еңбек өтілі, зейнеткерлік жүйеге қатысуы сияқты мәліметтерді ұсынады, бұл ақпарат, өз кезегінде, еңбек келісімдерін есепке алу бірыңғай жүйесіне енгізіледі.

Аталған әдіс арқылы мемлекеттік корпорацияның екі қызметкері зейнеткерлікке шығып үлгерді. Тиісті смс-хабарламаларды алғандардың қатарында астаналық әлеуметтік қамсыздандыру бөлімінің жетекшісі Райхан Жолдықұлова мен Ақмола облысы филиалының жер кадастры бөлімінің қызметкері Любовь Шестаева бар.

«Корпорациямыз цифрлық жаңашылдықтардың үнемі басы-қасында жүреді. Бірақ дәл осы зейнеткерлікке шығу жобасының алғашқы қатысушысы боламын деп ойламаппын. Зейнет жасына жеткенде қаншама құжаттың машақаты барын білемін. Барлығы смс-пен шешілгеніне қуаныштымын», – дейді зейнеткер Райхан Жолдықұлова.

Пилоттық жоба қорытындысы бойынша оның өзге мекемелерге таралуы бойынша шешім қарастырылады.

  «Азаматтарға арналған үкімет»       

  мемлекеттік корпорациясы» Түркістан облысы филиалының  Созақ аудандық «Халыққа қызмет    көрсету бойынша» бөлім маманы

Абишова Бақытжамал Сейлбековна

 
Соғылды алғашқы қоңырау Баспаға басу

Image Бүгін аудандағы 35 мектепте алғашқы қоңырау соғылып, жаңа оқу жылы басталды. Аудан әкімі Салыxан Полатов А. Байтұрынов атындағы  жалпы орта мектебіне барып, ұстаздармен оқушыларды жаңа оқу жылының басталуымен құттықтады. 
            "Өскін ұрпаққа сапалы білім беру мәселесі қашанда күн тәртібінен түскен емес. Халқымыз «Күш – білімде» деп бекер айтпаған. Дәл осы күннен бастап, болашақ ел тұтқасын ұстар азаматтың жеке тұлға ретінде қалыптасу кезеңі басталады. Сондықтанда бұл күннің әрбір адам үшін маңызы зор. Ал олардың заманаға сай білімді болып өсуіне педагог мамандарының еңбегі ерен»,- деді, аудан басшысы. Құттықтау лебізін, мектептегі ата- аналар кеңесінің төрағасы Амалбек Мұсабеков жалғап, жаңа оқу жылында жаңа табыстар тіледі. 1 сыныпқа баратын мектеп оқушылары, алғашқы қоңырау соғып,  мектеп табылдырығын аттады. 

            Жалпы ауданда былтырғы оқу жылында 14514 оқушы білім алы, 689 оқушы мектеп бітірді. Оның 173-і мемлекеттік грант иегері атанды, 19 азамат облыс әкімінің грантына ие болды. Ал, биылғы оқу жылында 14 816  оқушы білім алады деп күтілуде. Оның ішінде 1-сыныпқа 1424 бала мектеп табалдырығын аттағалы отыр.

 

            Аудан әкімінің баспасөз қызметі.

 
Бірыңғай жиынтық төлемді төлей бастадым. Бірақ бірнеше айды жіберіп алдым. Мен енді осы ағымдағы айда бірыңғай төлемді өткен айлар үшін төлей аламын ба? Баспаға басу

Жоқ, бірыңғай жиынтық төлемді ағымдағы ай мен алдағы айлар үшін ғана төлеуге болады. 

Жеке тұлғалар бұл төлемді өз бетімен екінші деңгейдегі банктер және жекелеген банк операцияларын орындайтын ұйымдар немесе Қазпошта арқылы қолма-қол ақшамен немесе банктегі шоты арқылы Мемлекеттік корпорацияның банк шотына аударады.

Төлеушілердің бірыңғай жиынтық төлемін төлеуді олар өз бетінше немесе үшінші жақтың пайдасына жасайды, бұл бірыңғай жиынтық төлемді төлеудің «ММЖЖЖ» форматында көрсетілген мерзімін көрсете отырып жүзеге асырылады.

 
<< [Бірінші] < [Алдыңғы] 1 2 3 4 5 6 7 8 9 10 [Келесі] > [Соңғы] >>

Нәтижелер 1 - 15 ішінен 747

Әкімнің блогы

Мемлекеттік рәміздер

     

 

 

 

 

Жаңалықтар күнтізбесі

 
« 16 Қыркүйек 19 »
ДсСсСрБсЖмСнЖк
      1
2345678
9101112131415
16171819202122
23242526272829
30           

Валюта бағамы

Информационный сервер xFRK: валютные баннеры для Вашего сайта

Ауа райы

Пікіртерім

Біздің жаңа дизайнға баға беріңіз?
 

Жаңалықтар таспасы